എത്ര ശ്രമിച്ചാലും വിവാഹമൊക്കെ അതിന്റേതായ സമയമാകുമ്പോഴേ നടക്കൂ എന്നാണ് പഴമക്കാരുടെ ചൊല്ല്. ഇത് ശരിയാണോ എന്നറിയില്ലെങ്കിലും ജീവിതകാലം മുഴുവന് അവിവാഹിതനായിരുന്ന ഏകാന്തനായ ബ്രിട്ടീഷുകാരന് നാല്പ്പത്തിയൊന്പതാം വയസ്സില് വിവാഹം കഴിക്കാനൊരുങ്ങുകയാണ്. അതും യുദ്ധം തകര്ത്ത ഉക്രെയിനില് നിന്നും പലായനം ചെയ്ത യുവതിയെ. അപ്രതീക്ഷിത പ്രണയത്തിന് ശേഷം 49 കാരനായ ബ്രിട്ടീഷുകാരന് ഗൈ വില്സണ് 34 കാരിയായ ഉക്രെയിന് വനിത കരീന കുലിക്കിനെ ചൊവ്വാഴ്ച വിവാഹം കഴിച്ചതോടെ.
കഴിഞ്ഞ ജനുവരിയില് വില്സണ് ജന്മനാട്ടില് സന്നദ്ധസേവനം നടത്തുന്നതിനിടെയാണ് ഇരുവരും കണ്ടുമുട്ടിയത്. 34 കാരിയായ മിസ് കുലിക്ക്, ഇപ്പോള് ഏഴ് വയസ്സുള്ള മകന് സെറാഫിമിനൊപ്പം യുദ്ധത്തില് തകര്ന്ന രാജ്യത്ത് നിന്ന് രക്ഷപ്പെടാന് യുകെയിലാണ്. ജീവിതകാലം മുഴുവന് ഒരാളെ കണ്ടെത്താന് പാടുപെടുകയായിരുന്ന വില്സണ് ജീവിതത്തില് തനിക്ക് ഒരു പങ്കാളി ഉണ്ടാകില്ലെന്ന് ഉറപ്പിച്ചിരുന്നിടത്താണ് സുന്ദരിയായ കുലിക്ക് അയാളുടെ ജീവിതത്തിലേക്ക് അപ്രതീക്ഷിതമായി കയറി വന്നത്.
2022 ഫെബ്രുവരിയില് റഷ്യ ഉക്രെയ്ന് ആക്രമിച്ചതിനെത്തുടര്ന്ന് ഉക്രെയ്നിലെ ഡൊനെറ്റ്സ്കിനടുത്തുള്ള മെഷോവയില് നിന്നുള്ള മിസ് കുലിക്ക് തന്റെ നാട്ടിലെ ജീവിതം ഉപേക്ഷിക്കാന് നിര്ബന്ധിതയാകുകയായിരുന്നു. തന്റെ വീട് വിട്ട ശേഷം, മിസ് കുലിക്ക് അവസാനമായി ഒരേയൊരു മാര്ഗ്ഗം ദയയുള്ള ഒരു അപരിചിതനുമായി പ്രണയത്തിലാകുക എന്നതായിരുന്നു. തന്റെ കുടുംബത്തിലെ പലര്ക്കും ഉക്രെയ്നില് താമസിക്കേണ്ടി വന്നിട്ടുണ്ടെന്നും എല്ലാ ദിവസവും ഷെല്ലുകള് തീയിടുന്നത് കേള്ക്കുന്നുണ്ടെന്നും അവര് പറഞ്ഞു.
യുകെയില് മകനും ഒരു സ്യൂട്ട്യെ്സുമായിട്ടാണ് വന്നത്. ബാക്കിയെല്ലാം ഉപേക്ഷിക്കേണ്ടി വന്നു. ഫോറസ്റ്റ് ഓഫ് ഡീനിലെ സെന്റ് ബ്രിയവെല്സ് ഉക്രേനിയന് സപ്പോര്ട്ട് ഹബ്ബില് സന്നദ്ധസേവനം നടത്തുന്നതിനിടെയാണ് വില്സണ് മിസ് കുലിക്കിനെ കണ്ടുമുട്ടിയത്. ചെപ്സ്റ്റോ റോട്ടറി ക്ലബിലെ അംഗമായ അദ്ദേഹം, ഊഷ്മളമായ വസ്ത്രങ്ങളും സാമ്പത്തിക സഹായവും നല്കി, പ്രദേശത്തേക്ക് മാറിയ പുതിയ കുടുംബങ്ങള്ക്ക് ലിഫ്റ്റുകള് വാഗ്ദാനം ചെയ്തുകൊണ്ട് ചാരിറ്റിയെ പിന്തുണച്ചു.
മറ്റൊരു സന്നദ്ധപ്രവര്ത്തകനാണ് മിസ് കുലിക്കിനെ ഒരു ദിവസത്തെ യാത്രയ്ക്കായി ലിഫ്റ്റ് നല്കാന് വില്സനോട് ആവശ്യപ്പെട്ടത്. ആ യാത്ര ഇരുവരേയും ഒന്നിപ്പിച്ചു. ഒരുമിച്ച് കൂടുതല് സമയം ചെലവഴിക്കാന് തുടങ്ങിയപ്പോള് സൗഹൃദം റൊമാന്റിക് ആയി വളരാന് തുടങ്ങി. നീണ്ട ഡേറ്റിംഗിന് ശേഷം ഈ ബന്ധം മികച്ച രീതിയില് രൂപാന്തരപ്പെട്ടു. കരീനയെ വിവാഹം കഴിക്കാന് ഗൂഗിള് വിവര്ത്തനം ഉപയോഗിച്ച് കുലിക്കിന്റെ പിതാവിന് വില്സണ് കത്തയച്ചു. ചെപ്സ്റ്റോവില് നടന്ന വിവാഹത്തിന് വെറും 40 അതിഥികള് മാത്രം പങ്കെടുത്ത ഒരു ചെറിയ ചടങ്ങായിരുന്നു. യുദ്ധം കാരണം കുലിക്കിന്റെ കുടുംബത്തിന് വിവാഹത്തില് പങ്കെടുക്കാന് കഴിഞ്ഞില്ല.