സുഹൃത്തിനോടുള്ള വാക്ക് പാലിക്കാന്‍ മരണാനന്തര ചടങ്ങിൽ നൃത്തം ചെയ്ത് കൂട്ടുകാരന്‍; ഉള്ളുലയ്ക്കുന്ന ദൃശ്യങ്ങൾ

മധ്യപ്രദേശിൽ, ഹൃദയഭേദകവും എന്നാൽ സ്നേഹം നിറഞ്ഞതുമായ ഒരു സംഭവം സോഷ്യൽ മീഡിയയിൽ വലിയ ചർച്ചയായിരിക്കുകയാണ്. തന്റെ ആത്മാർഥ കൂട്ടുകാരന്റെ അവസാന ആഗ്രഹം സാധിച്ചു നൽകാന്‍ സുഹൃത്തിന്റെ ശവസംസ്കാര ചടങ്ങിൽ ഹൃദയം നിറഞ്ഞ് നൃത്തം ചെയ്തു.

എന്നാൽ അത് അയാള്‍ സന്തോഷവാനായിരുന്നതുകൊണ്ടല്ല. അതീവ ദുഃഖിതനായിരുന്നു. പക്ഷേ അയാള്‍ സുഹൃത്തിന് വാഗ്ദാനം ചെയ്തിരുന്നതാണ്. ആ വാഗ്ദാനം ഇതായിരുന്നു: “ഞാൻ പോകുമ്പോൾ കരയരുത്.” നിരാശ എന്നെ പിന്തുടരാൻ അനുവദിക്കരുത്. “നൃത്തം ചെയ്തുകൊണ്ട് ആഘോഷിക്കൂ.” അയാള്‍ അങ്ങനെ ചെയ്തു.

അംബലാൽ പ്രജാപതിയാണ് ചടങ്ങിൽ നൃത്തം ചെയ്തത്. നൃത്തത്തോടൊപ്പം മരണപ്പെട്ട സുഹൃത്ത് സോഹൻലാൽ ജെയ്ൻ(71) എഴുതിയ കത്തും കണ്ണു നിറക്കുകയാണ്. സംസ്കാര ചടങ്ങിനായി മൃതദേഹം കൊണ്ടു പോകുമ്പോഴാണ് 51 കാരനായ പ്രജാപതി നൃത്തം ചെയ്യുന്നത്. സോഹൻലാലിന്റെ ആഗ്രഹം സഫലീകരിച്ചു നൽകാൻ ഗ്രാമവാസികളും കൂടെ നൃത്തം ചെയ്തു.

View this post on Instagram

Shared post on Time