ലോകത്തിലെ ആദ്യത്തെ സിഎന്‍ജി മോട്ടോര്‍സൈക്കിളുമായി ബജാജ്. ‘ഫ്രീഡം 125 സിഎന്‍ജി എന്ന പേരില്‍ ലോകത്തിലെ ആദ്യത്തെ സിഎന്‍ജി സ്‌കൂട്ടറായ ‘ടിവിഎസ് ജ്യുപിറ്റര്‍ സിഎന്‍ജി’ അരങ്ങേറ്റം കുറിച്ചു. ഇന്ധനവില അനുദിനം കൂടുന്ന ഇന്ത്യയില്‍ മികച്ച ഓപ്ഷനാണ്.
ഭാരത് മൊബിലിറ്റി ഗ്ലോബല്‍ എക്സ്പോയില്‍ ടിവിഎസ് മോട്ടോര്‍ കമ്പനി ജൂപ്പിറ്റര്‍ സിഎന്‍ജി അവതരിപ്പിച്ചു. ദ്വി-ഇന്ധന സാങ്കേതികവിദ്യ ഉപയോഗിച്ച്, സ്‌കൂട്ടറിന് കിലോമീറ്ററിന് ഒരു രൂപയില്‍ താഴെയാണ് ഇന്ധനവില വരുന്നത്. ടിവിഎസ് ജൂപ്പിറ്റര്‍ സിഎന്‍ജിയില്‍ 2 ലിറ്റര്‍ പെട്രോള്‍ ടാങ്കും 1.4 കിലോഗ്രാം കംപ്രസ്ഡ് നാച്ചുറല്‍ ഗ്യാസ് (സിഎന്‍ജി) ടാങ്കും ഉള്‍ക്കൊള്ളുന്ന ഇരട്ട ഇന്ധന സംവിധാനമാണ് സജ്ജീകരിച്ചിരി ക്കുന്നത്. ഫുള്‍ ടാങ്കുകളുള്ള സ്‌കൂട്ടറിന്റെ സംയോജിത റേഞ്ച് 226 കിലോമീറ്ററാണ് അവകാശപ്പെടുന്നത്.
എയര്‍ കൂള്‍ഡ്, സിംഗിള്‍ സിലിണ്ടര്‍, 124.8 സിസി ബൈ-ഫ്യുവല്‍ എഞ്ചിനാണ് സ്‌കൂട്ടറിന് കരുത്തേകുന്നത്, അത് പരമാവധി 7.2 എച്ച്പി കരുത്തും 9.4 എന്‍എം പീക്ക് ടോര്‍ക്കും ഉത്പാദിപ്പിക്കുന്നു. സിവിടി ഓട്ടോമാറ്റിക് ഗിയര്‍ബോക്‌സാണ് സ്‌കൂട്ടറിനു ള്ളത്. സെമി-ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍, സൈഡ് സ്റ്റാന്‍ഡ് ഇന്‍ഡിക്കേറ്റര്‍, ഓള്‍-ഇന്‍-വണ്‍ ലോക്ക്, യുഎസ്ബി ചാര്‍ജിംഗ് പോര്‍ട്ട്, എല്‍ഇഡി ഹെഡ്ലാമ്പ് എന്നിവയുള്‍ പ്പെടെ നിരവധി സവിശേഷതകളുമായാണ് ടിവിഎസ് ജൂപ്പിറ്റര്‍ സിഎന്‍ജി വരുന്നത്. 125 സിസി സെഗ്മെന്റിലെ ഏറ്റവും വലിയ സീറ്റ് കൂടിയാണിത്. സിഎന്‍ജി ടാങ്ക് സ്ഥലം ഏറ്റെടുത്തതിനാല്‍ സീറ്റിനടിയില്‍ സ്റ്റോറേജ് ഇല്ല.
ഇന്ത്യയില്‍ ടിവിഎസ് ജൂപ്പിറ്റര്‍ സിഎന്‍ജി ലോഞ്ച് ഈ വര്‍ഷം അവസാനം നടക്കുമെന്ന് പ്രതീക്ഷിക്കുന്നു. 79,540 രൂപ മുതല്‍ 90,721 രൂപ വരെ വില വരും. ടിവിഎസ് ജൂപ്പിറ്റര്‍ 125-നേക്കാള്‍ ഉയര്‍ന്നതായിരിക്കും ഇന്ത്യയിലെ ടിവിഎസ് ജൂപ്പിറ്റര്‍ സിഎന്‍ജി വില.
