ചിത്രം കണ്ടാല്‍ മനോഹരമായ ഒരു ബൊക്കെയോ പൂച്ചെണ്ടോ ഒക്കെയാണെന്ന് തോന്നുന്നുണ്ടോ? എന്നാല്‍ അല്ല. ജപ്പാനിലെ ക്യോട്ടോ ആസ്ഥാനമായുള്ള ഒരു കഫേ മനോഹരമായ പൂച്ചെണ്ടുകളെ വെല്ലുന്ന രീതിയില്‍ നിര്‍മ്മിച്ച പൂച്ചെണ്ടുകളോട് സാമ്യമുള്ള കലാപരമായ ഐസ്‌ക്രീം കോണുകള്‍ ആണ്.
ഷിസണ്‍ എന്ന കട ഉണ്ടാക്കിക്കൊടുക്കുന്ന ഫുഡ് ആര്‍ട്ട് വിഭാഗത്തിലെ ഐസ്‌ക്രീമുകള്‍ മനോഹരമായ പൂക്കള്‍ കൊണ്ടു നിര്‍മ്മിച്ച പൂച്ചെണ്ടിനെ വെല്ലും. കാഴ്ചയ്ക്ക് മാത്രമല്ല രുചിയിലും ഈ ഐസ്‌ക്രീം ഞെട്ടിക്കും. ഐസ്‌ക്രീമിന്റെ ഈ മനോഹാരിത കൊണ്ട് കഫേയുടെ ഉല്‍പ്പന്നം ജനപ്രീതി ആര്‍ജ്ജിച്ചിട്ടുണ്ട്.
അതേസമയം ഷിസണ്‍ സൃഷ്ടിച്ച ഈ ഐസ്‌ക്രീം കഴിക്കണോ അതോ അതുപോലെ തന്നെ ശീതീകരിച്ച സംവിധാനത്തിനുള്ളില്‍ തന്നെ വെയ്ക്കണോ എന്നാണ് ആരാധകരുടെ ആകാംഷ. ചട്ടിയിലെ ചെടികളും പ്രകൃതിയില്‍ നിന്ന് പ്രചോദനം ഉള്‍ക്കൊണ്ടുള്ള ചിത്രങ്ങളും അടങ്ങുന്ന ഒരു ബൊട്ടാണിക്കല്‍-തീം അലങ്കാരം ഫീച്ചര്‍ ചെയ്താണ് ഷിസന്‍ ഐസ്‌ക്രീം തയ്യാറാക്കുന്നത്. ജാപ്പനീസ് സീസണ് അനുയോജ്യമായ രീതിയില്‍ ക്രീം റോസാപ്പൂക്കള്‍, ലിലാക്ക്, ജാപ്പനീസ് കാമെലിയ, കൂടാതെ നിരവധി രുചികരമായ അത്ഭുതങ്ങള്‍ എന്നിവ ഉപയോക്താക്കള്‍ക്ക് സ്വയം കൈകാര്യം ചെയ്യാം.
ക്യോട്ടോയിലെ ഷിന്‍ പുഹ്കാന്‍ ഷോപ്പിംഗ് കോംപ്ലക്സിനുള്ളില്‍ സ്ഥിതി ചെയ്യുന്ന, ഷിസെന്‍ ഇന്‍സ്റ്റാഗ്രാം, ടിക്‌ടോക്ക് പോലുള്ള ഫോട്ടോകളും വീഡിയോകളും കേന്ദ്രീകരിച്ചുള്ള സോഷ്യല്‍ മീഡിയ പ്ലാറ്റ്ഫോമുകള്‍ വഴി പ്രശസ്തിയിലേക്ക് ഉയര്‍ന്നിരിക്കുകയാണ്. ലോകത്തിലെ ഏറ്റവും മനോഹരമായ ഐസ്‌ക്രീം വാഗ്ദാനം ചെയ്യുന്നതില്‍ കഫേ ഇതിനകം തന്നെ പ്രശസ്തമാണ്. അതിന്റെ പുഷ്പ പൂച്ചെണ്ടില്‍ നിന്ന് പ്രചോദനം ഉള്‍ക്കൊണ്ടുള്ള ട്രീറ്റുകള്‍ നിരന്തരം വൈറലാണ്.
