ശരീരഭാരം കുറയ്ക്കാന്‍ ആഗ്രഹിക്കുന്നവരാണോ നിങ്ങള്‍ ? എങ്കില്‍ ആഹാരക്രമത്തില്‍ ഗ്രീന്‍പീസും ഉള്‍പ്പെടുത്താം. കാരണം, വണ്ണം കുറയ്ക്കാന്‍ വളരെയധികം സഹായിക്കുന്ന ഭക്ഷണമാണ് ‘ഗ്രീന്‍ പീസ്’ എന്നാണ് ആരോഗ്യവിദഗ്ധര്‍ അഭിപ്രായപ്പെടുന്നത്. ശരീരഭാരം കുറയ്ക്കാന്‍ ഇത് സഹായിക്കുന്നത് പ്രധാനമായും മൂന്ന് രീതിയിലാണ്.
ശരീരത്തിന് ആവശ്യമായ പ്രോട്ടീന്‍ ലഭിക്കാനാണ് പലപ്പോഴും ഡയറ്റിലുള്ളവര്‍ പോലും മാംസാഹാരത്തെ ആശ്രയിക്കുന്നത്. എന്നാല്‍ ഇക്കാര്യത്തില്‍ മാംസാഹാരത്തെ ആശ്രയിക്കുന്നത് പോലെ തന്നെ ആശ്രയിക്കാവുന്ന ഒന്നാണ് ‘ഗ്രീന്‍ പീസ്’. 100 ഗ്രാം പീസില്‍ ഏതാണ്ട് അഞ്ച് ഗ്രാമോളം പ്രോട്ടീന്‍ അടങ്ങിയിരിക്കുന്നു. പ്രോട്ടീന്റെ കാര്യത്തില്‍ സമ്പന്നമാണെങ്കിലും കൊഴുപ്പിന്റെ കാര്യത്തില്‍ ഏറെ പിന്നിലാണ് ‘ഗ്രീന്‍ പീസ്’. പാകം ചെയ്ത ഒരു കപ്പ് പീസില്‍ ആകെ അടങ്ങിയിരിക്കുന്നത് 0.5 ഗ്രാം കൊഴുപ്പ് മാത്രമാണ്.
ഭക്ഷണങ്ങളിലടങ്ങിയിരിക്കുന്ന ‘ഫൈബര്‍’ ആണ് നമ്മുടെ ദഹനത്തെ സ്വാധീനിക്കുന്ന ഒരു ഘടകം. ‘ഫൈബര്‍’ ധാരാളമായി കഴിക്കുന്നതോടെ ദഹനം എളുപ്പത്തിലാകുന്നു. എന്നാല്‍ ‘ഗ്രീന്‍ പീസി’ല്‍ അടങ്ങിയിരിക്കുന്ന ‘ഫൈബര്‍’ പെട്ടെന്ന് ദഹനത്തെ ആക്കപ്പെടുത്തുന്നില്ല. ഏറെ സമയമെടുത്ത് ഭക്ഷണം മുഴുവന്‍ ദഹിപ്പിച്ചെടുക്കുന്നു. ഇത് നമ്മളെ കൂടുതല്‍ ഭക്ഷണം കഴിക്കുന്നതില്‍ നിന്ന് പിന്തിരിപ്പിക്കുന്നു.
ഗ്രീൻപീസിൽ കാർബോഹൈഡ്രേറ്റിന്റെ അളവ് കൂടുതലാണ്. പീസ് അമിതമായി കഴിക്കുന്നത് ഗ്യാസ്, മലബന്ധം തുടങ്ങിയ പ്രശ്നങ്ങൾക്ക് കാരണമാകും.
