അമേരിക്കല്‍ ടോക്ക് ഷോ താരം ഓപ്ര വിന്‍ഫ്രിയെ അറിയാത്തവര്‍ കുറവായിരിക്കും. 69-ാം വയസില്‍ 18 കിലോ ശരീരഭാരം കുറച്ച് കൂടുതല്‍ ആരോഗ്യവതിയായിരിക്കുകയാണ് അവര്‍. എങ്ങനെയാണ് ഈ പ്രായത്തിലും തന്റെ ആരോഗ്യവും യൗവനവും നിലനിര്‍ത്തുന്നത് എന്ന് ഓപ്ര പറയുന്നു. അതിനായി താന്‍ പിന്തുടരുന്ന ഡയറ്റ് പ്ലാന്‍ അവര്‍ ഇപ്പോള്‍ പങ്കുവച്ചിരിക്കുകയാണ്.
പ്രതിദിനം 1700 കാലോറിയാണ് ഓപ്ര ഉപയോഗിക്കുന്നത്. 20 ശതമാനം പ്രോട്ടിന്‍, 30 ശതമാനം കൊഴുപ്പ്, 50 ശതമാനം കാര്‍ബോഹൈഡ്രേറ്റ് എന്നിവ ആഹാരത്തില്‍ ഉള്‍പ്പെടുത്തുന്നു. പഴം പച്ചക്കറി എന്നിവയാല്‍ സമ്പുഷ്ടമായ ഡയറ്റാണ് ഓപ്ര പ്രതിദിനം കഴിക്കുന്നത്. 1,100 മില്ലിഗ്രാം കാത്സ്യം ഉപയോഗിക്കുന്നു. 34 ഗ്രാം ഫൈബറാണ് ആഹാരത്തിന്റ ഭാഗമായി ഉപയോഗിക്കുന്നത്.
പ്രഭാത ഭക്ഷണത്തില്‍ വാഴപ്പഴം, ഓറഞ്ച് ജ്യൂസ്, ഒരു പിടി ബദാം, ഓട്‌സ്, ബ്ലൂബറി, വാല്‍നട്ട്, ഒരു ടേബിള്‍സ്പൂണ്‍ ഗോതമ്പ് ജാം ചേര്‍ത്ത ചോക്ലേറ്റ് സ്‌ട്രോബറി സ്മൂത്തി, മള്‍ട്ടി ഗ്രെയിന്‍ ബ്രെഡ് ടോസ്റ്റ്, മുട്ട, നിലക്കടല, വെണ്ണ കൊണ്ടുള്ള ബ്രെഡ് ടോസ്റ്റ് എന്നിവ മാറി മാറി ഉപയോഗിക്കുന്നു.
ഉച്ചഭക്ഷണത്തിന് ആപ്പിള്‍, വാഴപ്പഴം, മാങ്ങ, പീച്ച് എന്നിവ അടങ്ങിയ ഫ്രൂട്ട് ബൗളും അവള്‍ക്കുണ്ട്. മുന്തിരി, അവക്കാഡോ, സലാഡ്, മയോ, ടര്‍ക്കി മാംസം, തക്കാളി, ബേസില്‍ ഇലകള്‍ എന്നിവ ചേര്‍ത്ത ഒന്നും, ചെറുതക്കാളി, കൂണ്‍, ഉള്ളി എന്നിവയും ആഹാരത്തില്‍ ഉള്‍പ്പെടുത്തുന്നു.
അത്താഴത്തിന് ഒലീവ് ഓയില്‍, ചിക്കന്‍ ബ്രെസ്റ്റ് ഓലീവ് ഓയിലില്‍ വറുത്ത വ്യത്യസ്തമായ പച്ചക്കറികള്‍ എന്നിവ കഴിക്കുന്നു. മിക്‌സഡ് പച്ചക്കറികളും കോഴിയിറച്ചിയും ഉള്ള പാസ്ത, വാഴപ്പഴം സ്മൂത്തി, മിക്‌സഡ് ലെറ്റൂസ് സലാഡ് എന്നിവ ഉപയോഗിക്കുന്നു.
