ഇപ്പോള്‍ കോണ്‍ഗ്രസ് എംഎല്‍എ ആയ മുന്‍ ഗുസ്തി താരം വിനേഷ് ഫോഗട്ട് ഹരിയാന സര്‍ക്കാരിന്റെ സര്‍ക്കാര്‍ജോലി വേണ്ടെന്ന് വെച്ച് കോടികളുടെ ക്യാഷ് പ്രൈസ് എടുത്തു. കായിക നയത്തിന് കീഴില്‍ മൂന്ന് ഓപ്ഷനുകള്‍ നല്‍കിയെങ്കിലും രണ്ടാഴ്ചയ്ക്ക് ശേഷം 4 കോടി രൂപ ക്യാഷ് പ്രൈസ് സ്വീകരിക്കാന്‍ അവര്‍ തീരുമാനിച്ചു.
ഈ വര്‍ഷം മാര്‍ച്ച് 25 ന് നടന്ന കാബിനറ്റ് മീറ്റിംഗില്‍ ജൂലാന എം.എല്‍.എയായ ഫോഗട്ടിന് കായിക നയത്തിന് കീഴില്‍ മൂന്ന് ഓപ്ഷനുകള്‍ നല്‍കാന്‍ ഹരിയാന സര്‍ക്കാര്‍ തീരുമാനിച്ചിരുന്നു. 4 കോടി രൂപ ക്യാഷ് അവാര്‍ഡ്, ‘ഗ്രൂപ്പ് എ’ ജോലി, അല്ലെങ്കില്‍ ഹരിയാന ഷെഹ്രി വികാസ് പ്രധികരന് (എച്ച്എസ്വിപി) കീഴിലുള്ള ഒരു പ്ലോട്ട്. ഈ മൂന്ന് ഓപ്ഷനുകളാണ് വെച്ചത്്. എന്നാല്‍ താരം ക്യാഷ് അവാര്‍ഡ് തെരഞ്ഞെടുത്തു.
ഫോഗട്ടിന്റെ തീരുമാനം സംസ്ഥാന കായിക വകുപ്പിനെ അറിയിച്ചുകൊണ്ടുള്ള ഒരു കത്ത് ചൊവ്വാഴ്ച അയച്ചതായി കുടുംബാംഗം പറഞ്ഞു. ഹരിയാന സര്‍ക്കാരിന്റെ കായിക നയം ഒളിമ്പ്യന്‍മാര്‍ ഉള്‍പ്പെടെയുള്ള അസാധാരണ കായികതാരങ്ങള്‍ക്ക് അതിന്റെ കായിക വകുപ്പില്‍ ഡെപ്യൂട്ടി ഡയറക്ടര്‍ തലത്തിലുള്ള സ്ഥാനം നല്‍കുന്നു. സിറ്റിംഗ് നിയമസഭാംഗമെന്ന നിലയില്‍ ഫോഗട്ടിന് സര്‍ക്കാര്‍ പദവി തിരഞ്ഞെടുക്കാനാകില്ല.
പാരീസ് ഒളിമ്പിക്സില്‍ 50 കിലോഗ്രാം വിഭാഗം ഗുസ്തയില്‍ വിനേഷ് ഫൈനലില്‍ എത്തിയെങ്കിലും അമിതഭാരത്തിന്റെ പേരില്‍ അയോഗ്യനാക്കപ്പെട്ടു. ഫോഗട്ട് 100 ഗ്രാം അമിതഭാരമുള്ളതായി കണ്ടെത്തി. കോര്‍ട്ട് ഓഫ് ആര്‍ബിട്രേഷന്‍ ഫോര്‍ സ്പോര്‍ട്സിന് മുമ്പാകെ സംയുക്ത വെള്ളിക്കായുള്ള ഫോഗട്ടിന്റെ അഭ്യര്‍ത്ഥന നിരസിക്കപ്പെട്ടു.
