മുരിങ്ങയിലയും മുരിങ്ങക്കായും നമ്മള്‍ ആഹാരത്തില്‍ ഉള്‍പ്പെടുത്താറുണ്ട്. എന്നാല്‍ പലരും മുരിങ്ങപ്പൂക്കള്‍ ആഹാരത്തിന്റെ ഭാഗമാക്കാറില്ല. മുരിങ്ങപ്പൂക്കളുടെ യഥാര്‍ത്ഥ ഗുണത്തെക്കുറിച്ചുള്ള അറിവില്ലായ്മയും ഉപയോഗിക്കാതിരിക്കുന്നതിന് ഒരു കാരണമാണ്. ആന്റി ഓക്‌സിഡന്റ്, ആന്റി ഇന്‍ഫ്‌ളമേറ്ററി ഗുണങ്ങള്‍ നിറഞ്ഞ മുരിങ്ങപ്പൂക്കള്‍ ആരോഗ്യത്തിന് ഉത്തമമാണെന്ന് വിദഗ്ധര്‍ പറയുന്നു.
എല്ലുകളുടെ ആരോഗ്യം മെച്ചപ്പെടുത്താനും സന്ധിവേദനയ്ക്ക് ആശ്വാസം നല്‍കാനും മുരിങ്ങപ്പൂക്കള്‍ക്ക് കഴിയും. മുരിങ്ങപ്പൂവില്‍ ഉയര്‍ന്ന അളവില്‍ പൊട്ടാസ്യം അടങ്ങിയിട്ടുണ്ട്. ഇത് രക്തസമ്മര്‍ദ്ദത്തെ നിയന്ത്രിക്കാന്‍ സഹായിക്കുന്നു. ഹൃദയ സംബന്ധമായ മറ്റ് പ്രശ്‌നങ്ങള്‍ കൈകാര്യം ചെയ്യാനും സഹായിക്കുന്നു.
മുരിങ്ങപ്പൂ ശരീരത്തിലെ വീക്കം കുറയ്ക്കാനം സന്ധിവാതവുമായി ബന്ധപ്പെട്ട വേദനയ്ക്ക് ആശ്വാസം നല്‍കാനും സഹായിക്കുന്നു. അവശ്യധാതുക്കളായ കാത്സ്യം, ഇരുമ്പ്, ഫോസ്ഫറസ് എന്നിവയുടെ ഉറവിടമാണ് മുരിങ്ങപ്പൂക്കള്‍, ഇവ അസ്ഥിയുമായി ബന്ധപ്പെട്ട രോഗങ്ങള്‍ നിയന്ത്രിക്കാന്‍ സാധിക്കുന്നു.
പലരീതിയില്‍ മുരിങ്ങപ്പൂക്കള്‍ ആഹാരത്തിന്റെ ഭാഗമാക്കാന്‍ കഴിയും. വ്യത്യസ്ഥമായി പാചകം ചെയ്താന്‍ രുചികരമായ ഒരു വിഭവം കൂടിയാണ് മുരിങ്ങപ്പൂ.
