ബോളിവുഡിലെ തിളങ്ങുന്ന താരമാണ് സോനാക്ഷി സിന്‍ഹ. തന്റേതായ അഭിപ്രായം എപ്പോഴും തുറന്നു പറയുന്ന താരം കൂടിയാണ് സോനാക്ഷി. അടുത്തിടെയായിരുന്നു സൊനാക്ഷിയും നടന്‍ സഹീര്‍ ഇക്ബാലും വിവാഹിതരാകുന്നത്. വിവാഹ ശേഷം ഹണിമൂണ്‍ യാത്രയിലായിരുന്ന ഇരുവരും കഴിഞ്ഞ ദിവസമാണ് നാട്ടില്‍ തിരികെ എത്തിയത്. ഏഴ് വര്‍ഷത്തെ പ്രണയത്തിനും ലിവിംഗ് ടുഗദറിനും ശേഷമായിരുന്നു സൊനാക്ഷിയും സഹീറും വിവാഹിതരായത്. ജൂണ്‍ 23-നായിരുന്നു വിവാഹം.
ഏകദേശം 7 വര്‍ഷമായി പരസ്പരം ഡേറ്റിംഗ് നടത്തുന്ന ദമ്പതികള്‍ ഇപ്പോള്‍ സന്തോഷകരമായ ദാമ്പത്യം ആസ്വദിക്കുകയാണ്. അടുത്തിടെയാണ് അവര്‍ തങ്ങളുടെ ആദ്യ മാസ വിവാഹ വാര്‍ഷികം ആഘോഷിച്ചത്. ഇപ്പോള്‍ തന്നെ പ്രകോപ്പിയ്ക്കുന്ന തന്റെ ഭര്‍ത്താവിന്റെ ഒരു ശീലം തുറന്നു പറയുകയാണ് സോനാക്ഷി. ഗലാറ്റ ഇന്ത്യയ്ക്ക് നല്‍കിയ അഭിമുഖത്തിലാണ് സോനാക്ഷി ഇക്കാര്യം തുറന്നു പറഞ്ഞത്. കൂടുതല്‍ പ്രോല്‍സാഹിപ്പിക്കുമ്പോള്‍, സഹീര്‍ ചൂളമടിയ്ക്കാറുണ്ടെന്ന് സോനാക്ഷി പറയുന്നു. ‘അദ്ദേഹം വളരെ നല്ല വിസിലറാണ്, പക്ഷേ നിങ്ങള്‍ക്ക് ചുറ്റും നിരന്തരം വിസിലിംഗ് ശബ്ദവും സംഗീതവും കേള്‍ക്കുന്നു, അത് വളരെ അലോസരപ്പെടുത്തുന്ന കാര്യമാണ്,’ – സോനാക്ഷി പറയുന്നു.
അതേ അഭിമുഖത്തില്‍, സഹീര്‍ ഇഖ്ബാലിനെ താന്‍ ആദ്യം സ്‌നേഹിച്ചതിനെ കുറിച്ചും സോനാക്ഷി സംസാരിച്ചു. അവന്‍ ഇഷ്ടപ്പെട്ടാലും ഇല്ലെങ്കിലും അവനെ മാത്രമേ വിവാഹം കഴിക്കൂ എന്ന് താന്‍ അവനോട് പറഞ്ഞിരുന്നുവെന്നും സോനാക്ഷി പറയുന്നു. കാലം ചെല്ലുന്തോറും പരസ്പരം പരിചയപ്പെട്ടതോടെ തങ്ങളുടെ ബന്ധം കൂടുതല്‍ ആഴത്തില്‍ വളരുകയും സഹീറും തന്നെ വിവാഹം കഴിക്കാന്‍ സമ്മതിക്കുകയും ചെയ്യുന്ന ഘട്ടത്തില്‍ എത്തിയെന്നും സൊനാക്ഷി കൂട്ടിച്ചേര്‍ത്തു.
