60 കഴിഞ്ഞാല് മറവിരോഗത്തെ ഭയക്കുന്നവരാണ് ഇന്ന് അധികവും. പ്രായം കൂടുന്നതനുസരിച്ച് മറവിരോഗം പിടിപെടാനുള്ള സാധ്യതയും വര്ധിക്കുന്നു. എന്നാല് 60 കളില് മാത്രമല്ല 30 കള് മുതല് മറവിരോഗത്തിന്റെ ലക്ഷണങ്ങള് ചിലര്ക്ക് തുടങ്ങുമെന്ന് ഡോക്ടര്മാര് പറയുന്നു. യങ് ഓണ്സൈറ്റ് അല്ഹൈമേഴ്സ് എന്ന ഈ രോഗം ബാധിച്ച 30 നും 64 നും ഇടയില് പ്രായമുള്ള 39 ലക്ഷം പേര് ലോകത്ത് ആകെ ഉള്ളതായി കണക്കാക്കുന്നു. 30 കളില് ലക്ഷണങ്ങള് കണ്ട് തുടങ്ങുന്നത് അപൂര്വമാണെങ്കിലും 50-64 കാലഘട്ടത്തിലാണ് ഇത്തരം മറവിരോഗത്തിന്റെ ലക്ഷണം പ്രധാനമായും ശ്രദ്ധിക്കപ്പെടുക. സാധാരണ അല്ഷിമേഴ്സില് കാണുന്ന ആദ്യലക്ഷണമായ ഓര്മക്കുറവില് നിന്ന് വ്യത്യസ്തമായ ലക്ഷണങ്ങളാണ് യങ് ഓണ്സൈറ്റ് അല്ഷിമേഴ്സില് ഉണ്ടാകുന്നത്. ശ്രദ്ധക്കുറവ്, കൈകള് കൊണ്ടുള്ള ആംഗ്യങ്ങള് അനുകരിക്കാനുള്ള ശേഷിക്കുറവ്, ഇടത്തെ പറ്റിയുള്ള ധാരണക്കുറവ്, അമിതമായ ഉത്കണ്ഠ, വിഷാദം, പെരുമാറ്റത്തിലെ മാറ്റങ്ങള് തുടങ്ങിയവയാണ് ആ ലക്ഷണങ്ങള്. യങ് ഓണ്സൈറ്റ് അല്ഷിമേഴ്സ് തലച്ചോറില് വളരെ വേഗത്തിലുള്ള മാറ്റങ്ങള് ഉണ്ടാക്കുമെന്നും വൈകി മറവി രോഗം ബാധിക്കുന്നവരേക്കാള് ഇവര്ക്ക് രണ്ട് വര്ഷം ആയൂര്ദെര്ഘ്യം കുറവാണ് എന്നും പഠനങ്ങള് പറയുന്നു. വൈകി വരുന്ന അല്ഷിമേഴ്സ് ബാധിക്കുന്നത് പഠനവും ഓര്മക്കുറവുമായി ബന്ധപ്പെട്ട ഹിപ്പോക്യാംപസാണ്. എന്നാല് ചെറുപ്പക്കാര്ക്ക് ഉണ്ടാകുന്ന അല്ഷിമേഴ്സ് ബാധിക്കുന്നത് ഇന്ദ്രിയാനുഭൂതിയേയും ചലനത്തേയും സംബന്ധിക്കുന്ന തലച്ചോറിന്റെ ഭാഗങ്ങളെയാണ്. പച്ചക്കറികള്, ഉണക്കപ്പഴങ്ങള്, ചോക്കേയിറ്റ് എന്നിവ യങ് ഓണ്സൈറ്റ് അല്ഷിമേഴ്സിന്റെ സാധ്യത കുറയ്ക്കുമെന്ന് ചില പഠനങ്ങളും വ്യക്തമാക്കുന്നുണ്ട്.
