ഇന്തോനേഷ്യയിലെ കോറോവായ് ഗോത്രജനതയെക്കുറിച്ച് കേട്ടിട്ടുള്ള കഥകളൊക്കെ ഞെട്ടിക്കുന്നതാണ്. ഇന്തോനേഷ്യയിലെ പാപുവ പ്രവിശ്യയിലെ തദ്ദേശീയരായ കൊറോവായ് ജനതയെ ബന്ധപ്പെടുവാനോ അവരുടെ വിവരങ്ങള്‍ പുറത്തുവിടുവാനോ ആള്‍ക്കാര്‍ക്ക് ഭയമാണ്. എന്നാല്‍ അടുത്തിടെ ഇന്ത്യന്‍ വ്ളോഗര്‍ ധീരജ് മീണ ഈ പൂട്ട് പൊളിച്ച് ഗോത്രവര്‍ഗ്ഗക്കാരുടെ കാടുകളില്‍ ചെന്നെത്തിയിരിക്കുകയാണ്.
ധീരജ് മീണ ‘മനുഷ്യനെ ഭക്ഷിക്കുന്ന’ ഗോത്രം എന്ന് വിളിക്കപ്പെടുന്ന കൊറോവായ് ഗോത്രത്തെ കാണുകയും സോഷ്യല്‍ മീഡിയയില്‍ തന്റെ അനുഭവം രേഖപ്പെടുത്തുകയും ചെയ്തു. നൂറ്റാണ്ടുകളായി വേട്ടയാടലും കായ്കനികളുടെ ശേഖരണവും മീന്‍പിടുത്തവും കൊണ്ട് ജീവിക്കുന്ന ജനതയാണ് വിദൂര കോറോവായ് ഗോത്രം. 10 മണിക്കൂര്‍ ബോട്ടില്‍ യാത്ര ചെയ്ത ശേഷം നാല് മണിക്കൂര്‍ ഇടതൂര്‍ന്ന കാട്ടുവഴികളിലൂടെ സഞ്ചരിച്ചാണ് മീണ ഗോത്രവര്‍ഗ്ഗക്കാരുടെ ആവാസവ്യവസ്ഥയില്‍ എത്തിച്ചേര്‍ന്നത്. അതിജീവനത്തിനായി വേട്ടയാടല്‍ ഉള്‍പ്പെടുന്ന ഒരു പരമ്പരാഗത ജീവിതശൈലി നിലനിര്‍ത്തുന്ന കൊറോവായ് ഗോത്രക്കാര്‍ ആധുനിക മനുഷ്യരില്‍ നിന്നും വളരെ അകലെയാണ്.
”ആചാരങ്ങള്‍ക്കനുസൃതമായി, വസ്ത്രം ധരിക്കാത്ത ഗോത്രവിഭാഗത്തിലെ പുരുഷന്മാരും സ്ത്രീകളും വെവ്വേറെ വീടുകളിലാണ് താമസിക്കുന്നത്. കൊറോവായ് ആളുകള്‍ നിലത്തിന് മുകളിലുള്ള മര വീടുകളിലാണ് ആള്‍ക്കാര്‍ താമസിക്കുന്നതെന്നും അദ്ദേഹം ഇന്‍സ്റ്റാഗ്രാം സ്റ്റോറിയില്‍ കുറിച്ചു. ”നിങ്ങള്‍ മനുഷ്യരെയാണോ ഭക്ഷിക്കുന്നത്? കൊറോവായ് ആളുകള്‍ മനുഷ്യരെ ഭക്ഷിക്കുന്നുവെന്ന് ഞങ്ങള്‍ കേട്ടു. അത് സത്യമാണോ? നിങ്ങള്‍ മനുഷ്യരെയാണോ ഭക്ഷിക്കുന്നത്?” ആശയവിനിമയത്തിനിടയില്‍, ഇന്ത്യന്‍ ട്രാവല്‍ വ്ലോഗര്‍ അവരുടെ ചരിത്രപരമായ നരഭോജി പരിശീലനത്തെക്കുറിച്ച് അവരോട് ചോദ്യങ്ങള്‍ ചോദിച്ചു.
