ഹൈസ്‌കൂള്‍ വിദ്യാര്‍ത്ഥികളുടെ ഒരു ക്ലാസ് നടത്തി പരിഹരിക്കപ്പെട്ടത് ടെന്നസിയിലും ചുറ്റുമുള്ള സംസ്ഥാനങ്ങളിലും നടന്ന റെഡ്‌ഹെഡ് കൊലപാതക പരമ്പരകളുടെ 35 വര്‍ഷം പഴക്കമുള്ള കോള്‍ഡ് കേസ്. ടെന്നസിയിലെ എലിസബത്തണ്‍ ഹൈസ്‌കൂളിലെ വിദ്യാര്‍ത്ഥികളാണ് തെളിയാതെ കിടന്നിരുന്ന ഈ കേസിലേക്ക് വെളിച്ചം വീശുന്ന തെളിവുകള്‍ നല്‍കിയത്.
അധ്യാപകനായ അലക്സ് കാംപ്ബെല്‍ നല്‍കിയ ഒരു സോഷ്യോളജി അസൈന്‍മെന്റിലായിരുന്നു തുടക്കം. പ്രൊഫൈലിംഗ് ചെയ്യുന്നതിന് പരീക്ഷണമായി നല്‍കിയത് മറ്റ് വിശദാംശങ്ങളൊന്നുമില്ലാതെ,ഒരാളുടെ അറിയപ്പെടുന്ന പ്രവര്‍ത്തനങ്ങളെ മാത്രം അടിസ്ഥാനമാക്കി, എങ്ങനെ ഒരാളെക്കുറിച്ച് ഒരു ചിത്രം നിര്‍മ്മിക്കാന്‍ കഴിയും എന്നതായിരുന്നു. അത് പെട്ടെന്ന് തന്നെ ഒരു കുറ്റകൃത്യ അന്വേഷണമായി മാറി. 1983 നും 1985 നും ഇടയില്‍ കൊല്ലപ്പെട്ട 11 ഇരകളില്‍ 6 പേരുടെ പഴയ കേസ് ഫയലുകള്‍ പുറത്തെടുത്തു.
ഇരകളുടെ സ്വഭാവം, അവരെ കണ്ടെത്തിയ സ്ഥലങ്ങള്‍, അവരുടെ പ്രായം, ജോലി എന്നിവ പോലുള്ള കേസിന്റെ വിശദാംശങ്ങള്‍ വിദ്യാര്‍ത്ഥികള്‍ പരീക്ഷിക്കാന്‍ ഉപയോഗിക്കാന്‍ തുടങ്ങി. അസൈന്‍മെന്റിന്റെ ഭാഗമായി ഡീറ്റെയ്ല്‍സ് തെരഞ്ഞുപോയ അവര്‍ 30 വയസ്സ് അല്ലെങ്കില്‍ 40 വയസ്സില്‍ പോലും നീളമുള്ള മുടിയുള്ള വെളുത്ത, പുരുഷ, ഭിന്നലിംഗക്കാരന്‍, ഒരുപക്ഷേ ഒരു ട്രക്ക് ഡ്രൈവര്‍ ആയിരിക്കാമെന്ന് അനുമാനിച്ചു.
വിദ്യാര്‍ത്ഥികളുടെ പ്രവര്‍ത്തനത്തിന്റെ പര്യവസാനം ഒരു പത്രസമ്മേളനമായിരുന്നു. നിയമപാലകര്‍, പ്രാദേശിക മാധ്യമങ്ങള്‍, കമ്മ്യൂണിറ്റി അംഗങ്ങള്‍ എന്നിവരില്‍ നിന്നുള്ള 60 പേര്‍ക്ക് മുന്നില്‍ അവര്‍ കണ്ടെത്തലുകള്‍ അവതരിപ്പിച്ചു. പിന്നാലെ കൊലപാതകിയുടെ ഐഡന്റിറ്റി അറിയാമെന്ന് വിശ്വസിക്കുന്ന ആളുകളില്‍ നിന്ന് സംസ്ഥാനത്തെ പോലീസ് വകുപ്പുകള്‍ക്ക് കുറിപ്പുകളുടെ ഒരു പ്രളയം തന്നെയുണ്ടായി.
താമസിയാതെ ഒരു കേസില്‍ നിന്ന് ഒരു സ്ത്രീയില്‍ നിന്ന് കണ്ടെത്തിയ ഡിഎന്‍എ തെളിവുകള്‍ പുനഃപരിശോധിച്ചു. അത് യഥാര്‍ത്ഥത്തില്‍ കൊലയാളിയുടെ ഐഡന്റിറ്റി സ്ഥിരീകരിച്ചു. 2015-ല്‍ ലിന്‍ഡ ഷാക്കെയെ വധിക്കാന്‍ ശ്രമിച്ചതിന് ജയിലിലാകുകയും അവിടെ കിടന്ന് 67-ആം വയസ്സില്‍ മരിക്കുകയും ചെയ്ത ജെറി ലിയോണ്‍ ജോണ്‍സിന് സാമ്യം ഉണ്ടായിരുന്നു.
1978-ലും 1992-ലും നീണ്ടുനിന്ന കൊലപാതക പരമ്പരയിലെ ആറ് ഇരകളില്‍ അഞ്ചുപേര്‍ക്ക് ജോണ്‍സനുമായി സാമ്യതയുണ്ടായിരുന്നു. ജോണ്‍സിന്റെ കൊലപാതശ്രമത്തില്‍ നിന്നും രക്ഷപ്പെട്ട ഷാക്കെയെ ഒരു ഡ്രൈവറാണ് രക്ഷിച്ചത്്. തന്റെ കാര്‍ മോഷ്ടിച്ചെന്നും അത് ഓടിച്ചിരുന്നയാളാണ് തന്നെ കൊല്ലാന്‍ നോക്കിയതെന്നും അവര്‍ പോലീസിനോട് പറഞ്ഞു. ഇത് പിന്നീട് ജോണ്‍സിനെ പിടികൂടാന്‍ സഹായിച്ചു. എന്നാല്‍ മറ്റ് കൊലപാതകങ്ങളില്‍ അയാളുടെ പങ്ക് കണ്ടെത്താനായില്ല.
