ക്രിക്കറ്റ്ഫീല്‍ഡില്‍ ഏറ്റവും അഗ്രസ്സീവായ നായകനായിട്ടാണ് വിരാട്‌കോഹ്ലിയെ നാം കാണാറുള്ളത്. എന്നാല്‍ താരം വീട്ടില്‍ ഇങ്ങിനെയാണോ? വീട്ടില്‍ തികച്ചും വ്യത്യസ്തനായ ഒരു വ്യക്തിയാണ് അദ്ദേഹമെന്നും ശാന്തവും സ്‌നേഹവും സൗമ്യതയുമുള്ള ഒരു നല്ല വ്യക്തിത്വത്തിന് ഉടമയാണ് അദ്ദേഹമെന്ന് ഭാര്യയും ബോളിവുഡ് നടിയുമായ അനുഷ്‌ക്കാ ശര്‍മ്മ പറയുന്നു.
തങ്ങളുടെ ബന്ധം എത്രമാത്രം മധുരവും അടുത്തതുമാണെന്ന് അടുത്തിടെ അനുഷ്‌ക്ക തന്നെ വ്യക്തമാക്കി. ഫിലിംഫെയറുമായുള്ള ഹൃദയസ്പര്‍ശിയായ ചാറ്റില്‍ അനുഷ്‌ക വിരാടുമായുള്ള തന്റെ ബന്ധത്തെക്കുറിച്ച് തുറന്നുപറഞ്ഞത്. ”ഞാന്‍ എന്റെ ഏറ്റവും അടുത്ത സുഹൃത്തിനെയാണ് വിവാഹം കഴിച്ചത്. എന്റെ വിശ്വസ്തനെയാണ് ഞാന്‍ വിവാഹം കഴിച്ചത്. ഞാന്‍ വളരെയേറെ സ്‌നേഹിക്കുന്ന ഒരാളെയാണ് ഞാന്‍ വിവാഹം കഴിച്ചത്. ഞങ്ങള്‍ ഒരുമിച്ചിരിക്കുമ്പോള്‍ ലോകം ഇല്ലാതാകുന്നു.” നടി പറഞ്ഞു.
വളരെ തെറ്റിദ്ധരിക്കപ്പെട്ടയാളാണ് വിരാടെന്നും നടി പറഞ്ഞു. മത്സരങ്ങളില്‍ അദ്ദേഹം ആക്രമണോത്സുകനും തീവ്രതയുമുള്ളവനായി കാണപ്പെടുമ്പോള്‍, യഥാര്‍ത്ഥ ജീവിതത്തില്‍ താന്‍ വളരെ സമാധാനപരവും ശാന്തനുമാണെന്ന് അനുഷ്‌ക പറയുന്നു. അവരുടെ തിരക്കുകള്‍ കാരണം വിവാഹത്തിന് ശേഷം ഒരുമിച്ച് കിട്ടുന്ന സമയം തന്നെ വിരളമായിരുന്നെന്ന് നടി പറഞ്ഞു.
”ഞങ്ങളുടെ വിവാഹത്തിന്റെ ആദ്യ ആറ് മാസങ്ങളില്‍, ഞങ്ങള്‍ ഒരുമിച്ച് ചെലവഴിച്ചത് ആകെ 22 ദിവസങ്ങളായിരുന്നു. മുംബൈയില്‍ ഉണ്ടായിരുന്നിട്ട് പോലും ഞങ്ങള്‍ ഒരുമിച്ചായിരുന്നില്ല. വാസ്തവത്തില്‍, ഞങ്ങളെ വീട്ടില്‍ ഒരുമിച്ച് കാണുമ്പോഴെല്ലാം വീട്ടിലെ ജോലിക്കാര്‍ക്ക് വളരെ സന്തോഷമാണ്.” അവര്‍ പറഞ്ഞു.
ഒരു പരസ്യ ചിത്രീകരണത്തിനിടെയാണ് വിരാടും അനുഷ്‌കയും ആദ്യമായി കണ്ടുമുട്ടുന്നത്. പക്ഷേ അവര്‍ തങ്ങളുടെ ബന്ധം വളരെക്കാലം സ്വകാര്യമായി സൂക്ഷിച്ചു. ഒടുവില്‍ 2017 ഡിസംബറില്‍ ഇറ്റലിയില്‍ നടന്ന മനോഹരവും ലളിതവുമായ ഒരു വിവാഹ ചടങ്ങില്‍ അവര്‍ വിവാഹിതരായി. അടുത്ത കുടുംബാംഗങ്ങളും സുഹൃത്തുക്കളും മാത്രം പങ്കെടുത്തു. രണ്ട് കുട്ടികളുണ്ട്, 2021 ജനുവരിയില്‍ ജനിച്ച മകള്‍ വാമിക, 2024 ഫെബ്രുവരിയില്‍ ജനിച്ച മകന്‍ അകായ്.
ഈ ദിവസങ്ങളില്‍, കുടുംബം മുംബൈയ്ക്കും ലണ്ടനും ഇടയില്‍ സമയം പങ്കിടുന്നു. വാസ്തവത്തില്‍, വിരാട് ഉടന്‍ ലണ്ടനില്‍ സ്ഥിരതാമസമാക്കാന്‍ ഒരുങ്ങുകയാണെന്ന് വിരാടിന്റെ ബാല്യകാല പരിശീലകന്‍ രാജ്കുമാര്‍ ശര്‍മ്മ പറഞ്ഞത്. ഇപ്പോള്‍, ഐപിഎല്‍ 2025ല്‍ റോയല്‍ ചലഞ്ചേഴ്സ് ബെംഗളൂരു (ആര്‍സിബി)ക്ക് വേണ്ടി കളിക്കുന്ന വിരാട് കോഹ്ലി ക്രിക്കറ്റില്‍ നിന്നും വിരമിച്ചു കഴിഞ്ഞാല്‍ ലണ്ടനില്‍ സ്ഥിരതാമസ മാക്കാ നാണ് പദ്ധതിയിട്ടിരിക്കുന്നത്.
