മലയാളത്തിന്റെ സൂപ്പര്‍സ്റ്റാര്‍ സുരേഷ് ഗോപി അഭിനയത്തിലൂടെ മാത്രമല്ല പാട്ടിലൂടെയും തന്റെ ആരാധകരുടെ ഇഷ്ടം നേടിയിട്ടുണ്ട്. അദ്ദേഹത്തിന്റെ ഭാര്യ രാധികയും മികച്ച ഒരു ഗായിക തന്നെയാണ്. ചാനല്‍ പരിപാടികളില്‍ ഇരുവരും ചേര്‍ന്ന് പാടിയിട്ടുള്ള പാട്ടുകള്‍ വളരെയധികം വൈറലായിട്ടുമുണ്ട്.
അല്ലു അര്‍ജുന്റെ സൂപ്പര്‍ഹിറ്റ് ചിത്രം ”അല വൈകുണ്ഠ പുരലു” എന്ന തെലുങ്ക് ചിത്രത്തിലെ സിദ് ശ്രീറാം പാടിയ ”സാമജവരഗമന” എന്ന ഗാനം കഴിഞ്ഞ ദിവസം സുരേഷ് ഗോപി ഒരു സ്റ്റേജ് ഷോയില്‍ പാടിയിരുന്നു. ഈ വീഡിയോ ഇന്‍സ്റ്റാഗ്രാമിലടക്കം വൈറലായിരുന്നു. ഇപ്പോള്‍ സുരേഷ് ഗോപി പാടിയ ഈ ഗാനത്തിന് ഗംഭീര ട്രോളുമായി എത്തിയിരിയ്ക്കുകയാണ് മിമിക്രിയുടെ രാജാവ് സൂപ്പര്‍സ്റ്റാര്‍ ജയറാം.
സുരേഷ് ഗോപിയുടെ ഭാവങ്ങളെ അനുകരിച്ച് കൊണ്ട് തന്നെയാണ് ജയറാം ഈ വീഡിയോ ചെയ്തിരിയ്ക്കുന്നത്. ജസ്റ്റ് ഫോര്‍ ഫണ്‍ എന്ന ക്യാപ്ഷനോടെയാണ് ജയറാം വീഡിയോ ഷെയര്‍ ചെയ്തത്. സുരേഷ് ഗോപിയുടെ ആക്ഷനൊക്കെ അതുപോലെ തന്നെ പകര്‍ത്തിയിരിയ്ക്കുകയാണ് ജയറാം. രസകരമായ നിരവധി കമന്റുകളാണ് വീഡിയോയ്ക്ക് വരുന്നത്. ”എഴുന്നേറ്റ് നിന്നു കേട്ടു” – എന്നാണ് നടനും സംവിധായകനുമായ രമേഷ് പിഷാരടിയുടെ കമന്റ്. അല വൈകുണ്ഠ പുരലു എന്ന ചിത്രത്തില്‍ ജയറാമും പ്രധാന വേഷത്തില്‍ എത്തിയിരുന്നു. അല്ലു അര്‍ജുന്റെ പിതാവായാണ് ജയറാം ചിത്രത്തില്‍ എത്തിയത്.
https://www.instagram.com/reel/CxQDseexYMw/?utm_source=ig_web_copy_link&igshid=MzRlODBiNWFlZA==
