പ്രശസ്ത നീലച്ചിത്രനടി കാഗ്നി ലിന്‍ കാര്‍ട്ടര്‍ 36-ാം വയസ്സില്‍ ഒഹായോയില്‍ ആത്മഹത്യ ചെയ്തു. സ്വയം വെടിവെച്ച നിലയില്‍ വീടിനുള്ളില്‍ കിടക്കയില്‍ നടിയെ സ്വന്തം മാതാവ് കണ്ടെത്തുകയായിരുന്നു എന്നാണ് പുറത്തുവരുന്ന റിപ്പോര്‍ട്ടുകള്‍. വായ്ക്കുള്ളില്‍ തോക്കുവെച്ച് വെടിവെയ്ക്കുകയായിരുന്നു. അതേസമയം ആത്മഹത്യാകുറിപ്പ് പോലെയൊന്നും കണ്ടെത്തിയിട്ടില്ല.ദിവസങ്ങള്‍ക്ക് മുമ്പാണ് നടി സന്തോഷവതിയായി ഫ്‌ളോറിഡയിലെ ബീച്ചില്‍ നില്‍ക്കുന്ന രീതിയിലുള്ള ഫോട്ടോ തന്റെ സാമൂഹ്യമാധ്യമ പേജില്‍ പോസ്റ്റ് ചെയ്തത്. നടി ഏതാനും നാളായി മാനസീകമായി പ്രതിസന്ധി അനുഭവിക്കുന്ന നിലയില്‍ ആയിരുന്നെന്നാണ് സംസ്‌ക്കാരചടങ്ങുകള്‍ക്കായി കുടുംബം തയ്യാറാക്കിയിട്ടുള്ള ഗോഫണ്ട് മീ പേജില്‍ നല്‍കിയിരിക്കുന്ന സൂചന.
കേവലം നീലച്ചിത്ര നടി എന്നതിനപ്പുറത്ത് നടിയും നര്‍ത്തകിയും ഗായികയും അത്‌ലറ്റുമൊക്കെയായിരുന്നു കാഗ്നി ലിന്‍ എന്ന് ന്യൂയോര്‍ക്ക് പോസ്റ്റ് പറയുന്നു. 1987 മാര്‍ച്ച് 28 ന് ജനിച്ച കാര്‍ട്ടര്‍ പെന്‍സില്‍വാനിയയിലാണ് വളര്‍ന്നത്. സ്‌കൂളില്‍, അവള്‍ ട്രാക്ക് ഓടിക്കുകയും പ്രസംഗങ്ങളിലും സംവാദങ്ങളിലും പങ്കെടുക്കുകയും ചെയ്തു. അവള്‍ ഒരു ചിയര്‍ ലീഡര്‍ കൂടിയായിരുന്നു. 2000 മുതലാണ് അവര്‍ പ്രായപൂര്‍ത്തിയായവര്‍ക്ക് മാത്രമുള്ള സിനിമയുടെ ഭാഗമായത്. മുതിര്‍ന്നവരുടെ വിനോദ വ്യവസായത്തില്‍ ഒരു ലൈംഗിക നര്‍ത്തകിയായി ആരംഭിക്കുന്നതിന് മുമ്പ് അവര്‍ ഒരു മെക്‌സിക്കന്‍ റെസ്റ്റോറന്റില്‍ ഹോസ്റ്റസായി ജോലി ചെയ്തു.
അഭിനയവും പാട്ടും പിന്തുടരാന്‍ അവള്‍ കാലിഫോര്‍ണിയയിലേക്ക് മാറി. അവള്‍ക്ക് ‘അവിടെയും ഇവിടെയും കുറച്ച് മോഡലിംഗ് ജോലികള്‍ ലഭിച്ചു. 2008 ല്‍ സിനിമകളില്‍ അഭിനയിക്കാന്‍ തുടങ്ങി, കൂടാതെ വിവിധ മാസികകളുടെ കവറുകളിലും ഉണ്ടായിരുന്നു. അഡല്‍റ്റ് ഫിലിം ഇന്‍ഡസ്ട്രിയിലെ പുരസ്‌ക്കാരമായ എവിഎന്‍ അടക്കമുള്ള അവാര്‍ഡുകള്‍ നേടിയ താരത്തിന്റെ വിയോഗത്തില്‍ അനേകരാണ് ആദരാഞ്ജലിയുമായി എത്തുന്നത്.
