കാമിനിമാരുടെ സുന്ദരകാമദേവനായും ഒപ്പം മികച്ച സ്‌പൈ ആയും വെള്ളിത്തിരയില്‍ തിളങ്ങുന്ന ജെയിംസ്‌ബോണ്ടിന് ലോകത്തുടനീളം ആരാധകരുണ്ട്. 007 ന്റെ ഓരോ അവതാരത്തിനും ആരാധകര്‍ നല്‍കുന്ന പിന്തുണ വളരെ വലുതാണ്. അടുത്ത ബോണ്ട് ചിത്രം പുറത്തുവരാനിരിക്കെ ദാനിയേല്‍ ക്രെയ്ഗിന്റെ പിന്‍ഗാമിയായ പുതിയ ബോണ്ടിനായി ഹോളിവുഡില്‍ നിരവധി ചോയ്‌സാണ് ഉള്ളത്.
വീണ്ടും ബോണ്ടാകാനില്ലെന്ന് ഡാനിയല്‍ ക്രെയ്ഗ് പ്രഖ്യാപിച്ചത് മുതല്‍, അദ്ദേഹത്തിന് പകരം ആരാകണം എന്ന വിഷയം ചൂടേറിയ ചര്‍ച്ചയായിരിക്കുകയാണ്. ക്രെയ്ഗിന്റെ പിന്മുറക്കാരനായ ഏറ്റവും മികച്ച ബോണ്ടിനെ കണ്ടെത്താനുള്ള ചോദ്യം ആര്‍ട്ട്ഫീഷ്യല്‍ ഇന്റലിജന്റ്‌സിന് നല്‍കിയിരുന്നു. ബ്രിട്ടീഷ് ചാരന്റെ വേഷത്തിനായി ചാറ്റ്‌ബോട്ട് വ്യത്യസ്ത അഭിനേതാക്കളെ തിരഞ്ഞെടുക്കുകയാണെങ്കില്‍, അത് ഒരു ഇന്ത്യന്‍ നടനെയും അവതരിപ്പിക്കുമോ എന്ന ചോദ്യം ഉയര്‍ന്നു. ഒരു ഇന്ത്യന്‍ നടനെ ബോണ്ടായി അവതരിപ്പിക്കുന്നത് ഒരു പുതിയ സാംസ്‌കാരിക ഐഡന്റിറ്റി പ്രതിഫലിപ്പിക്കുന്നതിന് കഥാപാത്രത്തിന്റെ പശ്ചാത്തലം പുതുക്കേണ്ടിവരും.
ബോണ്ടിന്റെ പ്രധാന സവിശേഷതകള്‍ തന്റെ ദൗത്യത്തോടുള്ള സമര്‍പ്പണം, ബുദ്ധി, മികച്ച അഭിരുചി, ചാറ്റ് ജിപിറ്റി പറയുന്നു. ബോണ്ടാനുള്ള ഇന്ത്യന്‍ താരങ്ങളില്‍ ഏറ്റവും മികച്ചത് ഹൃത്വിക് റോഷനാണെന്നാണ് ചാറ്റ്‌ബോട്ടിന്റെ പ്രവചനം. ബോണ്ടിന് ആവശ്യമായ കരിഷ്മയും മിനുക്കിയ രൂപവും ആക്ഷന്‍ അനുഭവവും ഹൃത്വിക്കിന് ഉണ്ടെന്ന് ചാറ്റ് ജിപിറ്റി പറയുന്നു.
ഷാഹിദ് കപൂര്‍, സിദ്ധാര്‍ത്ഥ് മല്‍ഹോത്ര, ഫര്‍ഹാന്‍ അക്തര്‍, രണ്‍വീര്‍ സിംഗ്, വിജയ് ദേവരകൊണ്ട, ആദിത്യ റോയ് കപൂര്‍ എന്നിവരാണ് ചാറ്റ്ജിപിടി തിരഞ്ഞെടുത്ത ബോളിവുഡില്‍ നിന്നുള്ള മറ്റ് പേരുകള്‍. ചാറ്റ്ജിപിടിയുടെ കൃത്രിമ മനസ്സില്‍ ജെയിംസ് ബോണ്ടിന്റെ ഏറ്റവും മികച്ച തിരഞ്ഞെടുപ്പ് സൂപ്പര്‍മാനും ദി വിച്ചര്‍ നടനുമായ ഹെന്റി കാവില്‍ ആണ്. ബോണ്ടിന് ആവശ്യമായ രൂപവും ആകര്‍ഷകത്വവും ശാരീരികക്ഷമതയും അദ്ദേഹത്തിനുണ്ട്. മാഡ് മാക്സ്: ഫ്യൂറി റോഡ്, വെനം എന്നിവയിലൂടെ പ്രശസ്തനായ ടോം ഹാര്‍ഡിയാണ് അടുത്ത മികച്ച തിരഞ്ഞെടുപ്പ്. ‘ഹാര്‍ഡി ഒരു പരുക്കന്‍ തീവ്രതയും കരിഷ്മയും കൊണ്ടുവരുന്നു.
ബോഡിഗാര്‍ഡിലെ തന്റെ സെക്സി കോപ്പ് സ്റ്റെന്റിലൂടെ ബോണ്ടിനായി ഏറെക്കുറെ ഓഡീഷന്‍ നടത്തിയ റിച്ചാര്‍ഡ് മാഡന്‍ മറ്റൊരു ഹോട്ട് ഫേവറിറ്റായിരുന്നു. മറ്റൊരു ആരാധകരുടെ പ്രിയങ്കരനായ ഇദ്രിസ് എല്‍ബയും പട്ടികയിലുണ്ട്. ബ്രിഡ്ജര്‍ടണ്‍ താരം റീജ്-ജീന്‍ പേജാണ് ആദ്യ അഞ്ചില്‍ ഇടം നേടിയത്. ചാറ്റ്ജിപിടി 007 കളിക്കാന്‍ നിര്‍ദ്ദേശിച്ച മറ്റ് പേരുകളില്‍ ആരോണ്‍ ടെയ്ലര്‍-ജോണ്‍സണ്‍, ജെയിംസ് നോര്‍ട്ടണ്‍, സിലിയന്‍ മര്‍ഫി, ലൂക്ക് ഇവാന്‍സ്, സാം ഹ്യൂഗന്‍ എന്നിവരും ഉള്‍പ്പെടുന്നു.
