മരിച്ചയാളെ ബാങ്കില്‍ കൊണ്ടുവന്ന് അയാളുടെ പേരില്‍ വായ്പയെടുക്കാന്‍ ശ്രമിച്ച് 42 കാരി അറസ്റ്റിലായി. ബ്രസീലില്‍ നടന്ന സംഭവത്തില്‍ എറീകാ ഡിസൂസ വെയ്രാ ന്യൂനസ് എന്ന യുവതിയാണ് ബാങ്കിനെ പറ്റിക്കാന്‍ നോക്കിയത്. ഏപ്രില്‍ 16-ന്, റിയോ ഡി ജനീറോയിലെ ബാംഗുവിലുള്ള ഇറ്റൗ യൂണിബാങ്കോ ശാഖയിലായിരുന്നു സംഭവം. മരണപ്പെട്ട 68-കാരനായ പൗലോ റോബര്‍ട്ടോ ബ്രാഗയുമായി ബാങ്കിന്റെ ശാഖയില്‍ എത്തിയ യുവതി 3,200 ഡോളറായിരുന്നു വായ്പ എടുക്കാന്‍ ശ്രമിച്ചത്.
ബ്രാഗയെ വീല്‍ ചെയറില്‍ ബ്രാഗയെ ഇരുത്തി താന്‍ അയാളുടെ മരുമകളും പ്രാഥമിക പരിചാരകരും ആണെന്ന് രീതിയിലായിരുന്നു ന്യൂനസ് കാര്യങ്ങള്‍ നീക്കിയത്. ബ്രാഗയ്ക്ക് ഗുരുതരമായ എന്തോ പ്രശ്‌നമുണ്ടെന്ന് ബാങ്ക് ജീവനക്കാര്‍ പെട്ടെന്ന് തന്നെ ശ്രദ്ധിച്ചു, കാരണം അദ്ദേഹത്തിന്റെ മരുമകള്‍ക്ക് അവന്റെ തല കൈകൊണ്ട് താങ്ങി നിര്‍ത്തേണ്ടി വന്നത് തന്നെയായിരുന്ന പ്രധാനമായും സംശയിക്കാന്‍ ഉണ്ടായിരുന്ന സാഹചര്യം. മാത്രമല്ല അയാള്‍ തനിക്ക് ജീവനുള്ളതിന്റെ അടയാളങ്ങളൊന്നും കാണിച്ചതുമില്ല.
അയാള്‍ ശാന്തനും സംസാരിക്കാത്തയാളുമാണെന്ന് ജീവനക്കാരെ വിശ്വസിപ്പിക്കാനും ശ്രമിച്ചു. അയാളെ എല്ലാം അറിയിക്കുന്ന രീതിയില്‍ ന്യൂനസ് അയാളോട് സംസാരിച്ചുകൊണ്ടും ഇരുന്നു. ഒപ്പിടണമെന്നും ഒപ്പിട്ടില്ലെങ്കില്‍ വായ്പ കിട്ടില്ലെന്നും മറ്റും ന്യൂനസ് പറഞ്ഞുകൊണ്ടിരുന്നു. അയാള്‍ സുഖകരമായിട്ടല്ല ഇരിക്കുന്നതെന്ന് ഇതിനകം ബാങ്ക് ജീവനക്കാര്‍ക്ക് തോന്നുകയും അവര്‍ക്ക് സംശയം ഉണ്ടാകുകയും ചെയ്തു. ബാങ്ക് ജീവനക്കാര്‍ ഇതിനകം അടിയന്തര സേവനങ്ങളെയും പോലീസിനെയും വിളിച്ചിരുന്നു.
റോബര്‍ട്ടോ ബ്രാഗ ഒരിക്കലും അവളുടെ ചോദ്യങ്ങള്‍ക്ക് ഉത്തരം നല്‍കിയിരുന്നില്ല. പിന്നീട് നടത്തിയ പരിശോധനയില്‍ അദ്ദേഹം മരിച്ച് കുറച്ച് മണിക്കൂറുകളെങ്കിലും കഴിഞ്ഞിട്ടുണ്ടെന്ന് പാരാമെഡിക്കുകളും പിന്നീട് സ്ഥിരീകരിച്ചു. ഇതോടെ മൃതദേഹത്തെ അധിക്ഷേപിച്ചതിനും വഞ്ചനാശ്രമം നടത്തിയതിനും വിയേര നൂണ്‍സിനെ അറസ്റ്റ് ചെയ്യുകയും കേസെടുക്കുകയും ചെയ്തു. അതേസമയം പോലീസ് വൃത്തങ്ങള്‍ വസ്തുതകള്‍ തെറ്റായി അവതരിപ്പിച്ചുവെന്ന് ന്യൂനസിന്റെ അഭിഭാഷകന്‍ ബ്രസീലിയന്‍ മാധ്യമപ്രവര്‍ത്തകരോട് പറഞ്ഞു.
എറിക്ക അവനെ ബാങ്കിലേക്ക് കൊണ്ടുവരുമ്പോള്‍ പൗലോ റോബര്‍ട്ടോ ബ്രാഗ ജീവിച്ചിരുന്നുവെന്നും ലോണ്‍ അപ്രൂവല്‍ പ്രക്രിയയ്ക്കിടെ അദ്ദേഹം മരിച്ചുവെന്നുമാണ് അദ്ദേഹം അവകാശപ്പെടുന്നത്. 42 കാരിയായ യുവതി ബാങ്കില്‍ എത്തിച്ചപ്പോഴേ ഇയാള്‍ മരിച്ചിരുന്നതായും സ്ഥാപനത്തെ കബളിപ്പിക്കാന്‍ മാത്രമാണ് ന്യൂനസ് ആഗ്രഹിച്ചതെന്നും പൊലീസ് പറയുന്നു. പ്രത്യക്ഷത്തില്‍, അവര്‍ ബ്രാഗയുടെ മരുമകളല്ല, അകന്ന ബന്ധുവായിരുന്നു എന്നും പോലീസ് കണ്ടെത്തി. അവള്‍ അവന്റെ കെയര്‍ടേക്കര്‍ ആയിരുന്നോ എന്ന കാര്യത്തിലും വ്യക്തതയില്ല.
