പീറ്റര്‍ വൈറ്റിനെ വിവാഹം കഴിച്ച താന്‍ പക്ഷേ മധുവിധു ആഘോഷിച്ചത് ഹോളിവുഡ് സൂപ്പര്‍താരം ടോം ക്രൂയിസിന്റെ കൂടെയായിരുന്നെന്ന് നടി മിഷേല്‍ മോനാഗന്‍. 2005-ല്‍ വൈറ്റുമായുള്ള വിവാഹത്തിന് തൊട്ടുപിന്നാലെ മിഷന്‍ ഇംപോസിബിള്‍: ത്രീയില്‍ അഭിനയിക്കാനെത്തിയ തനിക്ക് ടോം ക്രൂയിസുമായി ഒരു ഇന്റിമസി രംഗത്തിലായിരുന്നു അഭിനയിക്കേണ്ടി വന്നതെന്ന് നടി പറഞ്ഞു.
61 കാരനായ ക്രൂയിസുമായി അടുപ്പമുള്ള രംഗം എങ്ങനെ ചിത്രീകരിക്കേണ്ടി വന്നു എന്നതിനെക്കുറിച്ചുള്ള ഒരു ഉല്ലാസകരമായ കഥ, 47 കാരിയായ താരം അടുത്തിടെ വിവരിച്ചു. ഒരു അഭിമുഖത്തിനിടെ മോനാഗനോട് അവളുടെ അഭിനയ വേഷങ്ങളില്‍ ഏതാണ് അവളെ സിനിമയില്‍ കൂടുതല്‍ പരിഭ്രമിപ്പിച്ചതെന്ന് ചോദിച്ചപ്പോഴാണ് നടി ഇക്കാര്യം പറഞ്ഞത്.
പ്രൊഡക്ഷന്‍ ഷെഡ്യള്‍ ഉണ്ടായിരുന്നതിനാല്‍ വിവാഹിതയായ ഉടന്‍ തന്നെ ഹണിമൂണ്‍ പ്ലാനുകള്‍ ഒഴിവാക്കി സിനിമാ സെറ്റില്‍ എത്തേണ്ടി വന്നു. സെറ്റിലെത്തിയ തന്റെ ആദ്യം ചിത്രീകരിച്ച രംഗം ടോം ക്രൂയിസിനൊപ്പമുള്ള ഇന്റിമസി സീന്‍ ആയിരുന്നെന്ന് താരം അനുസ്മരിച്ചു. ക്രൂയിസിനൊപ്പമുള്ള രസകരമായ രംഗം ചിത്രീകരിക്കുന്നതില്‍ താന്‍ അവിശ്വസനീയമാംവിധം പരിഭ്രാന്തിയിലായപ്പോള്‍ ഭര്‍ത്താവ് പക്ഷേ നടിയെ പിന്തുണയ്ക്കുകയും ശല്യപ്പെടുത്താതിരിക്കുകയും ചെയ്തതായി അവര്‍ പറഞ്ഞു.
ശേഷം ഹോട്ടല്‍ മുറിയില്‍ തിരിച്ചെത്തിയപ്പോള്‍, വൈറ്റ് എല്ലാം കേള്‍ക്കാന്‍ കാത്തിരിക്കുകയായിരുന്നു. അത് അതിശയകരമായിരുന്നു എന്നും അയാള്‍ നല്ലവനായിരുന്നു എന്നും താരം പറഞ്ഞു. സംഭാഷണം തടസ്സപ്പെടുത്തി വൈറ്റിന് അസൂയയുണ്ടോ എന്ന് സഹതാരം മാര്‍ക്ക് വെല്‍ബെര്‍ഗചോദിച്ചപ്പോള്‍ ഏറ്റവും മികച്ച വേഷങ്ങളില്‍ ഒന്ന് കിട്ടിയതില്‍ അയാള്‍ വളരെ അഭിമാനിക്കുന്നു എന്നായിരുന്നു നടി നല്‍കിയ മറുപടി.
മിഷന്‍ ഇംപോസിബിളിലെ വേഷം ലഭിക്കാന്‍ താന്‍ കഠിനാധ്വാനം ചെയ്തിരുന്നു എന്നും നടി പറഞ്ഞു. വിവാഹിതരായ ശേഷം ന്യൂയോര്‍ക്കില്‍ രണ്ടുപേരും കരിയര്‍ ഒരുമിച്ച് കണ്ടെത്തിയതും സവിശേഷമായിരുന്നെന്ന് നടി പറയുന്നു. 2021-ല്‍ സിനിമയുടെ പതിനഞ്ചാം വാര്‍ഷികം മിനോഗന്‍ ആഘോഷിച്ചത് ക്രൂയിസ് തന്നെ പിടിച്ചു നില്‍ക്കുന്ന അനവധി ചിത്രങ്ങള്‍ ഇന്‍സ്റ്റാഗ്രാമില്‍ പങ്കിട്ടുകൊണ്ടായിരുന്നു. ദമ്പതികള്‍ക്ക് മകള്‍ വില്ലോ, 15, മകന്‍ ടോമി, 10 എന്നിങ്ങനെ രണ്ടു മക്കളുമുണ്ട്.
