മുകൾചുണ്ട് വലുതാക്കാൻ വേണ്ടി താന് “ബഫലോപ്ലാസ്റ്റി” എന്ന കോസ്മെറ്റിക് ശസ്ത്രക്രിയയ്ക്ക് താരം വിധേയയായി എന്ന വിചിത്രമായ വൈറൽ ആരോപണത്തെക്കുറിച്ച് വ്യക്തതയുമായി നടി ജാൻവി കപൂർ .
“ടു മച്ച് വിത്ത് കാജോൾ ആൻഡ് ട്വിങ്കിൾ” എന്ന ടോക്ക് ഷോയിൽ പങ്കെടുത്തുകൊണ്ട് താരം ഈ ഊഹാപോഹങ്ങൾ തള്ളിക്കളഞ്ഞു. ഈ കിംവദന്തിയെക്കുറിച്ച് വ്യക്തമാക്കുന്നതിനിടെ, “ബഫലോപ്ലാസ്റ്റി” എന്ന ശസ്ത്രക്രിയ താൻ ചെയ്തിട്ടുണ്ടെന്ന് അവകാശപ്പെട്ട്, തന്റെ മുഖ സവിശേഷതകൾ വിശകലനം ചെയ്യുന്ന “സ്വയം പ്രഖ്യാപിത ഡോക്ടർമാരുടെ” വീഡിയോ ശ്രദ്ധയിൽപ്പെട്ടതിനെക്കുറിച്ച് ജാൻവി വിശദീകരിച്ചു.
ബഫലോപ്ലാസ്റ്റി എന്ന ഈ പദം ഉടൻ തന്നെ സോഷ്യൽ മീഡിയ ഉപയോക്താക്കളുടെ ശ്രദ്ധ പിടിച്ചുപറ്റി, എന്താണ് ഇതിന്റെ അർത്ഥമെന്ന് പലരും ആകാംഷയോടെ തിരയുകയും ചെയ്തു.
എന്താണ് ബഫലോപ്ലാസ്റ്റി?
ചിലപ്പോൾ ബുൾഹോൺ ലിപ്റ്റ് ലിഫ്റ്റ് എന്നും വിളിക്കപ്പെടുന്ന ബഫലോപ്ലാസ്റ്റി (Buffaloplasty) എന്നത് മൂക്കിനും മുകൾ ചുണ്ടിനും ഇടയിലുള്ള ദൂരം (ഫിൽട്രം എന്നറിയപ്പെടുന്നു) കുറയ്ക്കാൻ ലക്ഷ്യമിട്ടുള്ള ഒരു കോസ്മെറ്റിക് സർജിറിയാണ്. മൂക്കിന് താഴെയുള്ള നേർത്ത ഒരു പാളി ചർമ്മം നീക്കം ചെയ്ത ശേഷം മുകൾചുണ്ട് ചെറുതായി ഉയർത്തുന്നതിലൂടെയാണ് ഇത് ചെയ്യുന്നത്. ഇതിലൂടെ ഫില്ലറുകൾ ഉപയോഗിക്കാതെ തന്നെ ചുണ്ടുകൾക്ക് കൂടുതൽ ഭംഗിയും യുവത്വവും നൽകുന്ന പ്രതീതി ലഭിക്കും. ഈ പ്രക്രിയ സാധാരണയായി ലോക്കൽ അനസ്തേഷ്യ ഉപയോഗിച്ചാണ് ചെയ്യുന്നത്. കോസ്മെറ്റിക് സർജറിയിൽ ഇത് ഒരു പ്രധാന പദമല്ലെങ്കിലും, ഈ സാങ്കേതികവിദ്യ പലതരം ലിപ്റ്റ് ലിഫ്റ്റ് ശസ്ത്രക്രിയകളുടെ രൂപത്തിൽ വർഷങ്ങളായി നിലവിലുണ്ട്.
ജാൻവിയുടെ പ്രതികരണം പ്രാധാന്യമർഹിക്കുന്നത് എന്തുകൊണ്ട്?
ഓൺലൈനിൽ പ്രചരിക്കുന്ന യാഥാർത്ഥ്യമല്ലാത്ത സൗന്ദര്യ സങ്കൽപ്പങ്ങളുമായി ഒത്തുപോകാൻ യുവതലമുറയിൽ വർധിച്ചുവരുന്ന സമ്മർദ്ദത്തെയാണ് ജാൻവിയുടെ പ്രതികരണം എടുത്തു കാണിക്കുന്നത്. “ഇതുപോലുള്ള ഒരു വീഡിയോ കണ്ട് ഒരു യുവതി സുരക്ഷിതമല്ലാത്ത എന്തെങ്കിലും ചെയ്യാൻ തീരുമാനിച്ചാൽ, അത് ഏറ്റവും മോശമായ കാര്യമായിരിക്കും,” അവർ പറഞ്ഞു—ട്രെൻഡുകൾ, പ്രത്യേകിച്ച് മെഡിക്കൽ സംബന്ധമായവ, നിസ്സാരമായി കാണരുത് എന്നതിന്റെ ഓർമ്മപ്പെടുത്തലാണ് ഇത്. സൗന്ദര്യ സംബന്ധമായ ട്രെൻഡുകളും ശസ്ത്രക്രിയകളും തിരഞ്ഞെടുക്കുമ്പോൾ ശരിയായ വിദഗ്ദ്ധോപദേശം തേടേണ്ടത് എത്രത്തോളം പ്രധാനമാണെന്ന് ഇത് ഓർമ്മിപ്പിക്കുന്നു.
