നടി അദിതി റാവു ഹൈദരിക്ക് ജന്മദിനാശംസകള്‍ നേര്‍ന്ന് നടന്‍ സിദ്ധാര്‍ത്ഥ്. ‘കാട്രു വെളിയിടൈ’, ‘ചെക്ക ചിവന്ത വാനം’, ‘ഹേയ് സിനാമിക’ തുടങ്ങിയ ചിത്രങ്ങളിലൂടെ ശ്രദ്ധേയയായ അദിതി റാവു ഹൈദരി ഇന്ന് 37-ാം ജന്മദിനം ആഘോഷിക്കുകയാണ്. സിനിമാ താരങ്ങളും ആരാധകരും അദിതിക്ക് ജന്മദിനാശംസകള്‍ നേര്‍ന്നിട്ടുണ്ട്. എന്നാല്‍ കാമുകന്‍ സിദ്ധാര്‍ത്ഥിന്റെ ജന്മദിനാശംസയാണ് കൂടുതല്‍ വ്യത്യസ്തമായിരിക്കുന്നത്.
നടന്‍ അദിതിക്കൊപ്പമുള്ള ഒരു ചിത്രം പങ്കിടുകയും ‘ഹാപ്പി ബര്‍ത്ത്‌ഡേ പാര്‍ട്ണര്‍!’ എന്ന് തന്റെ ഇന്‍സ്റ്റാഗ്രാം പേജില്‍ ഒരു കുറിപ്പും അതിനൊപ്പം ഇംഗ്ലീഷില്‍ ഒരു കവിതയും എഴുതിയിട്ടുണ്ട്. ഇതിന് അദിതി മറുപടി പറഞ്ഞു, ‘അതെ, ഞാന്‍ അത് കണ്ടിട്ട് വളരെക്കാലമായി. നീ ഒരു കവിയാണെന്ന് എനിക്കറിയില്ലായിരുന്നു. നിങ്ങള്‍ ഒരു പ്രതിഭയാണെന്ന കാര്യം എനിക്ക് അറിയാമായിരുന്നിരിക്കണം.” ഈ പോസ്റ്റ് ഇപ്പോള്‍ ഇന്റര്‍നെറ്റില്‍ വൈറലായിക്കൊണ്ടിരിക്കുകയാണ്.
‘മഹാ സമുദ്രം’ എന്ന തെലുങ്ക് ചിത്രത്തില്‍ സിദ്ധാര്‍ത്ഥും അദിതി റാവു ഹൈദരിയും ഒരുമിച്ച് പ്രവര്‍ത്തിച്ചിരുന്നു. അന്നുമുതല്‍ ഇരുവരും പ്രണയത്തിലാണെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. ഇപ്പോഴിതാ സിദ്ധാര്‍ത്ഥിന്റെ പോസ്റ്റിന് പിന്നാലെ ഇത്തരം കമന്റുകള്‍ വീണ്ടും സോഷ്യല്‍മീഡിയയില്‍ ചര്‍ച്ചയാവുകയാണ്.
