എപ്പോഴും പരുക്കില്‍ പെടുമെങ്കിലും ഒരു ശക്തമായ തിരിച്ചവരവ് ഹര്‍ദിക്പാണ്ഡ്യ നടത്താറുണ്ട്. ഇത്തവണ ഏകദിന ലോകകപ്പില്‍ പരിക്കേറ്റ താരത്തിന്റെ തിരിച്ചുവരവ് ഐപിഎല്ലില്‍ മുംബൈ ഇന്ത്യന്‍സിന്റെ നായകനായിട്ടാണ്്. അഞ്ചു മാസത്തിന് ശേഷമുള്ള അദ്ദേഹത്തിന്റെ മടങ്ങിവരവില്‍ അദ്ദേഹത്തിന് കീഴില്‍ കളിക്കാനായി രോഹിത്ശര്‍മ്മ കളിക്കുന്നു എന്നതാണ് പ്രത്യേകത.
2015-ല്‍ മൂംബൈ ഇന്ത്യന്‍സിലൂടെ തന്റെ ഐപിഎല്‍ കരിയര്‍ ആരംഭിച്ച ഈ ഓള്‍റൗണ്ടര്‍, രണ്ട് വിജയകരമായ സീസണുകള്‍ ഗുജറാത്ത് ടൈറ്റന്‍സില്‍ ചെലവഴിച്ചതിന് ശേഷം തന്റെ പഴയ ഫ്രാഞ്ചൈസിയിലേക്ക് മടങ്ങി വന്നിരിക്കുകയാണ്. ഐപിഎല്‍ 2022 ലെ ആദ്യ ശ്രമത്തില്‍ തന്നെ ഗുജറാത്ത് ടൈറ്റന്‍സിനെ അവരുടെ കന്നി ഐപിഎല്‍ കിരീടത്തിലേക്ക് നയിച്ച പാണ്ഡ്യ കഴിഞ്ഞ വര്‍ഷം അവരെ ഫൈനലിലെത്തിച്ചു.
ഈ സീസണില്‍ വീണ്ടും മൂംബൈയില്‍ തിരിച്ചുവന്ന അദ്ദേഹം അഞ്ച് കിരീടങ്ങളുമായി ഐപിഎല്ലിലെ ഏറ്റവും വിജയകരമായ നായകനായ രോഹിത് ശര്‍മ്മയെ മാറ്റിയാണ് നീലപ്പടയുടെ നായകസ്ഥാനത്തേക്ക് വരുന്നത്.
പത്തുവര്‍ഷമായി മുംബൈയുടെ നായനായിരുന്ന രോഹിത് ആദ്യമായി ടീമില്‍ ഒരു കളിക്കാരനായി മാത്രം കളിക്കുന്നത്. ഇത് മുംബൈ ഇന്ത്യന്‍സിന്റെ കാര്യങ്ങള്‍ കൂടുതല്‍ സങ്കീര്‍ണ്ണമാക്കുമോ എന്നാണ് അറിയേണ്ടത്. പാണ്ഡ്യയും രോഹിതും ഇതിനോട് എങ്ങനെ പ്രതികരിക്കും? മുംബൈ ഇന്ത്യന്‍സ് ആരാധകര്‍ ഈ നീക്കത്തെ എങ്ങനെ കാണും? എന്നെല്ലാമുള്ള ചോദ്യങ്ങളാണ് ഇനിയറിയേണ്ടത്.
ഈ നിറം ധരിക്കുന്നതിന്റെ വികാരം എനിക്ക് വളരെ സവിശേഷമാണ്. ഇവിടെ ആരംഭിച്ച യാത്ര, വീട്ടില്‍ തിരിച്ചെത്തി കളിക്കുന്നത് എല്ലായ്പ്പോഴും പ്രത്യേകമായിരിക്കും,’ ഫ്രാഞ്ചൈസി സോഷ്യല്‍ മീഡിയയില്‍ പോസ്റ്റ് ചെയ്ത വീഡിയോയില്‍ പാണ്ഡ്യ പറഞ്ഞു. ‘എല്ലാവരും അഭിമാനിക്കുന്ന ഒരു ക്രിക്കറ്റ് ബ്രാന്‍ഡ് ഞങ്ങള്‍ കളിക്കുമെന്ന് ഞങ്ങള്‍ ഉറപ്പാക്കും, അതേ സമയം അത് ആരും മറക്കാത്ത ഒരു സവാരിയായിരിക്കും.’ പാണ്ഡ്യയെ ഹെഡ് കോച്ച് മാര്‍ക്ക് ബൗച്ചര്‍ ഇരുകൈകളും നീട്ടി സ്വീകരിച്ചു.
”അദ്ദേഹത്തിന് (പാണ്ഡ്യ) തീര്‍ച്ചയായും ഞാന്‍ ചെയ്യുന്നതിനേക്കാള്‍ നന്നായി വസ്ത്രം മാറുന്ന മുറി അറിയാം. ഇത് രണ്ട് ആളുകള്‍ക്ക് ഒരു വീട്ടിലേക്ക് മടങ്ങുന്ന രീതിയാണ്. ‘അദ്ദേഹം നന്നായി യോജിച്ചു, സീസണില്‍ ആവേശഭരിതനാണ്. അദ്ദേഹത്തെ തിരികെ ലഭിക്കാനും മുംബൈ ഇന്ത്യന്‍സിന് വേണ്ടി വീണ്ടും ചില ഗെയിമുകള്‍ ജയിക്കാനും ഞങ്ങള്‍ ആഗ്രഹിക്കുന്നു.” ബൗച്ചര്‍ പറഞ്ഞു.
