ജപ്പാനിൽ 60 വയസ്സിന്റെ പ്രായവ്യത്യാസമുള്ള ഒരു പ്രണയജോഡി സോഷ്യൽ മീഡിയയുടെ ശ്രദ്ധ നേടി. 23 വയസ്സുള്ള കോഫു തന്റെ സഹപാഠിയുടെ 83 വയസ്സുള്ള മുത്തശ്ശി ഐക്കോയുമായി കഴിഞ്ഞ ആറ് മാസമായി പ്രണയത്തിലാണ്.
സൗത്ത് ചൈന മോണിംഗ് പോസ്റ്റിന്റെ റിപ്പോർട്ട് അനുസരിച്ച്, കോഫു ഐക്കോയുടെ വീട് സന്ദർശിച്ചപ്പോഴാണ് ഇവർ പ്രണയത്തിലായത്. വഴിയിൽ വെച്ച് മാധ്യമങ്ങൾ അഭിമുഖം നടത്തിയതിന് ശേഷം ഇവർക്ക് ഒറ്റരാത്രികൊണ്ട് വലിയ പ്രചാരം ലഭിച്ചു. വിവാഹമോചിതയും, രണ്ട് തവണ വിവാഹിതയായിട്ടുള്ളയാളുമാണ് ഐക്കോ. അവർക്ക് ഒരു മകനും ഒരു മകളും അഞ്ച് പേരക്കുട്ടികളുമുണ്ട്. വിവാഹമോചനത്തിന് ശേഷം അവർ മകന്റെ കുടുംബത്തോടൊപ്പമാണ് താമസിച്ചിരുന്നത്. കോഫുവാകട്ടെ, യൂണിവേഴ്സിറ്റി ബിരുദം പൂർത്തിയാക്കാറായ ഒരു ക്രിയേറ്റീവ് ഡിസൈൻ കമ്പനിയിലെ ഇന്റേൺ ആണ്.
ഐക്കോയെ ആദ്യമായി കണ്ടപ്പോൾതന്നെ കോഫുവിന് ഇഷ്ടം തോന്നിയിരുന്നു, അതേസമയം ഐക്കോയും കോഫുവിന് അതേ വികാരങ്ങൾ പങ്കുവെച്ചു: “കോഫുവിന് നല്ല വിശപ്പാണ്, വളരെ സൗമ്യനുമാണ്. ഇത്രയും ഊർജ്ജസ്വലനായ ഒരു ചെറുപ്പക്കാരനെ ഞാൻ കണ്ടിട്ടില്ല. എനിക്ക് അവനോട് പെട്ടെന്ന് ആകർഷണം തോന്നി.”പ്രായവ്യത്യാസം കാരണം ഇരുവരും തുടക്കത്തിൽ തങ്ങളുടെ ഇഷ്ടം തുറന്നുപറയാൻ മടിച്ചിരുന്നു. പിന്നീട് ഐക്കോയുടെ ചെറുമകൾ ഡിസ്നി ലാൻഡ് യാത്ര പ്ലാൻ ചെയ്തെങ്കിലും അവസാന നിമിഷം പിന്മാറിയതോടെ ഇരുവരും മാത്രമായി. സൂര്യാസ്തമയ സമയത്ത് സിൻഡ്രെല്ല കോട്ടയിലേക്ക് നോക്കി നിൽക്കുമ്പോൾ കോഫു തന്റെ ഇഷ്ടം തുറന്നുപറഞ്ഞു.
“ആ നിമിഷം ഞാൻ പൂർണ്ണമായും അവനിൽ മതിമറന്നു,” ഐക്കോ പറഞ്ഞു.പ്രണയം വളർന്നപ്പോൾ ഇരുവരും ഒരുമിച്ച് താമസിക്കാൻ തീരുമാനിച്ചു. തങ്ങൾ ആരുടെ വീട്ടിലാണ് താമസിക്കുന്നതെന്ന് ഇവർ വെളിപ്പെടുത്തിയിട്ടില്ല. ഇവരുടെ ബന്ധം പൊതുസമൂഹത്തിന് മുന്നിൽ വന്നപ്പോൾ, ഇരു കുടുംബങ്ങളും പിന്തുണ നൽകിയതായി റിപ്പോർട്ടിൽ പറയുന്നു.
വിവാഹത്തെക്കുറിച്ച്
വിവാഹത്തെക്കുറിച്ച് ഇതുവരെ ആലോചിച്ചിട്ടില്ലെന്ന് ഇരുവരും പറഞ്ഞു. ഐക്കോയെ അടുത്ത് കിട്ടിയതിൽ കോഫു സംതൃപ്തനാണ്. രാവിലെ ഉറക്കമുണരുമ്പോൾ ആദ്യം ഐക്കോയുടെ മുഖം കാണുന്നതാണ് തന്റെ ദിവസത്തിലെ ഏറ്റവും നല്ല ഭാഗമെന്നും അദ്ദേഹം പറഞ്ഞു
കോഫു ജോലിക്ക് പോകുമ്പോൾ തനിക്ക് ഒറ്റപ്പെടൽ തോന്നാറുണ്ടെന്ന് ഐക്കോ പറഞ്ഞു, എന്നാൽ അവനുവേണ്ടി ഭക്ഷണം പാകം ചെയ്യുന്നത് തനിക്ക് ഊർജ്ജം നൽകുമെന്നും അവർ കൂട്ടിച്ചേർത്തു. “ഉറങ്ങുന്നതിനു മുൻപ് അവൻ എന്റെ പല്ല് തേച്ചു തരാറുണ്ട്,” അവർ പറഞ്ഞു.ഈ അസാധാരണ പ്രണയകഥ ഓൺലൈനിൽ വലിയ ചർച്ചകൾക്ക് വഴിവെച്ചു. ചിലർ ഇവരുടെ പ്രണയകഥയെ പ്രശംസിച്ചപ്പോൾ, മറ്റുചിലർ പ്രായവ്യത്യാസത്തിൽ ആശങ്ക പ്രകടിപ്പിച്ചു.
