ഈ വര്‍ഷത്തെ ഏറ്റവും പ്രതീക്ഷയോടെ കാത്തിരിക്കുന്ന മലയാളം ചിത്രങ്ങളിലൊന്നായ മമ്മൂട്ടിയുടെ വരാനിരിക്കുന്ന ചിത്രം ‘ടര്‍ബോ’ ഗംഭീര റിലീസിന് ഒരുങ്ങുകയാണ്. മെയ് 12ന് ചിത്രത്തിന്റെ ട്രെയിലര്‍ പുറത്തിറങ്ങി. ജനപ്രിയ കന്നഡ നടന്‍ രാജ് ബി ഷെട്ടിയുമായുള്ള മമ്മൂട്ടിയുടെ കിടുകിടിലന്‍ ആക്ഷന്‍ പായ്ക്ക്ഡ് ട്രെയിലറിന് കാഴ്ചക്കാര്‍ കൂടുകയാണ്. മെയ് 23 ന് ചിത്രം തിയേറ്ററുകളില്‍ റിലീസ് ചെയ്യും.
2022-ല്‍ പുറത്തിറങ്ങിയ ‘ഭീഷ്മ പര്‍വ്വം’ എന്ന ചിത്രത്തിന് ശേഷമുള്ള മമ്മൂട്ടിയുടെ ആദ്യത്തെ മുഴുനീള മാസ് എന്റര്‍ടെയ്നറാണിത്. ‘ടര്‍ബോ’ ഒരു ആക്ഷന്‍ കോമഡിയാണെന്ന സൂചനയാണ് നല്‍കുന്നത്. അതില്‍ നിരവധി വമ്പന്‍ ആക്ഷന്‍സീക്വന്‍സുകള്‍ ഉണ്ട്. മെയ് 12 ന് മമ്മൂട്ടി തന്റെ സോഷ്യല്‍ മീഡിയയില്‍ ട്രെയിലറിന്റെ യൂട്യൂബ് ലിങ്ക് പങ്കിട്ടു.
ടര്‍ബോ ജോസ് എന്ന് എല്ലാവരും സ്‌നേഹത്തോടെ വിളിക്കുന്ന ജോസിനെ (മമ്മൂട്ടി) ട്രെയിലര്‍ പരിചയപ്പെടുത്തുന്നു. ജോസിന്റെ ശക്തനായ എതിരാളി രാജ് ബി ഷെട്ടിയാണ്. അതേസമയം അവരുടെ ശത്രുതയുടെ കാരണം ട്രെയിലറില്‍ വെളിപ്പെടുത്തിയിട്ടില്ല. പുലിമുരുകന്‍ സംവിധായകന്‍ വൈശാഖ് മമ്മൂട്ടിയ്ക്കൊപ്പം കൈകോര്‍ക്കുന്നത് മൂന്നാം തവണയാണ്.
‘അഞ്ചാം പതിരാ’യും ‘എബ്രഹാം ഓസ്ലറും’ സംവിധായകന്‍ മിഥുന്‍ മാനുവല്‍ തോമസും വൈശാഖും ചേര്‍ന്നാണ് തിരക്കഥ എഴുതിയത്. കഴിഞ്ഞ കുറച്ച് വര്‍ഷങ്ങളായി തുടര്‍ച്ചയായ ഹിറ്റുകളോടെ മമ്മൂട്ടി മികച്ച പ്രകടനം നടത്തിക്കൊണ്ടിരിക്കുകയാണ്. കന്നഡ നടന്‍ രാജ് ബി ഷെട്ടിക്ക് പുറമേ തെലുങ്ക് നടന്‍ സുനില്‍, അഞ്ജന ജയപ്രകാശ്, കബീര്‍ ദുഹാന്‍ സിംഗ്, സിദ്ദിഖ്, ശബരീഷ് വര്‍മ്മ, ദിലീഷ് പോത്തന്‍ എന്നിവരും ‘ടര്‍ബോ’യില്‍ പ്രധാന കഥാപാത്രങ്ങളെ അവതരിപ്പിക്കുന്നു.
