ഇന്നത്തെ ഡിജിറ്റൽ യുഗത്തിൽ, കീബോര്ഡിലെ ടൈപ്പിംഗും മറ്റും ആധിപത്യം സ്ഥാപിക്കുമ്പോഴും, മനോഹരമായ കൈയക്ഷരത്തിന്റെ ആകർഷണം ലോകമെമ്പാടുമുള്ള ആളുകളെ ആകർഷിക്കുന്നു. നല്ല കൈയക്ഷരം എന്നത് പഠനവുമായി അടുത്ത ബന്ധമുള്ളതും ഒരു വിദ്യാർത്ഥിയുടെ പരീക്ഷാ വിജയത്തിൽ പ്രധാന പങ്ക് വഹിക്കുന്നതുമാണ്.
ചില സ്കൂളുകൾ, വൃത്തിയുള്ളതും ആകർഷകവുമായ എഴുത്തിന് അധിക മാർക്കുപോലും നൽകുന്നു. കാരണം, ഇതിനെ ഒരു കഴിവായിട്ടാണ് കണക്കാക്കുന്നത്. നേപ്പാളിൽ നിന്നുള്ള പ്രകൃതി മല്ല എന്ന പതിനാറുകാരി ഈ കലയിൽ തന്റെ വൈദഗ്ദ്ധ്യം തെളിയിച്ചിരിക്കുന്നു. അവരുടെ അതിമനോഹരമായ കൈയക്ഷരം അവർക്ക് “ലോകത്തിലെ ഏറ്റവും മനോഹരമായ കൈയക്ഷരം” എന്ന പദവി നേടിക്കൊടുത്തു. വെറും 16 വയസ്സുള്ള പ്രകൃതി ഇതിനോടകം തന്നെ വ്യാപകമായ ശ്രദ്ധ നേടിയിട്ടുണ്ട്. അവൾ എട്ടാം ക്ലാസ്സിൽ പഠിക്കുമ്പോൾ, അവളുടെ ഒരു സ്കൂൾ അസൈൻമെൻ്റ് ഓൺലൈനിൽ വൈറലാവുകയും അവളെ ഇൻ്റർനെറ്റ് സെൻസേഷനാക്കുകയും ചെയ്തു..
വെറും 14 വയസ്സുള്ളപ്പോൾ, അവളുടെ കൈയക്ഷരം അത്രയും വൃത്തിയുള്ളതും കൃത്യവുമായിരുന്നു, അത് സാധാരണ കൈയക്ഷരത്തെക്കാൾ അച്ചടിച്ച ഒരു ഫോണ്ട് പോലെയാണ് തോന്നിച്ചിരുന്നത്. വർഷങ്ങളായി അവളുടെ പ്രശസ്തി വർധിച്ചു, വിവിധ സ്ഥാപനങ്ങളിൽ നിന്ന് നിരവധി അവാർഡുകൾ അവർക്ക് ലഭിച്ചു. യു.എ.ഇ.യുടെ 51-ാമത് ദേശീയ ദിനത്തിൽ യു.എ.ഇ. നേതൃത്വത്തിനും ജനങ്ങൾക്കും കൈകൊണ്ട് എഴുതിയ അഭിനന്ദന കത്ത് സമർപ്പിച്ചപ്പോൾ യുണൈറ്റഡ് അറബ് എമിറേറ്റ്സ് (യു.എ.ഇ.) എംബസി അവരെ ആദരിച്ചത് ശ്രദ്ധേയമാണ്.
നേപ്പാളിലും പ്രകൃതി മല്ലയുടെ പ്രതിഭയ്ക്ക് വലിയ അംഗീകാരം ലഭിച്ചു. നേപ്പാളീസ് ആർമി അവളുടെ അസാധാരണമായ കൈയക്ഷരത്തെ മനോഹാരിതയുടെയും അച്ചടക്കത്തിൻ്റെയും സാംസ്കാരിക അഭിമാനത്തിൻ്റെയും പ്രതീകമായി പ്രശംസിക്കുകയും അവളെ ആദരിക്കുകയും ചെയ്തു.
