മാസ് സിനിമ രംഗങ്ങളെ വെല്ലുന്ന ഒരു ഗംഭീര ബര്‍ത്തഡേ സെലിബ്രേഷനുമായി ഗുണ്ടത്തലവന്‍. ഗുണ്ടയുടെയും അനുയായികളുടേയും ആഘോഷപരിപ്പാടി കണ്ടാല്‍ ഇത് ഏതോ സിനിമാ രംഗമാണെന്ന് ഒരുപക്ഷേ ആദ്യമൊന്ന് ചിന്തിച്ചേക്കാം . എന്നാല്‍ ഇത് ഗുണ്ടാത്തലവനായ ഏഴിലരസന്റെ ബര്‍ത്ത് ഡേ സെലിബ്രേഷനാണ്. ചെന്നൈ സെയ്താപേട്ടിലെ തിരക്കേറിയ റോഡില്‍ വടിവാളടക്കം പുറത്തെടുത്ത് അഭ്യാസ കാട്ടിയായിരുന്നു ഗുണ്ടാത്തലവന്റേയും അനുയായികളുടേയും ആഘോഷം.
ചിത്രത്തില്‍ കാണുന്നതുപോലെ ഫുള്‍ കോസ്റ്റിയൂമിലാണ് ഗുണ്ട. മാലയിട്ടത് ക്രെയിന്‍കൊണ്ട്. പിന്നാലെ ആഘോഷപൂര്‍വ്വം നിരവധി കാറുകളില്‍ ആരവം മുഴക്കി റോഡിലേക്ക്. യാത്രയ്ക്കിടെ അനുയായികള്‍ വടിവാള്‍ കൊണ്ട് റോഡില്‍ തീപ്പൊരി ചിതറിച്ചു. ബര്‍ത്തേഡേ ആഘോഷത്തില്‍ 50തില്‍ പരം ഗുണ്ടകള്‍ പങ്കെടുത്തതായിയാണ് വിവരം. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.നാട്ടുകാർ കടുത്ത ആശങ്കയിലാണ്.
