നോര്‍ഡിക് പ്രദേശത്തെ തണുപ്പ് പിടികൂടിയതിനാല്‍ ഫിന്‍ലന്‍ഡിലും സ്വീഡനിലും കൊടും തണുപ്പ്. ചൊവ്വാഴ്ച രേഖപ്പെടുത്തിയത് ഏറ്റവും തണുത്ത താപനില. മൈനസ് 40 ഡിഗ്രി സെല്‍ഷ്യസ് വരെ താഴ്ന്നു. തണുപ്പും മഞ്ഞും മൂലം പ്രദേശത്തുടനീളമുള്ള ഗതാഗതം തടസ്സപ്പെട്ടു. 25 വര്‍ഷത്തിനിടയിലെ ഏറ്റവും തണുപ്പുള്ള ജനുവരി രാത്രി സ്വീഡന്‍ റിപ്പോര്‍ട്ട് ചെയ്തു, വടക്കന്‍ ഭാഗത്ത് മൈനസ് 43.6 ഡിഗ്രി സെല്‍ഷ്യസില്‍ എത്തി.
1999 ന് ശേഷം സ്വീഡനിലെ ഏറ്റവും കുറഞ്ഞ ജനുവരി താപനിലയാണിത്. 1999 ജനുവരിയില്‍, മൈനസ് 49 ഡിഗ്രി സെല്‍ഷ്യസ് (മൈനസ് 56.2 ഫാരന്‍ഹീറ്റ്) സ്വീഡനില്‍ രേഖപ്പെടുത്തിയിട്ടുണ്ട്. സ്വീഡിഷ് മെറ്റീരിയോളജിക്കല്‍ ആന്‍ഡ് ഹൈഡ്രോളജിക്കല്‍ ഇന്‍സ്റ്റിറ്റ്യൂട്ട് വടക്കന്‍ സ്വീഡനിലെ പല സ്ഥലങ്ങളിലും മൈനസ് 30 ഡിഗ്രി സെല്‍ഷ്യസ് താപനില റിപ്പോര്‍ട്ട് ചെയ്തു.
മധ്യ, തെക്കന്‍ സ്വീഡനില്‍ മഞ്ഞിനും കാറ്റിനും മുന്നറിയിപ്പ് നല്‍കിയിട്ടുണ്ട്. അതിന്റെ രണ്ടാമത്തെ ഉയര്‍ന്ന മുന്നറിയിപ്പ് അര്‍ദ്ധരാത്രി മുതല്‍ ബുധനാഴ്ച വരെ ബാധകമാണ്. അയല്‍രാജ്യമായ ഫിന്‍ലന്‍ഡില്‍, ഈ ശൈത്യകാലത്തെ തണുപ്പ് റെക്കോഡ് രേഖപ്പെടുത്തിയത് വടക്കുപടിഞ്ഞാറന്‍ പട്ടണമായ യിലിവിസ്‌കയില്‍ ആയിരുന്നു. ചൊവ്വാഴ്ച പുലര്‍ച്ചെ മൈനസ് 37.8 ഡിഗ്രി സെല്‍ഷ്യസായി കുറഞ്ഞു.