Related Reading
കുടിയന്മാര്ക്ക് അല്പ്പം സന്തോഷിക്കാം.. മദ്യത്തിന്റെ ദൂഷ്യവശങ്ങള് കുറയ്ക്കാനുള്ള പ്രോട്ടീന് ജെല് കണ്ടെത്തി
മദ്യപാനത്തിന് സുരക്ഷിതമായ ഒരു അളവ് എന്നൊന്ന് ഇല്ല. അമിത മദ്യപാനം കരള് രോഗത്തിലേക്ക് നയിച്ചേക്കാം. ഇതിന് പുറമേ ഗ്യാസ്ട്രോഇന്റസ്റ്റൈനല് ട്രാക്ടിന്റെ നീര്ക്കെട്ടിലേക്കും അര്ബുദത്തിലേക്കും വരെ വഴിവെക്കും. ഈ രോഗത്തിന് പിടിയിലായി മരണപ്പെടുന്നവരുടെ എണ്ണവും കുറവല്ല. ഇപ്പോളിതാ മദ്യത്തിന്റെ ദൂഷ്യവശങ്ങളെ ലഘുകരിക്കുന്ന പ്രോട്ടീന് അധിഷ്ഠിത ജെല് കണ്ടെത്തിയിരിക്കുകയാണ് ഇടിഎച്ച് സൂറിച്ചിലുള്ള ഒരു കൂട്ടം ഗവേഷകര്. രക്തപ്രാവാഹത്തില് പ്രവേശിക്കുന്നതിന് മുന്പ് മദ്യത്തെ വളരെ വേഗം അസറ്റിക് ആസിഡായി മാറ്റാനായി സഹായിക്കുന്നതാണ് ജെല്. ഇത് എലികളില്വിജയകരമായി പരീക്ഷിച്ചതായി നേച്ചര് നാനോടെക്നോളജി ജേണലില് Read More…
പുരുഷനുമാത്രമല്ല, സ്ത്രീകള്ക്കും കരുത്തുപകരും കന്മദം
ആയുര്വേദ ആചാര്യന്മാര് നല്കുന്ന വിവരങ്ങള് അനുസരിച്ച് ലൈംഗിക ജീവിതം കരുത്തുള്ളതാകാന് സഹായിക്കുന്ന ഉത്തമ പ്രകൃതി ഔഷധമാണ് കന്മദം. ധാതുക്കളാണ് കൂടുതലായി കന്മദത്തിലടങ്ങിയിരിക്കുന്നത്. ഭാരത്തില് ഹിമാലയത്തിലെ മലഞ്ചെരിവുകളിലെ പാറകള്ക്കിടയിലൂടെ ഊറിവരുന്ന അവസ്ഥയിലാണ് കന്മദം ലഭിക്കുന്നത്. പശപശപ്പോടുകൂടിയ കന്മദം ചുവപ്പ്, കറുപ്പ്, ബ്രൗണ് എന്നീ നിറങ്ങളില് കാണപ്പെടുന്നു.നേപ്പാള്, പാക്കിസ്ഥാന്, ടിബറ്റ്, ചൈന എന്നിവിടങ്ങളിലെ പര്വതപ്രദേശങ്ങളില് നിന്നും കന്മദം ലഭിക്കുന്നുണ്ട്. നോര്വേയിലും ഇത് ലഭ്യമാണ്. കന്മദം ലഭിക്കുന്ന സ്ഥലങ്ങളിലുള്ള വ്യത്യാസമനുസരിച്ച് കന്മദത്തിന്റെ ഗുണങ്ങളിലും ചെറിയ വ്യത്യാസങ്ങളുണ്ടായിരിക്കും. കന്മദം ഊറിവരുന്ന പാറകളുടെ വ്യത്യാസമാണിതിന് Read More…
ഡെങ്കിപ്പനി ബാധിച്ചാൽ പ്ലേറ്റ്ലറ്റ് കുറയാം, രക്തത്തിലെ കൗണ്ട് എങ്ങനെ വര്ധിപ്പിക്കാം?
പ്ലേറ്റ് കൗണ്ട് കുറയുന്നതു മൂലം രോഗികളെ കുഴപ്പത്തിലാക്കുന്ന പനിയാണ് ഡെങ്കിപ്പനി. ആരോഗ്യമുള്ള ഒരു വ്യക്തിയുടെ പ്ലേറ്റ്ലറ്റ് കൗണ്ട് 1.5 ലക്ഷം മുതല് 4 ലക്ഷം വരെയായിരിക്കും. ഡെങ്കിപ്പനി ബാധിക്കുന്നത് പ്ലേറ്റ്ലറ്റ് കൗണ്ട് കുറാന് ഇടയാകും. രക്തം കട്ടപിടിക്കാന് സഹായിക്കുന്നത് പ്ലേറ്റ്ലറ്റുകളുടെ കൗണ്ട് കുറയുന്നത് രക്തസ്രാവത്തിലേക്ക് നയിക്കും. ആരോഗ്യ സങ്കീര്ണതകള് ഒഴിവാക്കാന് പ്ലേറ്റ്ലറ്റിന്റെ അളവ് നിരീക്ഷിക്കുകയും നിയന്ത്രിക്കുകയും ചെയ്യേണ്ടത് പ്രധാനമാണ്. രക്തം സ്വീകരിക്കുന്നതിലൂടെയാണ് വേഗത്തില് പ്ലേറ്റ്ലറ്റ് കൗണ്ട് വര്ധിപ്പിക്കുന്നത്. ഇതുകൂടാതെ പോഷകസമ്പുഷ്ടമായ ഭക്ഷണം കഴിക്കുന്നതിലൂടെയും പ്ലേറ്റ്ലറ്റുകളുടെ എണ്ണം വര്ധിപ്പിക്കാന് Read More…