നല്ല പുഴുങ്ങിയ മുട്ടയും അല്‍പം ഉപ്പും ചേര്‍ത്ത് ഐസ്‌ക്രീം കഴിച്ചിട്ടുണ്ടോ ? ഇപ്പോള്‍ ഇന്റര്‍നെറ്റില്‍ വൈറലാകുന്നത് ഈ ഉപ്പിട്ട മുട്ട ഐസ്‌ക്രീമാണ്. കാല്‍വിന്‍ ലീ യാണ് ഇത്തരതിലുള്ള ഒരു വീഡിയോ പങ്കുവച്ചത്.
നമ്മുക്ക് ഉപ്പിട്ട മുട്ട ഐസ്‌ക്രീം ഒന്ന് പരീക്ഷിക്കാമെന്ന വാചകത്തോടെയായിരുന്നു വീഡിയോയുടെ തുടക്കം. വീഡിയോയില്‍ മൂന്ന് സ്‌കൂപ്പ് ഐസ്‌ക്രീമുള്ള ഒരു പാത്രം കാണാന്‍ സാധിക്കുന്നുണ്ട്. പിന്നാലെ വേവിച്ച താറാമുട്ട നടുവേ മുറിച്ച്, ഇതിന്റെ മുകളില്‍ വെക്കുന്നതായി കാണാം.പിന്നാലെ അതില്‍ കുറച്ച് സോള്‍ട്ട് എഗ്ഗ് പൗഡര്‍ വിതറുന്നുണ്ട് ഐസ്‌ക്രീം സ്‌കൂപ്പുകള്‍ക്കൊപ്പം തന്നെ മുട്ട അടക്കം എല്ലാം മിക്‌സ് ചെയ്യുന്നു. മുട്ട ഉപയോഗിച്ചുള്ള മയോനൈസിന് സാമ്യതയുള്ളതാണ് ഇതിന്റെ രുചിയെന്നും കാല്‍വിന്‍ പറയുന്നുണ്ട്.
ഈ മുട്ട ഐസ്‌ക്രീമിനെ വളരെ ആവേശത്തോടെയാണ് ആളുകള്‍ ഏറ്റെടുത്തത് വ്യത്യസ്തമായ പല കമന്റുകളും വീഡിയോയെ തേടിയെത്തുന്നുണ്ട്.
