ചേര്ത്തല: ഓസ്ട്രേലിയയില് പരസ്യ ചിത്രീകരണത്തിന് ഉപയോഗിക്കുന്നതിന് 80 മീറ്റര് തുണി ഉപയോഗിച്ച് ഒരുക്കിയ ഗൗണ് കൗതുക കാഴ്ചയായി. ഓസ്ട്രേലിയയില് നഴ്സായ പട്ടണക്കാട് സ്വദേശിനി ഒലിവിയ മൈക്കിളിന് പരസ്യ ചിത്രത്തില് അഭിനയിക്കുന്നതിനായാണ് ഇത്രയും നീളംകൂടിയ തുണി ഉപയോഗിച്ച് ചേര്ത്തലയിലെ സ്ഥാപനത്തില് ഗൗണ് തുന്നിയത്.
മെറുണ് നിറത്തിലുള്ള തുണിയില് മൂന്നു ഭാഗങ്ങളായാണ് ഗൗണ് ഒരുക്കിയത്. ആദ്യഭാഗത്ത് ആറു മീറ്റര് തുണി ഉപയോഗിച്ച് 15 ഇഞ്ച് നീളത്തില് 16 പീസുകള് ഒരുക്കി. അടുത്ത ഘട്ടത്തില്18 മീറ്റര് തുണി ഉപയോഗിച്ച് 15 ഇഞ്ച് 80 നീളത്തില് 45 പീസ് തുന്നി. മൂന്നാമത്തെ ഭാഗത്ത് 47 മീറ്റര് തുണിയില് 19 ഇഞ്ച് നീളത്തില് 94 പീസ് ഉപയോഗിച്ചാണ് ഗൗണ് പൂര്ത്തിയാക്കിയത്. ഫ്ലയര് 218 മീറ്ററുണ്ട്. യോക്കിനും സ്ലീവിനുമായി ഒന്പത് മീറ്റര് തുണിയും ഉപയോഗിച്ചു.
