നവജാതശിശു കറുത്തതായതിനെ തുടര്‍ന്ന് പ്രസവിച്ച മാതാവ് വിവാഹമോചനം നേരിടുന്നു. ചൈനീസ് യുവതിക്കാണ് തന്റെ ജീവിതത്തിലെ ഏറ്റവും സന്തോഷകരമായ ദിവസം ഒരു പേടിസ്വപ്നമായി മാറിയത്. കറുത്ത നിറമുള്ള കുഞ്ഞിന് ജന്മം നല്‍കിയ 30 കാരിയായ ഷാങ്ഹായ് യുവതിയുടെ വിചിത്രമായ അനുഭവം ചൈനീസ് പത്രമായ ചൈന ടൈംസ് റിപ്പോര്‍ട്ട് ചെയ്തു.
നിറത്തിന്റെ പേരില്‍ കുഞ്ഞിന്റെ പിതൃത്വ പരിശോധന നടത്താന്‍ ഭര്‍ത്താവ് ആവശ്യപ്പെട്ടിരിക്കുകയാണ്. തന്റെ സങ്കടകരമായ കഥ പറയാനും
ഈ സാഹചര്യം എങ്ങനെ കൈകാര്യം ചെയ്യണമെന്നറിയാന്‍ മറ്റ് അമ്മമാരോട് ഉപദേശം ചോദിക്കാനും യുവതി സോഷ്യല്‍ മീഡിയയില്‍ എത്തി.
കുഞ്ഞിനെ പ്രസവിച്ച ശേഷം, തന്റെ ഭര്‍ത്താവ് തന്റെ മകനെ ആദ്യമായി കാണേണ്ട സമയത്ത്, അയാള്‍ കലങ്ങിയ കണ്ണുകളോടെ കുഞ്ഞിനെ നോക്കി, പൊന്നോമനയെ കയ്യില്‍ വാങ്ങാന്‍ വിസമ്മതിച്ചു. കുഞ്ഞിന്റെ ഇരുണ്ട നിറം തനിക്കും അത്ഭുതമായന്നും കുഞ്ഞിനെ എടുക്കുമ്പോള്‍ നാണക്കേട് തോന്നിയതായും സ്ത്രീ സമ്മതിച്ചു
താന്‍ ഒരിക്കലും ആഫ്രിക്കയില്‍ പോയിട്ടില്ലെന്നും കറുത്തവരെ ആരെയും അറിയില്ലെന്നും അവര്‍ വ്യക്തമാക്കി. സ്ത്രീയുടെ ഭര്‍ത്താവ് കുഞ്ഞില്‍ സന്തോഷമോ താല്‍പ്പര്യമോ കാണിച്ചില്ലെന്ന് മാത്രമല്ല, കുട്ടി തന്റേതാണെന്ന് തെളിയിക്കാന്‍ പിതൃത്വ പരിശോധന നടത്താനും ആവശ്യപ്പെട്ടു. യുവതി സമ്മതിച്ചിരിക്കുകയാണ്. തന്റെ ഭര്‍ത്താവ് പിതൃത്വം തെളിയിക്കുമെന്ന് അറിഞ്ഞിട്ടും, ശിശുവിന്റെ ഇരുണ്ട ചര്‍മ്മ നിറം തികച്ചും സാധാരണമാണെന്ന് പലരും അവര്‍ക്ക് ഉറപ്പ് നല്‍കി.
നവജാതശിശുക്കളില്‍ ചര്‍മ്മകോശം നേര്‍ത്തതും രക്തചംക്രമണം മോശവുമായതിനാല്‍ ഈ പ്രതിഭാസം സ്വാഭാവികമായി സംഭവിക്കാമെന്നും പിന്നീട് കടും ചുവപ്പ് ചര്‍മ്മം ഒടുവില്‍ വെളുത്തതായി മാറുന്നത് വളരെ സാധാരണമാണെന്നും വിദഗ്ദര്‍ സ്ഥിരീകരിച്ചു. കാലക്രമേണ ചര്‍മ്മത്തിന്റെ നിറം മാറുമെന്നും പിതൃത്വ പരിശോധനകള്‍ പുറത്തുവന്നതിനുശേഷം അവരുടെ ബന്ധത്തെക്കുറിച്ച് അവനുമായി സംസാരിക്കാനും അവളെ ഉപദേശിച്ചു.
(ഓര്‍ക്കുക, നിറം , ശാരീരികമായ പ്രത്യേകതകള്‍ , ചെയ്യുന്ന തൊഴില്‍ ,ജാതി, മതം, ലിംഗപദവി എന്നിവയുടെയെല്ലാം പേരില്‍ മനുഷ്യരെ അധിക്ഷേപിക്കുന്നത് അങ്ങേയറ്റം മനുഷ്യത്വ വിരുദ്ധമാണ്)