”തന്റെ പിതാവിന്റെ തലമുറയിലെ ആളുകള്‍ 16 വര്‍ഷം മുമ്പ് മനുഷ്യമാംസം ഭക്ഷിച്ചിരുന്നതായി ഒരു കൊറോവായ് മനുഷ്യന്‍ വിശദീകരിച്ചു. എന്നിരുന്നാലും, ഇപ്പോള്‍ ഈ രീതി പിന്തുടരുന്നില്ല. കൊറോവായിയില്‍ നിരവധി ഗ്രൂപ്പുകളുണ്ടായിരുന്നു അവര്‍ പരസ്പരം പോരടിക്കും. ചിലര്‍ തങ്ങളുടെ എതിരാളികളെ പിടികൂടുകയും കൊല്ലുകയും ചെയ്യുമായിരുന്നു, ആ സമയത്താണ് നരഭോജനം നടത്തിയിരുന്നത്. സ്ത്രീകളെ പിടികൂടിയാലും ചിലപ്പോള്‍ എതിരാളികളെ കൊന്നുകളയാന്‍ കൊറോവായിക്കാര്‍ മടിക്കാറില്ല. എന്നാല്‍ ഇപ്പോള്‍ ഈ രീതികളെല്ലാം അസ്തമിച്ചിരിക്കുന്നു.” മീണ തന്റെ ഇന്‍സ്റ്റാഗ്രാം കുറിപ്പില്‍ വിശദമാക്കി.
‘കഠിനമായ ഒരു ചരിത്രം’ ഉണ്ടായിരുന്നിട്ടും, കൊറോവായ് ജനത തനിക്ക് വളരെ ഊഷ്മളമായ സ്വാഗതം നല്‍കിയെന്നും അദ്ദേഹം കൂട്ടിച്ചേര്‍ത്തു.
മനുഷ്യമാംസത്തിന്റെ രുചിയെന്താണെന്നും മീണ ഗോത്രവര്‍ഗ്ഗക്കാരോട് ചോദിച്ചു. ധാര്‍മ്മികവും നിയമപരവുമായ കാരണങ്ങളാല്‍ ഇതിന്റെ രുചി വ്യാപകമായി രേഖപ്പെടുത്തപ്പെടുന്നില്ലെന്ന് ട്രാവല്‍ വ്ലോഗര്‍ പറഞ്ഞു. ഈ സമയം അദ്ദേഹത്തിന് ഉത്തരം നല്‍കിയ കൊറോവായ് മനുഷ്യന്‍ തന്റെ പിതാവ് മനുഷ്യരെ ഭക്ഷിക്കാറുണ്ടെന്നും എന്നാല്‍ ഗോത്രം ഇപ്പോള്‍ അത് ചെയ്യുന്നില്ലെന്നും വ്യക്തമാക്കി.
‘എന്നിരുന്നാലും, നരവംശശാസ്ത്രജ്ഞരില്‍ നിന്നും നരഭോജി സംസ്‌കാരങ്ങള്‍ ഉള്‍പ്പെടുന്ന ചില ചരിത്ര സ്രോതസ്സുകളില്‍ നിന്നുമുള്ള അപൂര്‍വ അക്കൗണ്ടുകളില്‍, മനുഷ്യ മാംസം പന്നിയിറച്ചി അല്ലെങ്കില്‍ കിടാവിന്റെ മാംസത്തോട് സാമ്യമുള്ളതായി വിവരിച്ചിരിക്കുന്നു, ബീഫ് പോലുള്ള ഘടനയുണ്ട്,” മീന തന്റെ ഇന്‍സ്റ്റാഗ്രാം പോസ്റ്റില്‍ കുറിച്ചു. ആചാരത്തിന്റെ ഭാഗമായി കൊറോവായ് ആളുകള്‍ മനുഷ്യമാംസം ഭക്ഷിച്ചിരുന്നതായും എന്നാല്‍ 21-ാം നൂറ്റാണ്ടോടെ പുറം ലോകവുമായി കൂടുതല്‍ സമ്പര്‍ക്കം പുലര്‍ത്തിയതിനാല്‍ ഈ സമ്പ്രദായം മിക്കവാറും കൊറോവായ് ജനതയ്ക്കിടയില്‍ ഇല്ലാതായി എന്നാണ് നരവംശ ശാസ്ത്രജ്ഞര്‍ വ്യക്തമാക്കിയത്.
അതേസമയം നരഭോജനം ഇപ്പോഴും സജീവമായ ഒരു സമ്പ്രദായമാണെന്ന മിഥ്യാധാരണ നിലനിര്‍ത്താന്‍ കൊറോവായ് ആളുകള്‍ ഇപ്പോഴും ശ്രദ്ധിക്കാറുണ്ടെന്നും നരവംശ ശാസ്ത്രജ്ഞന്മാര്‍ പറയുന്നു. ഗോത്രം ഇപ്പോള്‍ വിനോദസഞ്ചാരത്തെ വ്യാപകമായി ആശ്രയിക്കുന്നുണ്ട്. അതിന് വേണ്ടി അവര്‍ക്ക് കൗതുകം ഉണ്ടാകാന്‍ വേണ്ടി ‘നരഭോജികള്‍’ എന്ന സ്റ്റാറ്റസ് ഗോത്രം തന്ത്രപരമായി ഉപയോഗിക്കുകയാണ് എന്നാണ് കേള്‍ക്കുന്നത്.
