ഇന്ന് എല്ലാ മേഖലകളിലും ജനറേറ്റീവ് ആർട്ടിഫിഷ്യൽ ഇന്റലിജൻസ് (AI) തുടക്കം കുറിച്ചു കഴിഞ്ഞു. എന്നാൽ എഐ യുടെ വരവോടെ ഓൺലൈനിൽ നിരവധി വ്യാജ വീഡിയോകൾ നിർമ്മിക്കുന്നതിനും വ്യാപിക്കപ്പെടുന്നതിനും കാരണമായി. ആളുകളെ ചിരിപ്പിക്കുന്നത് മുതൽ ഭീതി സൃഷ്ടിക്കുന്നതുവരെയുള്ള വീഡിയോകൾ ഇത്തരത്തിൽ നിർമ്മിക്കപ്പെടുന്നുണ്ട്.
ഇപ്പോഴിതാ അപകടകാരികളായ ഭീമൻ അനക്കോണ്ടകൾ ഒരു നദിയിലൂടെ തെന്നിമാറുന്നതിന്റെ അതിഭീകര ദൃശ്യങ്ങളാണ് സോഷ്യൽ മീഡിയയിൽ ശ്രദ്ധ നേടുന്നത്. വീഡിയോ ഡിജിറ്റലായി സൃഷ്ടിച്ചതാണെന്ന് നെറ്റിസൺമാർക്ക് മനസിലായെങ്കിലും വീഡിയോ പലരേയും ആകർഷിച്ചു.
വൈറലായിക്കൊണ്ടിരിക്കുന്ന ഹെലികോപ്റ്റർ ദൃശ്യങ്ങളിൽ, ഒരു മനുഷ്യൻ ഒരു ഹെലികോപ്റ്ററിൽ നിശബ്ദമായി ഇരുന്ന് ദൃശ്യങ്ങൾ പകർത്തുന്നത് കാണാം. താഴെ ഭീമൻ അനക്കോണ്ടകൾ നിറഞ്ഞ ഒരു നദി കാണാം, വളരെ വലുതും ഇടതൂർന്നതുമായ പാമ്പുകൾ, കാഴ്ചയിൽ തന്നെ അപകടകാരിയായി തോന്നുന്ന തരത്തിലാണ് അവ ചിത്രീകരിക്കപ്പെട്ടിരിക്കുന്നത്. ഒറ്റനോട്ടത്തിൽ വീഡിയോ ആരെയും ഭയപ്പെടുത്തുന്നതാണ്.
അപ്ലോഡ് ചെയ്ത് നിമിഷനേരങ്ങൾക്കുള്ളിൽ തന്നെ വീഡിയോ വൈറലാകുകയും ചെയ്തു. ചിലർ പരിഭ്രാന്തരായപ്പോൾ, മറ്റുചിലർ ആശയക്കുഴപ്പത്തിലായി. തങ്ങൾ കാണുന്നത് യഥാർത്ഥമാണോ അതോ ഡിജിറ്റലായി കൃത്രിമമായി സൃഷ്ടിച്ചതാണോ എന്ന് അറിയാതെ നെറ്റിസൺസ് പല തരത്തിൽ പ്രതികരിച്ചു. ഇൻസ്റ്റാഗ്രാമിലും ആളുകൾ ഇത് അനക്കോണ്ട അല്ലെന്ന് വാദിച്ചു. പലരും ഇത് എഐ ജനറേറ്റഡ് ആണെന്ന് പറഞ്ഞു.
വീഡിയോ കണ്ടപ്പോൾ പാമ്പുകളെക്കുറിച്ചുള്ള പുരാതന ഭയം വീണ്ടും ഉണർന്നുവെന്നും അസ്വസ്ഥതയും പരിഭ്രാന്തിയും അനുഭവപ്പെട്ടതായും ചിലർ സമ്മതിച്ചു. യഥാർത്ഥമായതുപോലെ കാര്യങ്ങൾ സൃഷ്ടിച്ച് ആളുകളെ വിശ്വസിപ്പിക്കാൻ എഐക്ക് എത്രമാത്രം കഴിയുമെന്നതിനുള്ള തെളിവാണ് ഈ വീഡിയോ എന്നാണ് ഒരു ഭാഗം ആളുകൾ വ്യക്തമാക്കിയത്.
