ജയം രവിയും കീര്‍ത്തീസുരേഷും ആദ്യമായി ഒന്നിക്കുന്ന ചിത്രം സൈറണിന്റെ ടീസര്‍ ഒടുവില്‍ പുറത്ത്! ആരാധകര്‍ക്കിടയില്‍ വലിയ ആവേശവും സൃഷ്ടിക്കുകയാണ് ടീസര്‍. കമല്‍ഹാസന്‍ അവതാരകനായ ബിഗ് ബോസ് തമിഴ് റിയാലിറ്റി ഷോയിലാണ് ടീസര്‍ പുറത്തുവിട്ടത്. ആന്റണി ഭാഗ്യരാജ് എഴുതി സംവിധാനം ചെയ്ത ചിത്രത്തിന്റെ നേര്‍ക്കാഴ്ചയാണ് ടീസര്‍ നല്‍കുന്നത്. കീര്‍ത്തി സുരേഷിന്റെ ആകര്‍ഷകമായ വോയ്സ്ഓവറോടെയും ആംബുലന്‍സ് ഡ്രൈവറായി മാറിയ കുറ്റവാളിയുടെ ആവേശകരമായ കഥയ്ക്കായി സജ്ജമാക്കിയ രംഗങ്ങളോടെയുമാണ് ടീസര്‍ ആരംഭിക്കുന്നത്.
14 വര്‍ഷത്തെ ജയില്‍ ശിക്ഷയില്‍ നിന്ന് മോചനത്തിനായി ആകാംക്ഷയോടെ കാത്തിരിക്കുന്ന നായകന്റെ വേഷം ജയം രവി അവതരിപ്പിക്കുന്നു. നിശ്ചയദാര്‍ഢ്യമുള്ള പോലീസും പഴയ കുറ്റവാളിയും തമ്മിലുള്ള സസ്‌പെന്‍സ് നിറഞ്ഞ ക്യാറ്റ് ആന്റ് മൗസ് ഗെയിം ടീസര്‍ സൂചന നല്‍കുന്നു,
അനുപമ പരമേശ്വരന്‍, സമുദ്രക്കനി, അഴകം പെരുമാള്‍, യോഗി ബാബു, തുളസി തുടങ്ങിയ പേരുകള്‍ സൈറണിലെ അഭിനേതാക്കള്‍. അണ്ണാത്തെ, വിശ്വാസം, ഹീറോ തുടങ്ങിയ ബ്ലോക്ക്ബസ്റ്റര്‍ ചിത്രങ്ങളുടെ സഹ-രചയിതവാണ് ആന്റണി ഭാഗ്യരാജ്. പ്രതിഭാധനനായ ജി വി പ്രകാശാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചിരിക്കുന്നത്, മാനഗരത്തിലെ പ്രവര്‍ത്തനത്തിലൂടെ പ്രശസ്തനായ സെല്‍വകുമാര്‍ എസ് കെ ഛായാഗ്രഹണം നിര്‍വ്വഹിക്കുന്നു. എഡിറ്റിംഗ് ചുമതലകള്‍ റൂബന്‍ ചെയ്തു.
മാരി സെല്‍വരാജ് സംവിധാനം ചെയ്ത പൊളിറ്റിക്കല്‍ ത്രില്ലറായ മാമന്നനിലാണ് കീര്‍ത്തി അവസാനമായി അഭിനയിച്ചത്. അടുത്തിടെ സോഷ്യല്‍ ഡ്രാമയായ രഘുതാത്തയുടെ ഷൂട്ടിംഗ് പൂര്‍ത്തിയാക്കി. ആറ്റ്ലിയുടെ പതിനെട്ടാമത് പ്രൊജക്റ്റില്‍ വരുണ്‍ ധവാനൊപ്പം ബോളിവുഡില്‍ അരങ്ങേറ്റം കുറിക്കാന്‍ ഒരുങ്ങുകയാണ് നടി. സിനിമയില്‍ രണ്ടാമത്തെ നായികയുടെ കാസ്റ്റിംഗ് നടന്നുകൊണ്ടിരിക്കുകയാണ്. ഇടവേളയ്ക്ക് ശേഷം ജയം രവിയും തിരക്കിലേക്ക് പ്രവേശിക്കുകയാണ്. ജെനി ആന്‍ഡ് ബ്രദര്‍ ഉള്‍പ്പെടെ തുടര്‍ച്ചയായ റിലീസുകളിലൂടെ പ്രേക്ഷകരെ രസിപ്പിക്കാന്‍ ഒരുങ്ങുകയാണ് ജയം രവി.
