ആസിഫ് അലി നായകനായ കെട്ട്യോളാണ് മാലാഖയിലെ സ്ലീവാച്ചന്റെ മാലാഖ റിന്‍സിയായി മലയാളി പ്രേക്ഷകരുടെ ഇഷ്ടം നേടിയ താരമാണ് വീണ നന്ദകുമാര്‍. മലയാളികളുടെ മനസ് അഭിനയത്തിലൂടെ കീഴടക്കാന്‍ വീണയ്ക്ക് സാധിച്ചു. നാടന്‍ ലുക്കും നീണ്ട ഇടതൂര്‍ന്ന് കിടക്കുന്ന മുടിയുമാണ് വീണയുടെ പ്രത്യേകതകള്‍. ആദ്യ സിനിമ ശ്രദ്ധിക്കപ്പെട്ടതോടെ നായികയായും അല്ലാതെയുമായി നിരവധി കഥാപാത്രങ്ങള്‍ വീണയ്ക്ക് ലഭിച്ചു.
സോഷ്യല്‍ മീഡിയയിലും വീണ സജീവമാണ്. തന്റെ പുത്തന്‍ ഫോട്ടോഷൂട്ട് ചിത്രങ്ങളും വീഡിയോകളുമൊക്കെ സോഷ്യല്‍ മീഡിയയിലൂടെ വീണ പങ്കുവെയ്ക്കാറുണ്ട്. ഇപ്പോള്‍ മേക്കപ്പ് ഇല്ലാത്ത മനോഹരമായ തന്റെ ചിത്രങ്ങള്‍ ഇന്‍സ്റ്റാഗ്രാമിലൂടെ പങ്കുവെച്ചിരിയ്ക്കുകയാണ് വീണ. നിറഞ്ഞ ചിരിയോടെ ഇരിയ്ക്കുന്ന ഒരു ചിത്രങ്ങളാണ് വീണ പങ്കുവെച്ചിരിയ്ക്കുന്നത്. മനോഹരമായ ചിരിയാണെന്നാണ് ചിത്രത്തിന്റെ താഴെയുള്ള കമന്റുകള്‍.
ദിലീപ് നായകനായ വോയ്‌സ് ഓഫ് സത്യനാഥന്‍ എന്ന ചിത്രമാണ് വീണയുടെ അവസാനം പുറത്തിറങ്ങിയ ചിത്രം. നിവിന്‍ പോളി നായകനാകുന്ന ഏറ്റവും പുതിയ വെബ് സീരിസായ ”ഫാര്‍മ”യാണ് വീണയുടെ പുറത്തിറങ്ങാനുള്ള ഏറ്റവും പുതിയ ചിത്രം.
https://www.instagram.com/p/CyqnAQyyEOM/?utm_source=ig_web_copy_link
