ശ്രീദേവിയുടെ മകള് ജാന്വികപൂര് ബോളിവുഡിലെ മിന്നും താരമാണ്. സൗന്ദര്യവും അഭിനയമികവുമുള്ള നടിയുടെ തമിഴ്സിനിമാ പ്രവേശം മുമ്പും ചര്ച്ചയായിട്ടുണ്ട്. എന്നാല് ഒന്നും നടന്നിരുന്നില്ല. എന്നാല് ഇത്തവണ തമിഴ്സൂപ്പര്താരം സൂര്യയുടെ നായികയായി ഒരു പാന് ഇന്ത്യന് അരങ്ങേറ്റത്തിന് ഒരുങ്ങുകയാണ് നടി. രാകേഷ് ഓംപ്രകാശ് മെഹ്റ സംവിധാനം ചെയ്ത പീരിയോഡിക് സിനിമയായ ‘കര്ണ്ണ’ നില് ജാന്വി നായികയാകുമെന്ന് വിവരമുണ്ട്. നടിയെ സിനിമയിലെ നായികയായി സ്ഥിരീകരിച്ചെന്നാണ് സമീപകാല റിപ്പോര്ട്ടുകള്.
ഇതിഹാസമായ മഹാഭാരതത്തില് നിന്ന് പ്രചോദനം ഉള്ക്കൊണ്ട് നിര്മ്മിച്ച ഈ ചിത്രം രണ്ട് ഭാഗങ്ങളായി റിലീസ് ചെയ്യാന് പദ്ധതിയിട്ടിരിക്കുന്നത്. വന് ബജറ്റില് വരുന്ന സിനിമ പാന് ഇന്ത്യന് രീതിയില് റിലീസ് ചെയ്യാനാണ് ഉദ്ദേശം. വൈവിധ്യ വേഷങ്ങള് കൊണ്ടു വിസ്മയിപ്പിച്ചിട്ടുള്ള സൂര്യ ടൈറ്റില് റോളിലെത്തും. സിനിമയുടെ പ്രീ-പ്രൊഡക്ഷന് പ്രവര്ത്തനങ്ങളിലാണ് സിനിമയിപ്പോള്. ബോളിവുഡിലെ തിരക്കേറിയ താരമായ ജാന്വി അടുത്തിടെ തെലുങ്കില് അരങ്ങേറ്റത്തിന് ഒരുങ്ങുകയാണ്. പ്രഗത്ഭനായ കൊരട്ടാല ശിവ സംവിധാനം ചെയ്ത ‘ദേവര’ എന്ന സിനിമയില് ജൂനിയര് എന്ടിആറിനൊപ്പം ജാന്വി പ്രധാന വേഷം ചെയ്യുന്നു. സിനിമയില് വില്ലനാകുന്നത് സെയ്ഫ് അലിഖാനാണ്.
‘കര്ണ്ണ’യില് ജാന്വി കപൂറിനെ ഉള്പ്പെടുത്തിയതിന്റെ ഔദ്യോഗിക പ്രഖ്യാപനത്തിനായി ആരാധകര് ആകാംക്ഷയോടെ കാത്തിരിക്കുകയാണ്. മറുവശത്ത് ‘കങ്കുവ’ യുടെ തിരക്കിലാണ് സൂര്യ. പിന്നാലെ താരം സംവിധായിക സുധ കൊങ്ങരയുമായി കൈകോര്ക്കുന്നു. ദുല്ഖര് സല്മാന്, നസ്രിയ നസിം, വിജയ് വര്മ്മ എന്നിവരടങ്ങുന്ന ചിത്രത്തിന് മറ്റൊരു സിനിമാ മാസ്റ്റര്പീസിനെക്കുറിച്ച് സൂചന നല്കുന്നു.