സ്വയം പൂച്ചയാണെന്ന് വിചാരിക്കുന്ന ഒരു അദ്ധ്യാപികയുടെ വിചിത്രമായ പെരുമാറ്റം സ്‌കൂളിലെ വിദ്യാര്‍ത്ഥികളേയും അവരുടെ മാതാപിതാക്കളേയും ആശങ്കയിലാക്കി. ഓസ്‌ട്രേലിയയിലെ ഒരു ഹൈസ്‌കൂളിലാണ് സംഭവം. അദ്ധ്യാപികയുടെ പെരുമാറ്റം പൂച്ചയ്ക്ക് സമാനമായ രീതിയിലാണെന്നതാണ് മാതാപിതാക്കളെയും കുട്ടികളെയും ഒരുപോലെ അമ്പരപ്പിക്കാന്‍ കാരണമായത്. ക്വീന്‍സ്ലാന്‍ഡിലെ ലോഗന്‍ സിറ്റിയിലുള്ള മാര്‍സ്ഡന്‍ സ്റ്റേറ്റ് ഹൈസ്‌കൂളിലെ ഒരു അധ്യാപികയുടേതാണ് വിചിത്രസ്വഭാവം. അവരെ ”മിസ് പര്‍” എന്ന് വിളിക്കാന്‍ വിദ്യാര്‍ത്ഥികളോട് ആവശ്യപ്പെട്ടതായി റിപ്പോര്‍ട്ടുണ്ട്. വിദ്യാര്‍ത്ഥികളെ ചീത്ത പറയുകയും അതിന് ശേഷം പൂച്ചകള്‍ ചെയ്യാറുള്ളത്‌പോലെ സ്വന്തം കൈയുടെ പിന്‍ഭാഗം നക്കുകയും ചെയ്തു. Read More…
