ടി20യില്‍ ഇന്ത്യക്കായി വമ്പന്‍ റെക്കോര്‍ഡിന്റെ വക്കിലാണ് അര്‍ഷ്ദീപ് സിംഗ്. ഒരു കലണ്ടര്‍ വര്‍ഷത്തില്‍ പുരുഷ ടി20യില്‍ ഏറ്റവും കൂടുതല്‍ വിക്കറ്റ് വീഴ്ത്തിയ ഇന്ത്യന്‍ ബൗളര്‍ എന്ന റെക്കോര്‍ഡ് ഇടംകൈയ്യന്‍ ഫാസ്റ്റ് ബൗളര്‍ക്ക് ലഭിക്കും. ഈ വര്‍ഷം 14 മത്സരങ്ങളില്‍ നിന്ന്, 7.14 എന്ന എക്കോണമി റേറ്റില്‍ 28 വിക്കറ്റുകളാണ് അര്‍ഷ്ദീപ് നേടിയത്.
ഈ വര്‍ഷമാദ്യം ടീ20 ലോകകപ്പില്‍ അമേരിക്കയ്ക്കെതിരെ 4-0-9-4 എന്ന തന്റെ മികച്ച കണക്കുകളോടെയാണ് അര്‍ഷദീപ് തുടങ്ങിയത്. 32 മത്സരങ്ങളില്‍ നിന്ന് 6.98 എന്ന എക്കോണമി റേറ്റില്‍ 37 വിക്കറ്റ് വീഴ്ത്തിയ ഭുവനേശ്വര്‍ കുമാറിന്റെ പേരിലാണ് നിലവില്‍ റെക്കോര്‍ഡ്. 21 കളികളില്‍ നിന്ന് 8.17 എന്ന എക്കോണമി റേറ്റില്‍ 33 വിക്കറ്റ് വീഴ്ത്തിയ അര്‍ഷ്ദീപ് പട്ടികയില്‍ രണ്ടാമതാണ്.
ദക്ഷിണാഫ്രിക്കയ്ക്കെതിരായ ഇന്ത്യയുടെ വരാനിരിക്കുന്ന മൂന്ന് മത്സര ടി20 ഐ പരമ്പരയില്‍ ഭുവനേശ്വറിന്റെ റെക്കോര്‍ഡ് മറികടക്കാന്‍ സ്പീഡ്സ്റ്ററിന് അവസരമുണ്ട്. ആറ് ടി 20ഇന്റര്‍നാഷണലുകളില്‍, 2022 സെപ്റ്റംബറില്‍ തിരുവനന്തപുരത്തെ ഗ്രീന്‍ഫീല്‍ഡ് സ്റ്റേഡിയത്തില്‍ വെച്ച് 4-0-32-3 എന്ന തന്റെ മികച്ച കണക്കുകളോടെ 18.30 ശരാശരിയില്‍ 10 വിക്കറ്റുകള്‍ അര്‍ഷ്ദീപ് നേടിയിട്ടുണ്ട്.
പുരുഷ ടി20യില്‍ ഏറ്റവും കൂടുതല്‍ വിക്കറ്റ് വീഴ്ത്തിയ ഇന്ത്യന്‍ താരങ്ങളുടെ പട്ടികയില്‍ നിലവില്‍ നാലാമതാണ് അര്‍ഷ്ദീപ്. 56 മത്സരങ്ങളില്‍ നിന്ന് 8.28 എന്ന എക്കോണമി റേറ്റില്‍ 87 വിക്കറ്റുകളും രണ്ട് നാല് വിക്കറ്റ് നേട്ടങ്ങളും അദ്ദേഹം നേടിയിട്ടുണ്ട്. പരമ്പരയില്‍ പത്തോ അതിലധികമോ സ്‌കോളുകള്‍ നേടിയാല്‍, പുരുഷ ടി20യില്‍ ഇന്ത്യയുടെ മുന്‍നിര വിക്കറ്റ് വേട്ടക്കാരനാകും.
