പൂച്ചാക്കല്: പെന്ഷന് കുടിശികക്കായി ഭിക്ഷാപാത്രവുമായി അടിമാലിയിലെ തെരുവിലിറങ്ങി വേറിട്ട സമരം നയിച്ച മറിയക്കുട്ടി ചേടത്തി അഭിനയരംഗത്തും ഒരു കൈനോക്കുന്നു. ജോബി ജോണ്സണ് സംവിധാനം ചെയ്യുന്ന പ്രവാസിയുടെ ഭാര്യ എന്ന ഹ്രസ്വചിത്രത്തിലൂടെയാണ് മറിയക്കുട്ടി അഭിനയരംഗത്തെത്തുന്നത്.
മിറാക്കിള് സിക്സ് മൂവീസിന്റെ ബാനറില് ജോണ്സണ് നിര്മ്മിക്കുന്ന പ്രവാസിയുടെ ഭാര്യ എന്ന ചിത്രത്തിന്റെ രചന ജിജി ദേവസ്യയാണ്. മറിയക്കുട്ടിയെ കൂടാതെ കൂട്ടിക്കല് ജയചന്ദ്രന് ,ഡാനി അമൃതരാജ്, വൈഗ, സച്ചു, ശ്രുതിമധു, ലക്ഷ്മണന് മാസ്റ്റര്, ഷിഹാബ്, അമല്ബേബി, ഷെഫീഖ് തുടങ്ങിയവരും വേഷമിടുന്നു. തിരുവല്ലയിലും വിദേശത്തുമാണ് ചിത്രീകരണം നടക്കുന്നത്.