എംഎസ് ധോണിയുടെ മിന്നല്‍ വേഗത്തിലുള്ള കൈകള്‍ വെള്ളിയാഴ്ച വീണ്ടും പ്രഹരിച്ചു, ഇത്തവണ, ചെന്നൈ സൂപ്പര്‍ കിംഗ്‌സ് ഇതിഹാസം കഴിഞ്ഞ കളിയിലെ സ്റ്റംപിംഗിനേക്കാള്‍ മികച്ച ഒന്നായിരുന്നു നടത്തിയത്. റോയല്‍ ചലഞ്ചേഴ്‌സ് ബെംഗളൂരുവിനെതിരായ മത്സരത്തില്‍, ഓപ്പണര്‍ ഫില്‍സാള്‍ട്ടിനെ പായ്ക്ക് ചെയ്യാന്‍ കണ്ണിമവെട്ടുന്ന വേഗതയില്‍ ധോണി പ്രതികരിച്ചു.
നൂര്‍ അഹമ്മദിന്റെ മൂര്‍ച്ചയുള്ള ഗൂഗ്ലി സാള്‍ട്ടില്‍ നിന്ന് അകന്നുപോയി, അയാള്‍ ഓഫ് സൈഡിലൂടെ ഒരു ഷോട്ട് കളിക്കാന്‍ ശ്രമിച്ചപ്പോള്‍ കാല്‍ അല്‍പ്പം ഉയര്‍ന്നുപോയി. സെക്കന്റിന്റെ ഒരു അംശത്തില്‍ ശസ്ത്രക്രിയയുടെ കൃത്യതയോടെ ബെയ്ല്‍സ് ധോണി തെറുപ്പിച്ചു.
43-കാരനായ വിക്കറ്റ് കീപ്പിംഗ് മാസ്ട്രോയ്ക്ക് അര്‍ദ്ധാവസരങ്ങളെ പുറത്താക്കലുകളാക്കി മാറ്റാനുള്ള കഴിവുണ്ട്, ഇത് അദ്ദേഹത്തിന്റെ റേസര്‍-മൂര്‍ച്ചയുള്ള റിഫ്ലെക്സുകളുടെ മറ്റൊരു ഉദാഹരണമായിരുന്നു. കുറച്ച് ദിവസങ്ങള്‍ക്ക് മുമ്പ്, അതേ ബൗളറുടെ പന്തില്‍ നിന്ന് സൂര്യകുമാര്‍ യാദവിനെ പുറത്താക്കാന്‍ ധോണി മിന്നല്‍ വേഗത്തിലുള്ള സ്റ്റംപിംഗ് പുറത്തെടുത്തിരുന്നു.
