മീനുകളെ വെള്ളത്തില്നിന്നു കരയില് പിടിച്ചിട്ടു കൊല്ലുന്ന രീതി ഉപേക്ഷിക്കണമെന്നു ശാസ്ത്രജ്ഞരുടെ അഭ്യര്ഥന. ലണ്ടനിലെ വെല്ഫെയര് ഫുട്പ്രിന്റ് ഇന്സ്റ്റിറ്റ്യൂട്ടിലെ ഗവേഷകരാണു പഠനം നടത്തിയത്. വെള്ളത്തില്നിന്നു പിടിച്ചു പുറത്തിടുമ്പോള് അസഹനീയമായ വേദനയാണു മീനുകള്ക്കുണ്ടാകുന്നത്.
പല മീനുകളും ചാകാന് 10 മിനിറ്റ് സമയമെടുക്കും. ചില ഇനങ്ങള് കൊടുംവേദനയിലും ഒരു മണിക്കൂര് വരെ ജീവന് നിലനിര്ത്തും. ഓരോ വര്ഷവും 2.2 ലക്ഷം കോടി മീനുകളെയാണു മനുഷ്യര് ഭക്ഷ്യവിഭവമാക്കുന്നതെന്നാണു കണക്ക്. ‘കൃഷി ചെയ്യുന്ന മത്സ്യങ്ങളെ സാധാരണയായി ആസ്ഫിക്സിയ (വെള്ളത്തില്നിന്ന് പുറത്തെടുത്ത് മരണത്തിനു വിടുക), കാര്ബണ് ഡൈ ഓക്സൈഡിന് വിധേയമാക്കല്, മുറിച്ചു കൊല്ലുക എന്നീ രീതികള് ഉപയോഗിച്ചാണ് കൊല്ലുന്നത്.
എയര് ആസ്ഫിക്സിയ സമയത്ത് മത്സ്യത്തിന്റെ വലിപ്പവും വെള്ളത്തിന്റെ താപനിലയും പോലുള്ള ഘടകങ്ങളെ ആശ്രയിച്ച് രണ്ട് മുതല് 22 മിനിറ്റ് വരെ ‘തീവ്രമായ വേദന’ മത്സ്യങ്ങള് അനുഭവിക്കുന്നുവെന്നു ഗവേഷകര് കണ്ടെത്തി. വൈദ്യുതി കടത്തിവിട്ട് കൊല്ലുമ്പോഴാണ് അവ ഏറ്റവും കുറഞ്ഞ വേദന അനുഭവിക്കുന്നതത്രേ.
