വീടിന്റെ മുന്‍പില്‍ ഉള്ള പൂന്തോട്ടം ആരുടേയും വീട്ടിലുള്ളവരുടേയും കാണുന്നവരുടേയും മനസിന് സന്തോഷമാണ് നല്‍കുന്നത്. മനസിന് സന്തോഷം നല്‍കുന്നതോടൊപ്പം തന്നെ ശരീരത്തിന് ആരോഗ്യപരമായ നിരവധി ഗുണങ്ങളും ഒരു പൂന്തോട്ടത്തിലൂടെ ലഭിയ്ക്കുന്നുണ്ട്. ഒരു പൂന്തോട്ടം നമുക്ക് തരുന്ന ആരോഗ്യപരമായ മാറ്റങ്ങള്‍ എന്തൊക്കെയാണെന്ന് നോക്കാം…
പ്രകൃതിയുമായി ഇണങ്ങി ചേരുന്നു – പ്രകൃതിയുമായി ഇണങ്ങി ചേരാന്‍ ലഭിക്കുന്ന ഏറ്റവും നല്ല അവസരമാണ് പൂന്തോട്ടം ഒരുക്കുന്നതിലൂടേയും അതുപോലെ കൃഷി ചെയ്യുന്നതിലൂടേയും ലഭിക്കുന്നത്. ഇത്തരത്തില്‍ വെയിലും കൊണ്ട്. അതുപോലെ മണ്ണും സ്പര്‍ശിച്ച് നമ്മള്‍ പണി എടുക്കുമ്പോള്‍ ഇത് നമ്മളുടെ രക്തയോട്ടം വര്‍ദ്ധിപ്പിക്കാന്‍ സഹായിക്കുന്നുണ്ട്. അതുപോലെ തന്നെ എല്ലുകളുടെ ആരോഗ്യം സംരക്ഷിക്കുന്നുണ്ട്. അതുപോലെ തന്നെ, വിറ്റമിന്‍ ഡി ശരീരത്തില്‍ എത്താന്‍ ഇത് സഹായിക്കുന്നുണ്ട്.
സ്ട്രെസ്സ് കുറയ്ക്കുന്നു – പൂക്കള്‍ നട്ട് പിടിപ്പിക്കുമ്പോള്‍ ഒട്ടനവധി സമയമാണ് നിങ്ങള്‍ പൂന്തോട്ടത്തില്‍ ചിലവഴിക്കുന്നത്. അതുപോലെ ചെടികളെ പരിപാലിക്കുന്നു. അവയുടെ കേടുപാടുകള്‍ പരിശോധിക്കുന്നു. അവയ്ക്ക് വേണ്ട വളങ്ങള്‍ തയ്യാറാക്കുകയും, വെള്ളം നനച്ച് വളര്‍ത്തിയെടുക്കുകയും ചെയ്യുന്നതിലൂടെ നമ്മള്‍ മാനസികമായി ആ പ്രവര്‍ത്തിയില്‍ വളരെയധികം മുഴുകി ഇരിക്കുന്നുണ്ട്. ഇത് നിങ്ങളെ സ്ട്രെസ്സ് ലെവല്‍ കുറയ്ക്കാന്‍ സഹായിക്കുന്നു. നിങ്ങളുടെ മൂഡ് മാറ്റാനും അമിതമായിട്ടുള്ള ഉത്കണ്ഠ പ്രശ്നങ്ങള്‍ കുറയ്ക്കാനും ഇത് സഹായിക്കുന്നു. അതുപോലെ തന്നെ വിളവെടുപ്പ് നടത്തുന്നതും ദിവസത്തില്‍ ഒരു നേരമെങ്കിലും പൂന്തോട്ടത്തില്‍ നടക്കുന്നത് മാനസിക സമാധാനം ലഭിക്കുന്നതിന് നിങ്ങളെ സഹായിക്കുന്നു. സ്ട്രെസ്സ് കുറയ്ക്കാന്‍ സാധിക്കുന്നതിനാല്‍ തന്നെ നല്ല ഉറക്കം ലഭിക്കാനും ഇത് നിങ്ങളെ സഹായിക്കുന്നു. ഇത് നിരവധി അസുഖങ്ങളെ അകറ്റാന്‍ നിങ്ങളെ സഹായിക്കുന്നതാണ്.
വ്യായാമം – വീട്ടിലെ കൃഷിയിടത്തിലും പൂന്തോട്ടത്തിലും നിങ്ങള്‍ സമയം ചിലവഴിക്കുന്നത് സത്യത്തില്‍ ശരീരത്തിന് ഒരു തരത്തില്‍ വ്യായാമം ലഭിക്കുന്നതിന് തുല്യമാണ്. ചെടികള്‍ നടാന്‍ കുഴി കുഴിക്കണം. പൂന്തോട്ടത്തിലേയും കൃഷിയിടത്തിലേയും പുല്ലുകള്‍ നീക്കം ചെയ്യണം. ചപ്പുചവറുകള്‍ നീക്കം ചെയ്യണം. അതുപോലെ തന്നെ, നിരവധി സമയം ഇതിനായി ചിലവഴിക്കേണ്ടതായി വരുന്നു. അതുപോലെ തന്നെ, പച്ചക്കറി നട്ടിട്ടുണ്ടെങ്കില്‍ അതിന്റെ വിളപ്പെടുപ്പ് നടത്താനും പരിപാലിക്കാനും നമ്മള്‍ സമയം എടുക്കുന്നു. ഇതെല്ലാം തന്നെ ഒരുതരത്തില്‍ വ്യായാമം ചെയ്യുന്ന ഗുണം നമ്മളുടെ ശരീരത്തിന് നല്‍കുന്നുണ്ട്.
