ഭൂമിയില്‍ ഒരു വലിയ ലോകമഹായുദ്ധം നടക്കുമ്പോള്‍, ബഹിരാകാശയാത്രികര്‍ക്ക് ഒരു പ്രത്യേക ദൗത്യം നല്‍കിയാല്‍ എങ്ങിനെയിരിക്കും? ഈ കഥയാണ് സയന്‍സ് ഫിക്ഷന്‍ ത്രില്ലര്‍ ‘ഐഎസ്എസ് ‘ പറയുന്നത്. അടുത്ത ജനുവരി 19 ന് തീയറ്ററില്‍ എത്തുന്ന സിനിമ പറയുന്നത് ഭൂമിയിലെ യുദ്ധം ബഹിരാകാശത്ത് എന്തു സംഭവിക്കുന്നു എന്നതിനെ കുറിച്ചാണ്. ഓസ്‌കാര്‍ ജേതാവ് അരിയാന ഡിബോസ് ഒരു പുതിയ വേഷത്തില്‍ എത്തുന്ന സിനിമ ബഹിരാകാശ നിലയത്തിന്റെ നിയന്ത്രണം ഏറ്റെടുക്കാന്‍ പോകുന്ന അമേരിക്കന്‍ ബഹിരാകാശ യാത്രികരുടെ കഥ പറയുന്നു.
അന്താരാഷ്ട്ര ബഹിരാകാശ നിലയത്തില്‍ നടക്കുന്ന കഥ പറയുന്നു സിനിമയില്‍ നടി ക്രിസ് മെസീനയ്ക്കും ജോണ്‍ ഗല്ലഗര്‍ ജൂനിയറിനും ഒപ്പം ഒരു അമേരിക്കന്‍ ബഹിരാകാശ സഞ്ചാരിയെ നടി അവതരിപ്പിക്കുന്നു. .അവര്‍ റഷ്യന്‍ ബഹിരാകാശയാത്രികരുമായി അവരുടെ ക്വാര്‍ട്ടേഴ്‌സ് പങ്കിടുന്നു, മാഷ മഷ്‌കോവ, പിലോ അസ്‌ബെക്ക്, കോസ്റ്റ റോണിന്‍ എന്നിവരാണ് റഷ്യന്‍ ബഹിരാകാശ യാത്രികരാകുന്നത്. ദൈനംദിന പ്രവര്‍ത്തനങ്ങളും ജോലികളും നിര്‍വ്വഹിച്ചുകൊണ്ട് സംഘം സുഹൃത്തുക്കളായി. എന്നാല്‍ അപ്രതീക്ഷിത സംഭവങ്ങളുടെ ഒരു പരമ്പര ഭൂമിയില്‍ സംഭവിക്കുമ്പോള്‍, കാര്യങ്ങള്‍ സ്വന്തം കൈകളിലേക്ക് എടുക്കാന്‍ അവര്‍ നിര്‍ബന്ധിതരാകുന്നു.
ഈ സിനിമ ഉള്‍പ്പെടെ അനേകം സിനിമകളുടെ ഭാഗമായിരിക്കുന്ന അരിയാന തിരക്കിലാണ്. സാമുവല്‍ എല്‍. ജാക്സണ്‍, ദുവാ ലിപ, ബ്രൈസ് ഡാലസ് ഹോവാര്‍ഡ്, ഹെന്റി കാവില്‍ എന്നിവര്‍ക്കൊപ്പം അഭിനയിക്കുന്ന ചാരക്കഥ പറയുന്ന ‘ആര്‍ഗില്‍’ എന്ന ചിത്രത്തിലെ താരനിരയുടെ ഭാഗമാണ് അരിയാന. ‘ബാര്‍ബി’യിലെ അഭിനയത്തിന് ശേഷം ദുവാ ലിപയുടെ രണ്ടാമത്തെ സിനിമയായ ആര്‍ഗില്‍ 2024 ഫെബ്രുവരി 2 ന് പുറത്തിറങ്ങും. ബാര്‍ബി ഫെരേരയ്ക്കൊപ്പം അഭിനയിക്കുന്ന ‘ഹൗസ് ഓഫ് സ്പോയില്‍സ്’, സോണി സൂപ്പര്‍ഹീറോ ചിത്രം ‘ക്രാവന്‍ ദി ഹണ്ടര്‍’, ‘മൈ എക്സ്-ഫ്രണ്ട്‌സ് വെഡ്ഡിംഗ്’, അമന്‍ഡ സെയ്‌ഫ്രൈഡ്, ക്ലോ ഫൈന്‍മാന്‍ എന്നിവരോടൊപ്പം അഭിനയിച്ച കോമഡിയും അരിയാന പങ്കെടുക്കുന്ന മറ്റ് പ്രോജക്റ്റുകളില്‍ ഉള്‍പ്പെടുന്നു.
