ഒരു സിനിമയില്‍ നിന്നുണ്ടായ മോശമായ അനുഭവത്തെ തുടര്‍ന്നാണ് താന്‍ സിനിമാ അഭിനയം തന്നെ ഉപേക്ഷിച്ചതെന്ന് തമിഴ്‌നടി വിചിത്ര. 2000 ല്‍ സിനിമാ ഉപേക്ഷിച്ച നടി ബിഗ് ബോസ് തമിഴ് സീസണ്‍ 7-ലെ മത്സരാര്‍ത്ഥിയാണ്. കേരളത്തിലെ മലമ്പുഴയില്‍ ഒരു സിനിമയുടെ സെറ്റില്‍ വച്ചുണ്ടായ ലൈംഗികാതിക്രമ സംഭവമാണ് സിനിമയില്‍ നിന്ന് പിന്മാറാന്‍ കാരണമെന്ന് ഇവര്‍ പറഞ്ഞു. ബിഗ്‌ബോസ് വീട്ടില്‍വെച്ചാണ് തന്റെ ജീവിതം മാറ്റിമറിച്ച വിചിത്രമായ ജീവിതത്തെക്കുറിച്ച് നടി പറഞ്ഞത്.
മരിച്ചുപോയ ഒരു നടന്റെ അഭ്യര്‍ത്ഥന മാനിച്ച് ഒരു തെലുങ്ക് സിനിമയുമായി മലമ്പുഴയില്‍ അഭിനയിക്കാന്‍ വന്നു. അവിടെ വച്ചാണ് തന്റെ ഭര്‍ത്താവിനെയും ആദ്യമായി കണ്ടത്. താന്‍ താമസിക്കുന്ന ഹോട്ടലില്‍ അദ്ദേഹം ജോലി ചെയ്യുകയായിരുന്നു. സിനിമയില്‍ കാസ്റ്റിംഗ് കൗച്ചിംഗ് ഉണ്ടെങ്കിലും ആ സിനിമയുടെ സെറ്റിലാണ് ആദ്യമായി അനുഭവിച്ചതെന്ന് നടി പറഞ്ഞു. തന്റെ ജീവിതത്തിലെ ഉണങ്ങാത്ത മുറിവ് ആ സെറ്റില്‍ വെച്ചുണ്ടായ സംഭവമാണെന്നും നടി പറഞ്ഞു.
ഹോട്ടലിന് ത്രീ സ്റ്റാര്‍ പദവി ലഭിച്ചതിനാല്‍ മാനേജ്മെന്റ് പാര്‍ട്ടി നടത്തി. പരിപാടിയില്‍ പങ്കെടുക്കാന്‍ വിചിത്രയെ മാനേജര്‍ (ഇപ്പോള്‍ അവരുടെ ഭര്‍ത്താവ് ) ക്ഷണിച്ചു. അവിടെ വെച്ചാണ് സിനിമയിലെ നായകനെ ആദ്യം കണ്ടത്. നിങ്ങള്‍ ഈ സിനിമയില്‍ അഭിനയിക്കുന്നുണ്ടോ എന്ന് അയാള്‍ ചോദിച്ചു. ഉണ്ടെന്ന് അറിയിച്ചപ്പോള്‍ എന്നാല്‍ തന്റെ മുറിയിലേക്ക് വരാന്‍ അയാള്‍ പറഞ്ഞു. എന്റെ പേരോ ഞാന്‍ ആരാണെന്നോ ചോദിക്കാന്‍ പോലും കൂട്ടാക്കാതെയാണ് അയാള്‍ അത് പറഞ്ഞത് കേട്ട് ഞെട്ടിപ്പോയി. അന്ന് രാത്രി താന്‍ തന്റെ മുറിയില്‍ തന്നെ പോയി കിടന്നു.
അടുത്ത ദിവസം മുതല്‍ വിചിത്രയ്ക്ക് പ്രശ്നമായി. ”ഷോട്ട് കൃത്യസമയത്ത് നടന്നില്ല, സെറ്റില്‍ ഒരുപാട് പ്രശ്നങ്ങള്‍ ഉണ്ടായി. ആറ് കഴിഞ്ഞപ്പോള്‍ എല്ലാവരും മദ്യപിച്ച് എന്റെ കതകില്‍ മുട്ടാന്‍ തുടങ്ങി. ഒന്നും കണക്ട് ചെയ്യരുതെന്ന് ഞാന്‍ റിസപ്ഷനില്‍ പറഞ്ഞു. അവിടെ വിളിച്ച് എന്നെ വെറുതെ വിടൂ. എന്റെ ജോലി ചെയ്ത് പോകാന്‍ ഞാന്‍ ആഗ്രഹിച്ചു. പക്ഷേ അത് നടന്നില്ല. പ്രശ്നങ്ങള്‍ വളര്‍ന്നു കൊണ്ടേയിരുന്നു.’ അപ്പോഴാണ് ഹോട്ടല്‍ മാനേജര്‍ ഇടപെട്ട് വിചിത്രയെ സഹായിച്ചത്. ‘അദ്ദേഹം അന്ന് ഒരു സുഹൃത്ത് പോലുമായിരുന്നില്ല. പക്ഷേ എന്താണ് സംഭവിക്കുന്നതെന്ന് അയാള്‍ക്ക് അറിയാമായിരുന്നു. താന്‍ എന്തു സഹായമാണ് ചെയ്തു തരേണ്ടതെന്ന് അയാള്‍ ചോദിച്ചു. താന്‍ എവിടെയാണെന്ന് ആരും അറിയരുത്. റൂം മാറ്റണമെന്ന് അയാളോട് പറഞ്ഞു. അതിനാല്‍ ഷെഡ്യൂളിലുടനീളം അയാള്‍ അത് ചെയ്തു കൊടുത്തു. തന്നെ വ്യത്യസ്ത മുറികളിലേക്ക് മാറ്റി. അപ്പോഴും മുറിയുടെ വാതിലില്‍ മുട്ട് കേട്ടുകൊണ്ടിരുന്നു. അത് വെറുമൊരു വ്യക്തിയല്ല. ഒന്നിലധികം ആളുകള്‍ ഉണ്ടാകും. എനിക്ക് എന്നോട് തന്നെ മോശം തോന്നി. ഇത് മറ്റുള്ളവരെ കൂടുതല്‍ പ്രകോപിതരാക്കി.
