ലോകത്തിലെ എല്ലാ ദമ്പതിമാരും രണ്ടു ശതമാനം സംശയരോഗികളാണെന്നാണ് കണക്കുകള് പറയുന്നത്. എന്നാല് അതൊന്നും ബ്രിട്ടീഷുകാരിയായ ഡെബ്ബിവുഡിനൊപ്പം വരില്ലെന്ന് തോന്നുന്നു. തന്റെ ഭര്ത്താവ് തന്നെ വഞ്ചിക്കുന്നുണ്ടോ എന്നറിയാന് ഇവര് കൊണ്ടുവന്നിരിക്കുന്ന നിയന്ത്രണങ്ങള്
മാധ്യമങ്ങളില് തലക്കെട്ടുകള് സൃഷ്ടിക്കുകയാണ്. നുണപരിശോധന യന്ത്രം ഉള്പ്പെടെ അവര് ഒരുക്കിയിരിക്കുന്ന സംവിധാനങ്ങള് കൗതുമുള്ളതുമാണ്.
ഭര്ത്താവ് സ്റ്റീവി എവിടെയൊക്കെ പോകുന്നുവെന്നറിയാനും ആരൊടൊക്കെ സംസാരിക്കുന്നു എന്ന് അറിയാനും അയാളുടെ പ്രവര്ത്തനങ്ങള് ട്രാക്കുചെയ്യാനുമൊക്കെ അവര് സംവിധാനമൊരുക്കിയിരിക്കുകയാണ്. ഡെബ്ബി സ്റ്റീവിനെ നിരന്തരം നുണപരിശോധനയ്ക്ക് വിധേയനാക്കും. ഈ അസാധാരണ കാര്യങ്ങളുടെ തുടക്കം അവരുടെ ബന്ധത്തിന്റെ ആദ്യ നാളുകളില് ഉണ്ടായ ഒരു സംഭവത്തില് നിന്നാണ്.
സ്റ്റീവ് മറ്റൊരാളുമായി ഡേറ്റിംഗ് നടത്തിയത് ഭാര്യയുടെ ശ്രദ്ധയില്പ്പെട്ടു. ഇരുവരും തമ്മിലുണ്ടായ ചൂടേറിയ തര്ക്കത്തിനിടെ, തന്റെ സത്യസന്ധത പരിശോധിക്കാന് ഡെബിക്ക് നുണപരിശോധന ഉപയോഗിക്കാമെന്നായിരുന്നു സ്റ്റീവിന്റെ നിര്ദ്ദേശം. തന്റെ സത്യസന്ധത സ്ഥിരീകരിക്കാന് നുണ പരിശോധന, ഫോണ് റെക്കോര്ഡുകള്, ബാങ്ക് സ്റ്റേറ്റ്മെന്റുകള് എന്നിവയുള്പ്പെടെയുള്ള ഏതുകാര്യങ്ങളും പരിശോധിക്കാന് സ്റ്റീവ് അനുവാദം നല്കി.
ഈ നടപടികള് ഒരു വര്ഷത്തിലേറെയായി തുടരുന്നു. തങ്ങളുടെ ബന്ധം നിലനിര്ത്താനാണ് താന് ഈ നടപടികള് സ്വീകരിച്ചതെന്ന് ഡെബ്ബി അവകാശപ്പെടുന്നു. കാലക്രമേണ അവള് സ്റ്റീവിന് കൂടുതല് സ്വാതന്ത്ര്യം നല്കിയിട്ടുണ്ടെങ്കിലും, നുണ കണ്ടെത്തല് പരിശോധനകള് ആഴ്ചയിലോ മാസത്തിലോ തുടരുന്നു. അതിശയകരമെന്നു പറയട്ടെ, സ്റ്റീവ് ഇതില് സംതൃപ്തനായി തുടരുന്നു. അവരുടെ ബന്ധത്തില് സമാധാനത്തിനും സന്തോഷത്തിനും നല്കാനുള്ള ചെറിയ വിലയായാണ് അദ്ദേഹം പരിശോധനകളെ കാണുന്നത്.
വിശ്വാസവഞ്ചനയുടെ മുന്കാല അനുഭവങ്ങളില് നിന്നാണ് ഡെബിയുടെ ഈ മുന്കരുതലുകള് ഉടലെടുത്തത്, യഥാര്ത്ഥ സ്നേഹം ആന്തരിക സൗന്ദര്യത്തെ തിരിച്ചറിയുകയും എല്ലാറ്റിനുമുപരിയായി വിശ്വാസത്തെ വിലമതിക്കുകയും ചെയ്യുന്നുവെന്ന് അവള് വിശ്വസിക്കുന്നു.