പലരും കാലുകള്‍ ഉപയോഗിച്ച് കാല്‍നട യാത്ര നടത്താന്‍ പാടുപെടുന്നു, എന്നാല്‍ ഒരു ചൈനക്കാരന്‍ തന്റെ രാജ്യത്തെ ഏറ്റവും പ്രശസ്തമായ പര്‍വതങ്ങള്‍ കൈ മാത്രം ഉപയോഗിച്ച് കയറുകയാണ്. 38 കാരനായ സണ്‍ ഗുവോ ഷാന് ആണ് അസാധാരണ മെയ് വഴക്കം കൊണ്ടു ശ്രദ്ധേയനായിരിക്കുന്നത്. 2025 വസന്തത്തോടെ ചൈനയിലെ ഏറ്റവും ജനപ്രിയമായ 50 പര്‍വതങ്ങള്‍ കയറുക എന്ന ഒരു മഹത്തായ വെല്ലുവിളി കഴിഞ്ഞ വര്‍ഷം മുതല്‍ അദ്ദേഹം ഏറ്റെടുത്തിരിക്കുകയാണ്.
2023 മെയ് മാസത്തില്‍ മാത്രമാണ് ഹാന്‍ഡ്സ്റ്റാന്‍ഡ് ക്ലൈംബിംഗ് പരിശീലിക്കാന്‍ തുടങ്ങിയത്. 2024 മെയ് മാസം മുതല്‍ ഈ വെല്ലുവിളി ഏറ്റെടുത്തിരിക്കുകയാണ്. 2024 നവംബറില്‍ മാത്രമാണ് അദ്ദേഹം വൈറലായത് 1,612 മീറ്റര്‍ ഉയരമുള്ള വുഡാങ് പര്‍വതത്തിന്റെ ഏറ്റവും ഉയര്‍ന്ന കൊടുമുടിയായ ഹൈബത്തിനെ – കൈകള്‍ ഉപയോഗിച്ച് കീഴടക്കിയതോടെയാണ്. ഇതിന്റെ ക്ലിപ്പ് വൈറലാകാന്‍ അധികനേരം എടുത്തില്ല. ഇപ്പോള്‍ രാജ്യത്തെ പ്രശസ്തമായ 50 പര്‍വതങ്ങള്‍ പൂര്‍ത്തിയാക്കുകയാണ് ലക്ഷ്യമിട്ടിരിക്കുന്നത്.
മുമ്പ് വിദ്യാലയത്തില്‍ ജോലി ചെയ്തിരുന്ന സണ്‍, ആരോഗ്യ പ്രാധാന്യം തിരിച്ചറിഞ്ഞത് കോവിഡ്-19 കാലത്ത് ആയിരുന്നു. കഴിഞ്ഞ വര്‍ഷം ഡിസംബറില്‍, കേവലം അഞ്ചുമണിക്കൂര്‍ കൊണ്ട് സെന്‍ട്രല്‍ ചൈനയിലെ ഹുനാന്‍ പ്രവിശ്യയിലെ ഷാങ്ജിയാജിയിലെ ടിയാന്‍മെന്‍ പര്‍വതത്തിന്റെ 999 പടികള്‍ കയറാന്‍ അദ്ദേഹത്തിന് കഴിഞ്ഞു. തന്നെ നൂറോളം തവണ വീഴാന്‍ തുടങ്ങിയെങ്കിലും താന്‍ വിട്ടില്ലെന്ന് ടിയാന്‍മെന്‍ പര്‍വതത്തിന്റെ മുകളില്‍ എത്തിയ ശേഷം സണ്‍ പറഞ്ഞു. ഈ വസന്തകാലത്ത് തന്റെ 50-ാമത്തെ ഹാന്‍ഡ്സ്റ്റാന്‍ഡ് പൂര്‍ത്തിയാക്കാനും ഗിന്നസ് വേള്‍ഡ് റെക്കോര്‍ഡിന് അപേക്ഷിക്കാനും സണ്‍ പ്രതീക്ഷിക്കുന്നു.
