ഇംഗ്ലണ്ടിനെതിരേ ലോര്ഡ്സിലെ തോല്വിക്ക് ശേഷം ടെസ്റ്റ് വിരമിക്കല് പിന്വലിക്കാന് വിരാട് കോഹ്ലിയ്ക്ക് മേല് സമ്മര്ദ്ദം. ‘ഒന്നും തെറ്റില്ല…’ലോര്ഡ്സില് നടന്ന മൂന്നാം ടെസ്റ്റ് മത്സരത്തില് ഇംഗ്ലണ്ടിനെതിരായ വേദനാജനകമായ തോല്വിക്ക് ഒരു ദിവസത്തിന് ശേഷം വിരാട് കോഹ്ലി തന്റെ ടെസ്റ്റ് വിരമിക്കല് പിന്വലിക്കണമെന്ന് മുന് ഇന്ത്യന് ക്രിക്കറ്റ് ടീം താരം മദന് ലാല് ആവശ്യപ്പെട്ടു.
ഇംഗ്ലണ്ടിനെതിരായ അഞ്ച് മത്സര പരമ്പര ആരംഭിക്കുന്നതിന് തൊട്ടുമുമ്പ് കോഹ്ലി ടെസ്റ്റ് വിരമിക്കല് പിന്വലിക്കാനും ഉടന് മടങ്ങിവരാനും ഒരു മുന് ഇന്ത്യന് ക്രിക്കറ്റ് താരം വിരാട് കോഹ്ലിയോട് ആവശ്യപ്പെട്ടു. മത്സരത്തില് ശക്തമായ സ്ഥാനം നേടിയിട്ടും ലോര്ഡ്സില് നടന്ന മൂന്നാം ടെസ്റ്റില് ഇന്ത്യ 22 റണ്സിന് പരാജയപ്പെട്ടു. ഇതോടെയാണ് കോഹ്ലി തിരിച്ചുവരാന് മൂന്താരം ആവശ്യപ്പെടുന്നത്്.
അഞ്ച് മത്സരങ്ങളുള്ള പരമ്പരയില് 2-1 ന് മുന്നിലെത്താന് ഇന്ത്യക്ക് മികച്ച അവസരം ഉണ്ടായിട്ടും മത്സരം ജയിക്കാന് കഴിഞ്ഞില്ല. ‘വിരാട് കോഹ്ലിക്ക് ഇന്ത്യന് ക്രിക്കറ്റി നോടുള്ള അഭിനിവേശം അതുല്യമായിരുന്നു. വിരമിച്ച ശേഷം അദ്ദേഹം ടെസ്റ്റ് ക്രിക്ക റ്റിലേക്ക് തിരിച്ചുവരണമെന്നാണ് എന്റെ ആഗ്രഹം. തിരിച്ചുവരുന്നതില് തെറ്റൊ ന്നുമില്ല. ഈ പരമ്പരയിലല്ലെങ്കില്, അടുത്ത പരമ്പരയിലെങ്കിലും,’ മദന് ലാല് പറഞ്ഞു.
എന്റെ കാഴ്ചപ്പാടില്, അദ്ദേഹം തന്റെ വിരമിക്കല് മാറ്റണം. കാരണം അദ്ദേഹത്തിന് 1-2 വര്ഷം കൂടി അനായാസം കളിക്കാന് കഴിയും. നിങ്ങളുടെ അനുഭവം യുവതാരങ്ങള്ക്ക് കൈമാറുക എന്നതാണ് നിങ്ങളുടെ ലക്ഷ്യം. നിങ്ങള് അത് ഉപേക്ഷിച്ചു. ഇനിയും വൈകിയിട്ടില്ലെന്നും മദന്ലാല് പറഞ്ഞു. ഇന്ത്യാ ഇംഗ്ളണ്ട് പരമ്പരരയില് ഇംഗ്ളണ്ട് ഇപ്പോള് 2-1 ന് മുന്നിലാണ്.