എന്നെ ഒരു പാഠം പഠിപ്പിക്കാന്‍ വേണ്ടി അടുത്ത ദിവസം, ഒരു ഗ്രാമത്തില്‍ കലാപ രംഗം ഉള്‍പ്പെട്ട ചിത്രീകരണത്തിനിടെ, വിചിത്രയെ മോശമായി ആള്‍ക്കാര്‍ സ്പര്‍ശിക്കാന്‍ തുടങ്ങി. മൂന്ന് തവണ ഇത് സംഭവിച്ചപ്പോള്‍, അവള്‍ ആ വ്യക്തിയെ പിടികൂടി, പരാതിപ്പെടാന്‍ സ്റ്റണ്ട് മാസ്റ്ററുടെ അടുത്തേക്ക് വലിച്ചിഴച്ചു. എന്നാല്‍ സ്റ്റണ്ട് മാസ്റ്റര്‍ തന്റെ കൈ തട്ടിമാറ്റി തന്നെ അടിച്ചു. സ്തംഭിച്ചുപോയി. ആരെങ്കിലും സഹായത്തിന് വരുമോയെന്ന് ചുറ്റും നോക്കി. എന്നാല്‍ ആരും വന്നില്ല. അതോടെ താന്‍ സെറ്റില്‍ നിന്ന് ഇറങ്ങി. ഭയവും ദേഷ്യവും നാണക്കേടും നിറഞ്ഞു.
.’ചെന്നൈയിലെ അഭിനേതാക്കളുടെ സംഘടനയുമായി ബന്ധപ്പെട്ടു. സെറ്റില്‍ നിന്ന് മടങ്ങാനും പരാതി എഴുതാനും അവരോട് ആവശ്യപ്പെട്ടു. എന്നിട്ടും അക്രമികള്‍ക്ക് ഒന്നും സംഭവിച്ചില്ല. ‘ആരും സഹായിക്കാന്‍ വന്നില്ല. ബലാത്സംഗത്തിന്റെ പരിധിയിലേക്ക് പോകേണ്ടതില്ലെന്നും മര്‍ദ്ദനത്തിന് പോലീസില്‍ പരാതി നല്‍കാനും ആവശ്യപ്പെട്ടു. ഒന്നും സംഭവിച്ചില്ല. ഇനി തനിക്ക് അഭിനയിക്കാന്‍ കഴിയുമോ എന്നും എന്റെ കുടുംബം നിലനില്‍ക്കുമോ എന്നും വിഷമിച്ചു. എന്തിനാണ് ഈ സിനിമാ ഫീല്‍ഡ്? സഹായിക്കാന്‍ ഒരാള്‍ പോലും വന്നില്ല. അതൊക്കെ ഒരു സാധാരണ സംഭവം പോലെ മറന്ന് ജോലിയില്‍ പ്രവേശിക്കാന്‍ സംഘത്തിന്റെ പ്രസിഡന്റ് എന്നോട് പറഞ്ഞു. എന്നാല്‍ തനിക്ക് അത് ഇന്നേവരെ കഴിയാത്ത കാര്യമാണെന്നും നടി പറഞ്ഞു.
അന്വേഷണത്തില്‍ തന്നെ സഹായിച്ചത് തന്റെ ഭര്‍ത്താവ് ( ഹോട്ടല്‍ മാനേജര്‍) ആയിരുന്നു. ഇതിനെയാണ് നിങ്ങള്‍ ജോലി എന്ന് വിളിക്കുന്നതെന്ന് അയാള്‍ ചോദിച്ചു. ഒരു സ്ഥലത്ത് നിങ്ങള്‍ക്ക് മാന്യത കിട്ടുന്നില്ലെങ്കില്‍ എന്തിനാണ് അവിടെ തുടരുന്നതെന്ന് അയാള്‍ ചോദിച്ചു. അത് എനിക്ക് വലിയൊരു അടിയായിരുന്നു.സിനിമാ വ്യവസായം എന്റെ കുടുംബമാണെന്ന് ഞാന്‍ കരുതി. എന്നാല്‍ അതല്ലെന്ന് മനസ്സിലായതോടെ തന്റെ കുടുംബത്തെ കണ്ടെത്തണം എന്ന് തോന്നിയപ്പോഴാണ് സിനിമയില്‍ നിന്ന് പിന്മാറിയത്. ഈ സമയത്ത് എന്റെ ഭര്‍ത്താവ് എന്നെ വിവാഹം കഴിക്കാന്‍ ആഗ്രഹിച്ചു. അയാള്‍ എനിക്ക് മാന്യമായ ജീവിതവും മൂന്ന് ആണ്‍മക്കളെയും നല്‍കി. ഏത് കുറ്റകൃത്യവും സ്ത്രീകളോട് ചോദിക്കുന്നതിനാല്‍ അത് ഉടനടി പരിഹരിക്കേണ്ടതുണ്ടെന്ന് പറഞ്ഞുകൊണ്ടാണ് വിചിത്ര അവസാനിപ്പിച്ചത്.
