രാജ്യത്തെയാകെ ഞെട്ടിച്ച് ബംഗളൂരുവിലെ കോറമംഗലയിൽ 22 കാരിയായ ബീഹാർ യുവതിയെ ഹോസ്റ്റലിൽ വച്ച് കൊലപ്പെടുത്തിയ കേസിലെ പ്രതി അഭിഷേകിനെ ശനിയാഴ്ച മധ്യപ്രദേശിൽനിന്ന് പോലീസ് അറസ്റ്റ് ചെയ്തു. ജൂലൈ 23ന് രാത്രി കൃതി കുമാരിയെ ക്രൂരമായി കൊലപ്പെടുത്തിയ ശേഷം പ്രതി മധ്യപ്രദേശിലേക്ക് രക്ഷപ്പെട്ടിരുന്നു.
കൊലപാതകത്തിന് പിന്നിലെ കാരണം കണ്ടെത്താൻ പ്രതിയെ ബംഗളൂരുവിൽ ചോദ്യം ചെയ്യും. ഒരു സ്വകാര്യ കമ്പനിയിൽ ജോലി ചെയ്തിരുന്ന 22 കാരിയായ യുവതി അക്രമിയുടെ കാമുകിയുടെ സഹപ്രവർത്തകയായിരുന്നു. അടുത്തിടെ തൊഴില്‍ നഷ്ടപ്പെട്ട അഭിഷേകും കാമുകിയും തൊഴിലില്ലായ്മയെക്കുറിച്ച് പതിവായി വഴക്കുണ്ടാക്കിയിരുന്നു. ഈ തർക്കങ്ങൾ പലപ്പോഴും രൂക്ഷമാവുകയും ചെയ്തു. കൃതി ചിലപ്പോൾ ഇടപെടുകയും ചെയ്തിരുന്നു. റൂംമേറ്റായ കാമുകിയോട് അഭിലാഷില്‍നിന്ന് അകലണമെന്ന് അവൾ ഉപദേശിച്ചതായാണ് അഭിലാഷ് കരുതുന്നത്.
തുര്‍ന്ന് ഇവരുടെ ബന്ധം വഷളായി, കൃതിയും അവളുടെ സുഹൃത്തുക്കളും അഭിലാഷിനെ ഒഴിവാക്കാൻ തുടങ്ങി. കുറച്ച് മുമ്പ് അഭിഷേക് പിജി ഹോസ്റ്റലിൽ വന്ന് ബഹളം സൃഷ്ടിച്ചു, തുടർന്ന് കൃതി കുമാരി തന്റെ സുഹൃത്തിനെ പുതിയ പിജി ഹോസ്റ്റലിലേക്ക് മാറ്റാൻ സഹായിച്ചു, ഇരുവരും അഭിഷേകിന്റെ കോളുകൾ അറ്റന്‍ഡ് ചെയ്യാതായി. ഇത് അവനെ രോഷാകുലനാക്കുകയും ഒടുവിൽ കൃതിയെ കൊലപാതകത്തില്‍ അവസാനിക്കുകയും ചെയ്തു.
സംഭവത്തിന്റ സിസിടിവി ദൃശ്യങ്ങൾ സോഷ്യൽ മീഡിയയിൽ വൈറലായിരുന്നു, അഭിഷേക് വാതിലിൽ മുട്ടി മുറിയിലേക്ക് കയറി. തൊട്ടുപിന്നാലെ, അവളെ പുറത്തേക്ക് വലിച്ചെറിയുന്നതും കൃതി അവന്റെ പിടിയിൽ നിന്ന് രക്ഷപ്പെടാൻ പാടുപെടുന്നതും സിസിടിവി ദൃശ്യങ്ങളിൽ കാണാം. പിന്നാലെ മുറിയുടെ പുറത്തേക്ക് വലിച്ചിറക്കി ഒന്നിലധികം തവണ കുത്തി.
