ഹരിയാനയില്‍ ഭർത്താവിനും അയാളുടെ കുടുംബത്തിനുമെതിരേ വഞ്ചനയും സ്ത്രീധന പീഡനവും ആരോപിച്ച് യുവതി പോലീസില്‍ പരാതിയുമായി യുവതി. ഭഗവാൻ സിങ്ങ് എന്നയാള്‍ തന്നെ പരിചയപ്പട്ടശേഷം ബലാല്‍സംഗം ചെയ്ത് ഗര്‍ഭിണിയാക്കുകയും പിന്നീട് കുടുംബത്തിന്റെ സമ്മതത്തോടെ വിവാഹം കഴിക്കുകയുമായിരുന്നു. കുട്ടിയുണ്ടായതിനുശേഷമാണ് കഥയിലെ ട്വിസ്റ്റ്. താനാണ് ഭഗവാൻ സിങ്ങിന്റെ ആദ്യ ഭാര്യയെന്ന് അവകാശപ്പെട്ട് മറ്റൊരു യുവതി ഇവരുടെ വീട്ടിലെത്തി.
സംഭവ ഇങ്ങനെയാണ്. 2021-ൽ താൻ ഭഗവാൻ സിങ്ങിനെ ഒരു വിവാഹ ചടങ്ങിൽ വച്ച് കണ്ടുമുട്ടിയെന്നും അവർ തമ്മില്‍ ഒരു ബന്ധം ആരംഭിച്ചതായും യുവതി പറയുന്നു. 2022 ഫെബ്രുവരിയിൽ താൻ തനിച്ചായിരിക്കുമ്പോൾ സിംഗ് തന്റെ വീട്ടിൽ വന്ന് മയക്കുമരുന്ന് നൽകി ബലാത്സംഗം ചെയ്തുവെന്നും ഇത് ഗർഭധാരണത്തിലേക്ക് നയിച്ചുവെന്നുമാണ് യുവതി പറയുന്നത്. സാമൂഹത്തിന്റെയും കുടുംബത്തിന്റെയും സമ്മർദ്ദം കാരണം, 2022 മെയ് മാസത്തിൽ അവൾ അവനെ വിവാഹം കഴിച്ചു,
“അവൻ വിവാഹിതനാണെന്ന് എനിക്കറിയില്ലായിരുന്നു. ഞാൻ ഗർഭിണിയാണെന്നറിഞ്ഞപ്പോൾ അവൻ എന്നെ വിവാഹം കഴിക്കാമെന്ന് വാഗ്ദാനം ചെയ്തു,” അവൾ പോലീസിനോട് പറഞ്ഞു. അയാളുടെ ഉറപ്പിൽ വിശ്വസിച്ച്, കുടുംബത്തിന്റെ സമ്മതത്തോടെ അവർ ഒരു ക്ഷേത്രത്തിൽവച്ച് വിവാഹം കഴിച്ചു.
വിവാഹത്തിന് ശേഷം, സിംഗിന്റെ കുടുംബം സ്വർണ്ണ മാല, മോട്ടോർ സൈക്കിൾ തുടങ്ങിയ വസ്തുക്കളടക്കം സ്ത്രീധനം ആവശ്യപ്പെടാൻ തുടങ്ങി. സിംഗിന്റെ അമ്മയും അച്ഛനും സഹോദരങ്ങളും ഉൾപ്പെടെയുള്ളവര്‍ അവളെ സ്ത്രീധനത്തിന്റെ പേരിൽ ഉപദ്രവിച്ചു. പണത്തിന് വേണ്ടി മാത്രമാണ് അവളെ സ്വീകരിച്ചതെന്ന് വീട്ടുകാര്‍ പറഞ്ഞു . 2022 ഒക്ടോബറിൽ അവൾ ഒരു മകൾക്ക് ജന്മം നൽകി, എന്നാൽ ഇതോടെ പീഡനം വർധിപ്പിക്കുകയാണുണ്ടായത്.
അടുത്തിടെ, പ്രിയ എന്ന സ്ത്രീ ഇവരുടെടെ വീട്ടിലെത്തി, സിംഗിന്റെ ആദ്യ ഭാര്യയാണെന്ന് സ്വയം പരിചയപ്പെടുത്തുകയും തനിക്കും സിങ്ങിനും 5 വയസ്സുള്ള ഒരു മകനുണ്ടെന്നും വെളിപ്പെടുത്തി. ദാമ്പത്യ പ്രശ്‌നങ്ങൾ കാരണം മാതാപിതാക്കളോടൊപ്പം താമസിച്ചുവെങ്കിലും ഭർത്താവിന്റെ രണ്ടാം വിവാഹത്തെക്കുറിച്ച് അറിഞ്ഞ് എത്തിയതാണെന്നും പ്രിയ പറയുന്നു.
ഇതിന്റെ പേരില്‍ സിംഗും യുവതിയുമായി വഴക്കായി. അയാള്‍ അവളെ മർദിക്കുകയും വീട്ടിൽ നിന്ന് പുറത്താക്കുകയും ചെയ്തു. യുവതി ഇപ്പോൾ നീതി തേടി, പാനിപ്പട്ടിലെ ക്യാമ്പ് പോലീസ് സ്റ്റേഷനിൽ സിംഗിനെയും കുടുംബത്തെയും വഞ്ചന, ആക്രമണം, എന്നിവ ആരോപിച്ച് പരാതി നൽകി. പോലീസ് അന്വേഷണം ആരംഭിച്ചു.
