ലോകത്തിലെ ഏറ്റവും പ്രേതബാധയുള്ള വീട് എന്ന് വിളിക്കപ്പെടുന്ന ഒരു വീട് അമേരിക്കയിലെ ടെന്നസിയിലുണ്ട്. മക്കമേ മാനര്‍ എന്നാണ് അതിന്റെ പേര്. ഇവിടെ വന്ന് 10 മണിക്കൂര്‍ ഒറ്റയ്ക്ക് താമസിക്കാന്‍ നിങ്ങള്‍ക്ക് ധൈര്യമുണ്ടോ? എങ്കില്‍ 13ലക്ഷംവരെ നിങ്ങള്‍ക്ക് പാരിതോഷികം കിട്ടും.
പ്രേതം എന്നത് കേള്‍ക്കുമ്പോള്‍ തന്നെ പലരും വിയര്‍ക്കുന്ന ഒരു വാക്കാണ്. അത്തരമൊരു സാഹചര്യത്തില്‍, ഈ ലോകത്തിലെ ഏറ്റവും ഭയാനകമായ ഒരു പ്രേതഭവനത്തില്‍ നിങ്ങളെ ഉപേക്ഷിച്ചാല്‍ എങ്ങനെയിരിക്കും? അതില്‍ താമസിച്ചതിന് നിങ്ങള്‍ക്ക് പ്രതിഫലവും ലഭിക്കും. ഇത് ഒരു അതിജീവന ഹൊറർ -സ്റ്റൈൽ ഇവന്റാണ്. പങ്കെടുക്കാൻ, അതിഥികൾ വിവിധ തരത്തിലുള്ള ശാരീരികവും മാനസികവുമായ പീഡനങ്ങൾക്ക് വിധേയനാകുന്നതിന്റെ വ്യക്തമായ വിശദാംശങ്ങൾ ഉൾപ്പെടുന്ന സമ്മതപത്രം ഒപ്പിടണം.
സത്യമോ മിഥ്യയോ എന്നറിയാത്ത കഥകളാണ് അവിനെിന്നും വരുന്നത്. ഈ വീട്ടില്‍ താമസിക്കുന്നവര്‍ ഏറെ പീഡിപ്പിക്കപ്പെടാറുണ്ടെന്ന് ഈ വീട്ടില്‍ വന്നവര്‍ പറയുന്നു. അവരുടെ നഖങ്ങള്‍ പോലും ഊരിയെടുക്കുന്നു. മാത്രവുമല്ല കാണാനെത്തുന്നവരുടെ പല്ലുകളും ഊരിയെടുക്കുന്നു. പ്രേതാലയത്തില്‍ എത്തുന്നവരെ ബലാത്സംഗം ചെയ്യാനും വധിക്കാനും ശ്രമം നടന്നിട്ടുണ്ടെന്നും ചിലര്‍ ആരോപിച്ചിരുന്നു. അങ്ങനെയുള്ള ഈ വീട്ടില്‍ താമസിക്കാനാണ് മത്സരം.
അതില്‍ 10 മണിക്കൂര്‍ താമസിക്കുന്നയാള്‍ക്ക് ഏകദേശം 16 ലക്ഷം രൂപയ്ക്ക് തുല്യമായ സമ്മാനം നല്‍കുന്നു. പക്ഷേ അതിഥികളാരും അവസാനംവരെ എത്തിയിട്ടില്ല. ആദ്യമൊക്കെ ടൂര്‍ ഇടയ്ക്കുവച്ച് അവസാനിപ്പിക്കാന്‍ അനുവദിച്ചിരുന്നില്ല. പിന്നീട് അതിഥികൾക്ക് ടൂർ എപ്പോള്‍ വേണമെങ്കിലും അവസാനിപ്പിക്കാനുള്ള ഓപ്ഷൻ അനുവദിച്ചു
2024 ജൂലൈയിൽ, രണ്ടാം ഡിഗ്രി കൊലപാതകശ്രമം, ബലാത്സംഗം, ഗാർഹിക പീഡനം എന്നീ കുറ്റങ്ങൾ ചുമത്തി ഇതിന്റെ ഉടമ റസ് മക്കമേയെ അറസ്റ്റ് ചെയ്തു. എന്നാല്‍ ടെന്നസി നിയമമനുസരിച്ച് പങ്കെടുക്കുന്നവർക്ക് എപ്പോൾ വേണമെങ്കിലും സമ്മതം പിൻവലിക്കാനാകും. ആളുകൾ സ്വമേധയാ അതിന് വിധേയരായതിനാൽ പ്രോഗ്രാം നിയമപരമാണെന്ന് ഡിസ്ട്രിക്റ്റ് അറ്റോർണി ബ്രെൻ്റ് കൂപ്പർ പറഞ്ഞു
ഈ മത്സരത്തില്‍ വിജയിക്കാന്‍ പലരും 10 മണിക്കൂര്‍ കഠിനമായ പീഡനങ്ങള്‍ സഹിച്ചിട്ടുണ്ട്. പിന്നീട്, പലരും ഇത് നിര്‍ത്താന്‍ അപേക്ഷിച്ചു, കാരണം പണക്കൊതിയന്മാരും ഭ്രാന്തന്മാരും ഈ ക്യാഷ് അവാര്‍ഡ് ലഭിക്കാന്‍ എന്തും ചെയ്യാന്‍ തയ്യാറായിരുന്നു.
