താന്‍ കളിക്കുന്ന ഫുട്‌ബോള്‍ ലീഗിനെ ‘മൈനര്‍ ലീഗ്’ എന്ന് വിളിച്ച് ലയണേല്‍ മെസ്സി വിവാദത്തില്‍ തലയിട്ടു. അര്‍ജന്റീനയില്‍ അടുത്തിടെ നടന്ന ഒരു അഭിമുഖത്തിലാണ് താന്‍ കളിക്കുന്ന മേജര്‍ ലീഗ സോക്കറിനെ താരം ‘ചെറിയ ലീഗ്’ എന്ന് വിളിച്ചത്. അതിനേക്കാള്‍ തനിക്ക് ശ്രദ്ധ വരാനിരിക്കുന്ന കോപ്പാ അമേരിക്ക പോലെയുള്ള ഇവന്റുകളിലാണെന്നും താരം പറഞ്ഞു.
അര്‍ജന്റീന ദേശീയ ടീമിനോടുള്ള തന്റെ മുന്‍ഗണനകളെയും പ്രതിബദ്ധതയെയും കുറിച്ചുള്ള വിശാലമായ ചര്‍ച്ചയുടെ ഭാഗമായിട്ടാണ് മെസ്സി ഈ അഭിപ്രായം പറഞ്ഞത്. ഉയര്‍ന്ന തലത്തില്‍ മത്സരിക്കുന്നതില്‍, കോപ്പ അമേരിക്ക പോലുള്ള ഇവന്റുകളില്‍ കൂടുതല്‍ ശ്രദ്ധ കേന്ദ്രീകരിക്കുന്നുവെന്ന് താരം സൂചിപ്പിച്ചു.
2023 സീസണിലായിരുന്നു ഇന്റര്‍ മിയാമിയില്‍ മെസ്സിയുടെ വരവ്. 14 മത്സരങ്ങളില്‍ നിന്ന് മെസ്സി 11 ഗോളുകള്‍ നേടിയിരുന്നു. എം എല്‍ എസും എലൈറ്റ് ഫുട്‌ബോള്‍ ലീഗുകളും തമ്മിലുള്ള മത്സര വിടവിനുള്ള മെസ്സിയുടെ അംഗീകാരമായി ചിലര്‍ ഇതിനെ വ്യാഖ്യാനിക്കുന്നു. എന്നിരുന്നാലും, അന്താരാഷ്ട്ര മത്സരങ്ങളില്‍ അര്‍ജന്റീനയെ പ്രതിനിധീകരിക്കാനുള്ള മെസ്സിയുടെ പ്രതിബദ്ധത ഒരിക്കല്‍ കൂടി വ്യക്തമായി.
