ജപ്പാനിലെ ഉപേക്ഷിക്കപ്പെട്ട സ്‌കൂളിന്റെ ചിത്രം പകര്‍ത്തിയ ഫോട്ടോഗ്രാഫറിന്റെ ക്യാമറയില്‍ പതിഞ്ഞത് പ്രേതം. ബ്രിട്ടീഷ് നഗര പര്യവേക്ഷകനും ടിക്‌ടോക്കില്‍ 1.4 ദശലക്ഷം ഫോളോവേഴ്‌സുമുള്ള ഫോട്ടോഗ്രാഫര്‍ ബെന്‍ പകര്‍ത്തിയ ചിത്രത്തിലാണ് പ്രേതവും വന്നത്. സ്‌കൂളിന്റെ ഇടനാഴി ക്യാമറയിലാക്കി പിന്നീട് ഫോട്ടോ നോക്കിയപ്പോഴാണ് അതില്‍ ഒരാളും ഉള്ളതായി ബെന്‍ കണ്ടെത്തിയത്.
ഇടനാഴിയില്‍ പതിയിരിക്കുന്ന ഒരു പ്രേതത്തിന്റെ ചിത്രം താന്‍ പകര്‍ത്തിയതായി അദ്ദേഹം അവകാശപ്പെടുന്നു. ജപ്പാനിലേക്ക് ജോലിസ്ഥലത്ത് പോയ സമയത്താണ് സ്‌കൂള്‍ പ്രവര്‍ത്തിച്ചിരുന്ന പഴയ കെട്ടിടത്തിന്റെ ചിത്രം പകര്‍ത്താന്‍ തോന്നിയത്. ഉപേക്ഷിക്കപ്പെട്ട സ്‌കൂളിന്റെ, ചുമരുകളില്‍ ഗൃഹപാഠങ്ങള്‍ എഴുതിയിരിക്കുന്നതും മേശപ്പുറത്ത് ഇരിക്കുന്ന ബാഗുകളും വിദ്യാര്‍ത്ഥികളുടെ ചിത്രങ്ങള്‍ പതിച്ചിട്ടുള്ള ചുവരുമൊക്കെ പകര്‍ത്തുന്നതിനിടയില്‍ ഇടനാഴിയില്‍ പതിയിരിക്കുന്ന ഒരു പ്രേതത്തെയും പകര്‍ത്തിയതായി ബെന്‍ അവകാശപ്പെട്ടു.
താന്‍ മാത്രമേ അവിടെയുള്ളൂവെന്ന് ഉറപ്പാക്കിയിരുന്നതായി ഉള്ളടക്ക സ്രഷ്ടാവ് പറയുന്നു. ചിത്രത്തില്‍ ഒരു ഇടനാഴിയുടെ അറ്റത്ത് നിന്ന് ഒരു രൂപം ബെന്നിനെ നോക്കുന്നത് കാണാം. ”ഇത് ഒരു വിദ്യാര്‍ത്ഥിയെപ്പോലെയോ അദ്ധ്യാപകനെപ്പോലെയോ തോന്നുന്നു, പക്ഷേ ഇത് വളരെ വിചിത്രമാണ്.” ബെന്‍ പറഞ്ഞു. തീര്‍ച്ചയായും കെട്ടിടത്തില്‍ തനിച്ചായിരുന്നെന്നും ഇത് വളരെ ഗ്രാമീണ മേഖലയാണെന്നും ചിത്രങ്ങള്‍ എടുക്കാന്‍ തുടങ്ങുന്നതിന് മുമ്പ് താന്‍ വിളിച്ച് മുറികള്‍ പരിശോധിച്ചിരുന്നതായും പറഞ്ഞു.
2011-ല്‍ ജപ്പാനിലെ ടോഹോക്കു ഭൂകമ്പത്തിനും സുനാമി ദുരന്തത്തിനും ശേഷമാണ് അധ്യാപകരും വിദ്യാര്‍ത്ഥികളും കെട്ടിടം ശൂന്യമായി ഉപേക്ഷിച്ചത്. വിനാശകരമായ സംഭവത്തില്‍ 18,000-ത്തിലധികം ആളുകള്‍ കൊല്ലപ്പെട്ടു. 2011 മാര്‍ച്ച് 11 ന് 9.0 തീവ്രത രേഖപ്പെടുത്തിയ തോഹോകു ഭൂകമ്പം ജപ്പാന്റെ കിഴക്കന്‍ തീരത്ത് 133 അടി ഉയരത്തില്‍ സുനാമിക്ക് കാരണമായി, മൂന്ന് ആണവ റിയാക്ടറുകള്‍ തകരുകയും ചെയ്തു. ആണവ ഇന്ധനം ഉരുകുകയും പരിസ്ഥിതിയിലേക്ക് വിടുകയും ചെയ്തു, 300,000-ത്തിലധികം ആളുകളെ അവരുടെ വീടുകളില്‍ നിന്ന് ഒഴിപ്പിച്ചു.
