മുംബൈയില് നടക്കുന്ന ജിയോ മാമി ഫിലിം ഫെസ്റ്റുവലില് പങ്കെടുക്കാനായി പ്രിയങ്ക ചോപ്രാ മുംബൈയിലേത്തി. 2023-ലെ ഫെസ്റ്റുവല് ചെയര്പേഴ്സനാണ് പ്രിയങ്ക ചോപ്രാ. ദീപിക പദുക്കോണിന് പകരമായാണ് ഇവര് എത്തിയത്. ഇതിന് മുന്നോടിയായി മകള് മാള്ട്ടി മേരി ചോപ്രാ ജോനസിനൊപ്പമുള്ള മനോഹരമായ ഒരു ചിത്രം പങ്കുവച്ചിരിക്കുകയാണ് പ്രിയങ്ക.
ഇരുവവരും ഒരുമിച്ചുള്ള കാര്യാത്രയിലെ ചിത്രമാണ് താരം പങ്കുവച്ചിരിക്കുന്നത്. തന്റെ കൈകള്ക്കുള്ളില് മാള്ട്ടിയുടെ കൈകള് കോര്ത്തിപിടിച്ചുള്ള ചിത്രമാണ് പ്രിയങ്ക പങ്കുവച്ചിരിക്കുന്നത്. ഒപ്പം ഒരു ഭൂമി, ഹൃദയ ഇമോജികളും ചിത്രത്തിന് നല്കിയിട്ടുണ്ട്. ജിയോ മാമി ഫിലിം ഫെസ്റ്റുവലിനായി പ്രിയങ്ക ഇന്ത്യയിലെത്തിയപ്പോള് തന്റെ ഫൈറ്റ് ടിക്കറ്റിന്റെ ഒരു ചിത്രം പങ്കുവച്ചിരുന്നു.
ഇന്ത്യന് പാസ്പോര്ട്ട് കൈവശം വച്ചിരിക്കുന്ന ഒരു ചിത്രം പങ്കുവച്ചു കൊണ്ട് കാത്തിരിക്കാനാകില്ല എന്നു കുറിച്ചിരുന്നു. ഈ വര്ഷം ഒക്ടോബര് 27 മുതല് നവംബര് 5 വരെയാണ് നികേഷ് അംബാനി കള്ച്ചറല് സെന്ററില് ജിയോ മാമി ഫിലിം ഫെസ്റ്റുവല് നടക്കുക. എക്സിക്യൂട്ടിവ് ഡയറക്ടര് ഇഷ അംബാനിയും പ്രിയങ്കയ്ക്കൊപ്പം ഉദ്ഘാടന രാത്രിയില് ഉണ്ടാകുമെന്ന് റിപ്പോര്ട്ടുകള് പറയുന്നു.